السلام عليكم
شخباركم؟
خطوبه اخوي جريب
وابي احجز على صالون حق مكياج في البحرين طبعا
شنو احسن صالون حق مكياج
مع العلم انا ملامحي ناعمه
و اذا تعرفون اي حنايه اتيي البيوت
يعني في الرفاع
خبروني بليييييييز
حبيبتي دياركم إن شاء الله دوم عامرة بالأفراح ، وبالنسبة للمكياج عندج صفية شويطر وفاطمة شويطر وعندج للشعر ...... الشكر سوري نسيت أسمها ( سميرة) بس أشوي غالي المكياج بس والله يستاهل ، وعندج صالون الرونق حق المكياج نهاد أو فاطمة والشعر هم حلو. وصالون سلوى وقولي لها أبي مكياج عروس وبيسوون لج الشعر والمكياج على ما أظن 70 دينار بس مكياجها واييد حلو بس قولي لها خففي أشوي لأنج ما تبين تطلعين عروس وتصكين على مرت أخوج ( العروس ) ههههه.
مشكوره يالغلا
ابي مكان جريب من مدينه عيسى او الرفاع
اختي عندج الرونق حلوووووو بس اسعاره غاليه
واذا تبين صالون يسوون المكياج والشعر عندج صالون اشرقت عند نوره الكعبي
او صالون سما عند وحده اسمها صابرين الذوادي بس قولي لها ابي ناعم وخليها هي تسوي شعرج
لان الباقي ما يسوون حلو الصالون يصير عند دسكفري الي في جد علي
مشكوره حبوبه
انا خلاص حجزت في اشرقت بس مو عند نوره الكعبي
عند عبير
لأن يوم رحنا شفت جم وحده متمكجين عندها وكان روووووعه ومرتب وناعم
سألنا من اللي مكيجهم قالت عبير
قلنا خلاص عيل بنحجز عندها