انا الحين بعرض الفكرة ( بطريقتي وباللي اشوفه انا ) والله شاهد على نيتي بس الله المستعان ما نقدر نغير بتفكير احد
يا بنات هالسالفه توها تصير ان سين من الناس تقدم لي وكلم ابوي من سنتين لظرف ما دراسة ووفاة الخ تأخر سنتين لين يرد يكلم ابوي مرة ثانية عشان يخطبني
انا طرحت الموضوع بعد ما احترت شلون ( اقول اي موافقه ) جربت وايد اقول لا موافقه سهله نقول لا بس الصعب نقول اي ومع احساسنا بعدم موافقة الوالد
المهم يا بنات ابوي قالي هالسين من ناس كلمني مرة ثانية يبيج انا سكت وبوقت سكوتي هذا قال انا ماني موافق عشان عمره كبير عليج وهو صح كبير علي بس انا موافقة ليش او ما ليش شي يخصني :)
وبعد شوي قال وهذا مذذهبه غير مذهبج عادي !! قلت له شدخل هالموضوع بالزواج يعني من متى صار زواج السلمين من بعض عيب او حرام ..وعلى فكرة اهله كلهم واهلي يعرفون بهالامر وما توقعت من بداية ان ابوي يفكر جذي بس انا قلت له ماله علاقة المذاهب بالزواج قال اوكي بقوله تفكرين قلت له قول له بفكر وانا عندي امتحانات الحين
الحين المشكله شلون اقول لابوي موافقة بدون ما احرج نفسي وبدون ما احرجه معاي وبلا سين وجيم علي وخصوصا انه مطلق وعنده عيال وابوي للحين ما عرف بهالنقطة بس انا اعرف
مابي ردود شلي حادج وليش ومدري شنو ابي تساعدوني بافكار ابدي فيبها موافقتي واقنع ابوي ان هالاشياء ما توقف الانسان عن نصيبه عيال او عمر او او اذا الله كاتب لشخص شي بيصير مافي مفر
مابي ردود شلي حادج وليش ومدري شنو ابي تساعدوني بافكار ابدي فيبها موافقتي واقنع ابوي ان هالاشياء ما توقف الانسان عن نصيبه عيال او عمر او او اذا الله كاتب لشخص شي بيصير مافي مفر
ولو اجتمع الخلق كلهم على تغير القدر ما بيقدرون وانا حاسه انه هذا الانسان الي بيسعدني ولو ابي الزواج بس كنت من زماااان متزوجة
:confused:
اتمنى منكم المساعده مو زياده الامر تعقيييييييد وربي يعلم بغلاكم عندي