صنية خضار من ايدى اختراع

ازيكم يا حلوين النهاردة عملت صنية خضار طلعت يــــــــــــــــــــــمـــــــــــــــــى بجد و دى رابع مرة اعملها و كل مرة بتطلع احلى من المرة اللى قبلها فقلت لازم اقلكم طريقتها

نـــــــــــــبـــــــــــــدا

المقادير حسب العدد

3 حبات بطاطس متوسطة

5 حبات كوسة

3 حبات طماطم متوسطة

بروكلى حسب الرغبة

زيت زيتون ملح وفلفل اسود

2 بصلة كبيرة او 3 متوسطة بحب البصل كتير:o

3 حبات جزر


حبة فلفل اصفر

حبة فلفل احمر وممكن اخضر اذا بتحبوة

وممكن تزودى اى خضار تانى بتحبية بس دا اللى انا بحبة



الطريقة

تقطع البطاطس مكعبات متوسطة
تقطع الكوسة والجزر مكعبات متوسطة
والفلفل الاصفر والاحمر شرائح بالطول او حسب الرغبة
وتقطع الطماطم و البصل شرائح
وتقطع البروكلى

بعد لما تقطع جميع الخضار نحضر صينية افرن البايركس

ندهنها بشوية زيت زيتون
و نرص الخضار
البطاطس ثم الكوسة والجزر
ثم الفلفل الاصفر والاحمر
و بعدين البروكلى او اى خضار تانى مكانة تفضلوة
وبعدين نحط الملح والفلفل الاسود حسب الرغبة و حوالى 2 ملعقة طعام زيت زيتون فوق الخضار و نقلبة باليد حتى تخطلت الخضار مع الزيت و التوابل
و بعد لما نخلط الخضار نرص علية شرائح البصل و الطماطم زنرش عليهم شوية ملح و فلفل
و نحط حوالى ملعقة زيت فوق الوش علشان لا ينشف الطماطم

و نغطيها بورق الالومنيوم و ندخلها الفرن حوالى من ساعة اللى ساعة و نص

و بعيدن نشيل الورق علشان تحمر

وبالهنا و الشفا