حوامل وبنات الشرقيه ممكن تساعدوني بتجهيزاتي

&

&قلبي جريح&

عروس جديدة

30-10-2008 | 05:48 PM

السلام عليكم ورحمة الله وبركاته
خواتي بنات الشرقيه(الحسا والخبر والدمام)
اذا ممكن ابغى اسماء محلات تبيع الاغراض
هذي فخمه راقيه
1- ملحف ولاده كامل مع اغراض البيبي ابغاه جاهز
راقي ياليت اسماء محلات مع الوصف
2- محلات تبيع قمصان ولاده حلوه وباسعار حلوه
3- محلات تبيع طقم ترامس مع الفناجين والبيالات
والصواني وتكون فخمه وغريبه

وياليت ماتنسون الوصف وبكون شاكره لكل من ساعدني
ولكل من لم يستطع المساعده تدعيلي بالولاده السهله
ويرزقني ربي باطفال اصحاء كاملين الخلقه والخلق

j

joojoo.sweet

عروس ماسية

30-10-2008 | 07:22 PM

والله أقدر أفيدك بالقمصاان .. عندك محل بالجمعه سنتر أسمه واحة الجلابيه وكم محل بالدور الاول عندهم شغلااات حلوووة للنفااس >>على إمتداد كورنيش الخبر قدام الميرديان

وعندك بسوق الحب بالدمااام في بعد محالاات بس للأسف موقعهم ناسيته وين بالضبط ..

و

وليف

عروس مبدعة

31-10-2008 | 02:17 PM

بالنسبه للبيبي : عندك مذركير , سنتر بوينت بأختصار روحي مجمع الظهران وبتلاقين اكثر من محل للاطفال

بالنسبه لك : فيه محل في فينيسيا مول جديد ولا عليه اسم بس هو بالدور الثاني عنده مفارش واطقم كامله للام والبيبي بس هذا المحل يبيع بس مايفصل اللي يفصل الفرع الثاني في مخطط 75 في الدمام اعتقد اسمه بوابه المولود

بالنسبه للصواني وتوابعها انا قررت اسويها بنفسي مااشتريها

ر

رائـــعة

عروس مشاركة

01-11-2008 | 08:33 AM

السلام عليكم ورحمة الله وبركاته

خواتي بنات الشرقيه(الحسا والخبر والدمام)
اذا ممكن ابغى اسماء محلات تبيع الاغراض
هذي فخمه راقيه
1- ملحف ولاده كامل مع اغراض البيبي ابغاه جاهز
راقي ياليت اسماء محلات مع الوصف

تلقين عند سيتي بلازا "سنتربوينت" تختارين اللي تبن يعني مثلا مفرش للسرير + شنطة وتجى انواع كثيرة كبير وصغير تختارين اللي تبين + سليب باق"مدس" + لحاف + مخده + اشياء ثانويه ثانيه يعني لك حرية الاختيار والتطقيم هذا احسن شي

محلات تبيع قمصان ولاده حلوه وباسعار حلوه

يقولون واحه الجلابية وانا ماعمرى شفتهم والله لانى اخذ قمصانى من اي مكان اهم شي يكون فيه ازارير او فتحه للرضاعه يعني خذي كم حبه للكشخه والباقى عادي وانتى على راحتك عندك السعر المنافس او الهرم

3[COLOR=blue]- محلات تبيع طقم ترامس مع الفناجين والبيالات
والصواني وتكون فخمه وغريبه

[/COLOR]

الفناجيل والبيالات والدلال .. الصراحه على كثر مادرت في مخطط 8 مافيه جديد كله تقليدى اللهم الاختلاف في الزخرفه خصوصا الدلال الفضيات ماجابوا غيرها "اذا حصلتى قولي لي خخخخخخخ" بس رحت للسيف قالري بالرياض حلووو

&

&قلبي جريح&

عروس جديدة

01-11-2008 | 04:29 PM

خواتي
جوجو
وليف
رائعه

مشكورررررررررررررين وااااايد ماقصرتو الله يوفقكم ويكتبلكم ماتتمنون

وانشاء الله بنات الاحساء يفيدوننا بالبيالات لاني سمعت عندهم بس انا
ما ادل واول مره بروح

ه

هامة العز

عروس رائعة

01-11-2008 | 04:36 PM

ماقصروو البنات كفوو و وفوو

فيه عندك محل بيبي هاوس مقابل الستي بلازا ( سنتر بوينت ) اللي في الدمام قبل دوار الصدفه

عنده اطقم البيبي كامل ومفرش الام كامل مررررررره روعه
وبتحصلين في سوق الدمام العادي فيه محلين مقابل الاماره وجنب بوتيك نسرين على شارع الملك فهد اتوقع شفت عندهم بعد اطقم ولاده حلوووه بس اعجبوني اللي في بيبي هاوس اكثر :o

وقمصان الرضاعه تلاقين في الهرم بلازاااا عندهم قمصان حلوه واسعارها زينه
وبتحصلين عند ايمن لانجري في سوق الدمام العادي ( سوق الحب ) بس بصراحه حراااااامي
اسعاره نار وهي وماتسوى القيمه وكلها صناعه سوريه

اطقم الدلال والبيالات عندك الحياة بلازا فيه باخشوين عندك السيد كلهم اطقمهم راقيه وفخمه

الله يهون عليك ويقومك بالسلامه

&

&قلبي جريح&

عروس جديدة

02-11-2008 | 04:27 PM

هامة عز
يسلمووووو حبيبتي ماقصرتي
الله يسهل عليج

+

+سديم+

عروس مبدعة

10-11-2008 | 01:26 PM

يعطيكم العافيه ،،، بصراحه انا بعد كنت ادور هالأشياء لاني ابغى مفرش لي وللبيبي يكون طقم وماني عارفه من وين اخذ ،،، شكرا مره ثانيه