ارجوكم حبيباتي ساعدوني والله انا في ورطه

السلام عليكم ورحمته الله وبركاته

عزيزاتي انا ورطة نفسي بنفسي غفله ......ووقعت فيها ومالقيت احد يساعدني الا انتم وبالاصح ماشكيت احد من اهلي لانه الرد اتوقعه
عزيزتي لميس ارجوكي اهتمي بالموضوع اهتمي فيه ولو ثواني
وانا احاول اكون صادقه معاكي
انا فتاة توني داخله في القرن العشريني يعني عمري 20 سنه
اشتركت في النت لسبب وهو اني اتصفح المواقع
وقعت في زلة شيطان ودخلت على الشات تعرفت على واحد من خارج مدينتي وكان كلامي محترم معاه بدات نتعارف على بعض اكثر واكثر وثق هو بسرعه فيا ماادري ليه؟؟؟
اعطاني اميله ورقمه السري بسبب في ملفات يريد ان اطلع عليه
ودخلت على ايميله وفتحت الملفات ماعجبني
جا في بالي اني اخليه يحذف هذا الملفات بس بطريقه محترمه
فاصبح دايما يتفق معايه على مو عد دخولناعلى الشات
وكنت معاه على التفاق حاولت اني اخليه يحذف الملفات بس بطريقه غير مباشره
وكان في امكاني يالميس اني احذفه بس احترما له اخترت انه يحذفه هو بنفسه احسن
كنت اقابله على الشات خمس مرات في الاسبوع وتقريباَثلاث ساعات في اليوم
دامت علاقتنا شهر لمن حس هو باحترمي الشديد له
استحى لمن حس بمضايقتي من هذا الملفات وحذفه واخبرني هو بدلك
علماَ بانه يكبرني بثلاث سنين
المهم يا حبيتي شعرت انه علاقتنا كلما لها توطد اكثر واكثر
وشعرت انه وقع في غرامي وفي الخقيقه يالميس والله حبيته حبيت بجد
وقالي انه حيرسل صورته وافقت
ورسلها وشفتها والله يالميس اول ما شوفته احساسي جمد
حسيت ان نفس المواصفات في زوج المستقبل كملت فيه من ناحية الاحساس ومن ناحية الشكل
بس للاسف عيلتنا ابدا ما تسمح بزواج بناتها من خارج العيله
حاولت اقطع هذي العلاقه
بس كل مابغى اكلمه في الموضوع يحاول هو يغيره
سالني اساله عن مواصفاتي وعن تعليمي يعني يسالني اساله متعلقه فيا وبس
حاول معايه اني اكلمه في التلفون مارصيت انا؟؟؟؟...اخبرته اني اهلي لو عرفوا بالوضوع حيشنقوني جلس يترجى فيا ويوعدني انه ما ياذيني مره ثانيه وانه يبغى يسمع صوتي وبس قلتله طيب الفاتوره حتطلع على اهلي وبعدين يتحققواا من مصدر المكالمه لانه هو من خارج منطقتي قال انه هو حيتصل المهم بعد المجادله والنقاش رضي بالموضوع وعذرني علشان الاهل؟؟بعدين طلب صورتي؟؟؟؟؟ وطبعا رفضت بسبب المشاكل الي تصير وعذرني وسكت وقال معاكي حق
المهم سوالي ايميل في الهوتميل علشان نتقابل على الماسنجر على طول من دون مااروح على دردشة موقع.......
كنت محتاره هل يواعدني علشان يتسلى ولا الموضوع فيها حب واحترام ...
المهم صار يكتبلي اشعار ورسايل غرام والله يالميس حسيت انها من قلبه ومستحيل احد يقولها كذب او خداع..حاولت اكذب عليه اني مسافره لمدة شهر علشان يسهل عليه فراقه وفراقي بس هو صدق موضوع السفريه بالاصح انا خليته يصدق............ حاولت اطنشه بعد ثلاث اسابيع فتحت ايميلي ولقيت الرسايل انه هو متامل اني ارجعله وكلام والله يكسر الخاطر ومن طيبة قلبي ومراعاة لمشاعره
فتحتها وطبعا هو عارف رقمي السري للايميل وفتح البريد وحصل الرسايل فتحتها.....طبعا اطريت اني اكلمه على الماسنجر بعد اسبوع حسيت انه يلمح في الكلام انه يبغى يقرب مني اكثر واكثر.... وقلتله اني عيلتنا ماتسمح بزواج خارج العيله وكذبت انا عليه وقلتله في موضوع جديد صار واتوقع هو على طول....
:eek: وقالي ايش هو معنى انه عارف؟؟؟؟؟ قلتله اتخطبت واتفاجا وحتى ماقالي مبروك الا يوم الثاني واعتذر عن تصرفهالمهم يالميس جات اجازة الحج وقلتله مسافره لمدة اسبوعين قال استناكي على الماسنجر
بعد اسبوعيد فتحت اليميل لقيت انه كل يوم يرسل رسايل وانا في سفريتي والله الكلام صادق ومحترم ومراعاة لمشاعره كمان:( قابلته بعد اسبوعين وطلب صورتي وقلتله مااقدر وانت عارف الظروف
وجلس يوعدني انه ما ياذيني ولا احد غيره يشوفه وهذا سر بيني وبينه ولا من شاف ولا من درىوقال انا اعتبرك زي اختي وانا مااتمني الاذية لكي ابد.....اخترعتله صوره ورسلتها وصدق انه صورتي والولد صار كل يوم يرسل صوره له وصور اسرار عمله واسرار خطيرة جدا ورقم جواله يعني اثبتلي جدا انه واثق مني ؟؟؟؟؟؟؟؟؟ الحين لنا شهرين على العلاقه وشهر ونص من قبل الحج يعني صار لنا ثلاث شهور ونص..... لميس الولد طيب ورقيق وحساس جدا واقع في حبي ومشاعره واضحه جدا وصادق معايه كل الصدق
وانا يالميس ماادري ايش اقول صراحه انا ........احبه احبه وعمري مااحب احد زيه
وعدني انه حيستمر بمراسلتي طول الحياة حتى لو تزوجت وهو دايما حريص اني مااظهر علاقتي لاهلي علشان مايسببلي مشاكل ودايما يعطيني نصايح في جميع اموري وانا كمان استشيره في اي شي وهو كمان يستشيرني واليوم الي يمرض فيه والله بالصدفه انا امرض فيه ونتفق مع بعض في كثير من الامور في الذوق في الرقه والطيبه الاحساس في كثير من الامور يعني صرنا شخص واحد بنفس الاحساس

الحين يالميس عرفتي حكايتي من الى......... واذا اي اسفسار انا مستعده والله حكون صادقه معاكي
علما ان اهلي مايعرفو ااي شي وماما كل ماتشوفني على النت تحسبني اذاكر لاني ادرس في معهد كمبيوتر ودايما تحذرني من الدردشه.....طيب يالميس ابغى نصيحه منك اقصد الحل لمشكلتي
هل استمر العلاقه مع هذا الشاب على حسب اتفاقنا ووعودنا مع بعض بس انا خايفه من النهايه....او اقطع العلاقه؟؟؟؟؟:confused: واذا اخترتي الخيار الثاني ما العمل او التصرف اقدر اسويه دون جرح كرامته واحساسه والله الامر صعب عليا وعليه بس ابغى حل وصراحه تفكيري حيشل صرت ماافكر الا فيه ولا اشوف احد الا اتخيله انه هو معايه
ارجووووووووكم انا في ازمه ساعدوني:confused: :confused: