:3ooos:
مع بداية موسم خريف/شتاء 2008/2009
ونزول الامطار ...الله يجعلها امطار خير وبركه :smile:
احب اقدم لكم هالموضوع المتكامل عن
الموضة الدراجه لهالموسم ..من ستايلات ألوان ...
بناءاً على طلبكم ...تعبت عليه وايد بصراحه ..
بس كله يهوون ..اهم شي انه يعجبكم وتستفيدون منه
وتاخذون منه أفكار .. وتختارون اللي يناسبكم ...
وانا حاضره لأي استفسار و سؤال... :shy:
طبعا في اشياء من الموسم السابق بعدها
دارجه بهالموسم ومستمره .. وراح نعرفها بعد شوي
يالله نبدا :sm2441:
الألوان
الدرجات الناريه من اللون الاحمر والبرتقالي والفوشي
درجات البنفسجي والارجواني
((البنفسجي مع الأسود ضاارب هالشتا )) :ok:
درجات الأزرق البارد و الكحلي
درجات الأخضر الفيروزي و الأخضر البحري
درجات الذهبي الممزوج بالمشمشي
درجات اللون الحليبي أو الكريمي
طبعاً مع تواجد الأوان الشتويه الثابته (( الأسود و الرمادي ))
الحين ننتقل لستايلات الخريف والشتاء
1- قمـاش الكاروهات
واااايد وااايد ضارب هالسنه .. وتقريبا كل عروض الازياء اشتملت
على الكاروهات ... سواءاً للملابس أو الإكسسوارات
هذا واايد وايد عاجبني حده كول .. وإلا شرايكم ؟؟
2- الستايل الفلكلوري الشعبي ((البوهيمي))
هالستايل يعتمد على النقوشات وكثرة التطريز و الألوان
التراثيه المستمدة من حضارات الشعوب ..
و ينلبس معاها اكسسوارات ذهبيه او منقوشه يناسبهاا
والشعر يكون غجري مفلول (مفتوح)
3- الستايل العسكري
يعتمد هالستايل على الخطوط العسكريه مثل طريقة
الازرارات على الجاكيتات و القصات الحاده و الألوان الرجوليه
4- الستايل الكلاسيكي الرسمي
طبعاً هالستايل ما يحتاج شرح ..يعتمد على البدلات
الرسميه و القصات الكلاسيكيه .. بس نقدر نكسر حدة
هالستايل بإضافة الاكسسوارات الملائمه و بالألوان الزاهيه
5- قــماش جلود الحيوانات
و مو مقيد بال(جلد النمر) .. لا
عندج جلد الفهد و الحمار الوحشي
و التمساح و الأفاعي والزرافه و البقر ...الخ
وطبعاً يحلى أكثر مع الفروو .. يعطي فخامه وتميز
مثل ما نشوف بالصوره الثالثه
6- الكـــشاكـــش
سواءاً بالقميص - النفنوف - أو التنوره
يعطي انوثه ونعومه .. و وايد دارج هالموسم
7- التنوره و البنطلون الهاي وست الواسع
الهاي وست كان موجود بموسم الصيف .. بس هالمره
البنطلون معاه راح يكون واااسع مع حزام عالخصر ..
<< ليلحين ما تقبلته
والسكيني راح يظل موجود ..لا تخافون
8- الحـــــــــــزام
وااايد راح يكون دارج ... سواءاً العريض او الدقيق وبأشكال متنوعه
مع التنانير / البنطلونات/النفانيف/الجاكيتات
9- السكــــارفــــات و اللفات
اذا حابه تكونين على الموضه بالشتاء ..لازم يكون عندج
سكارف او لفه ...واايد يغير من البدله اللي لابستها
ومرات يكون السكارف اهو القطعه الاساسيه باللبس
(( وراح انزل موضوع مفصل عن السكارافات وطرق لبسها
ان شاء الله ... ))
10 - الهيلاهوبات الملونه و المزخرفه
اذا شفتي اي عرض أزياء للشتا راح تلاحظين
ان العارضات لابسين هيلاهوبات ملوونه و مزخرفه
خصـــوصاً اللون الأسود .. وايد حلوو ويعطي انااقه للبس
وفي رقم (11)
بس انا فضلت انزله بموضوع منفصل عن قريب .. ان شاء الله
اللي اهو عن الجديد و الموضه بجاكيتات هالسنه ...
قبل لا تطلعون بليز بطلب منكم شغلتين :
1- اذا عجبكم الموضوع ... لا تنسون تقيموني :shy:
2- ادعووولي اشتغل بالمكان اللي في بالي ..:cool2:
الموضوع جهد شخصي متعوب عليه
وما احلل اي شخص ينقله ... :bomb:
مهما كانت الأسباب والدوافع خخخخ
:9_33: