السلام عليكم
ماعرف شلون ابتدي بس بدش في الزبده
انه شارطه على خطيبي اني اسكن بروحي بشقه لين الله يسر نطلع بيت ، بس المشكله طول هلفتره كان يسايرني اليوم فاجئني يقول لي مابنقدر نطلع في شقه حتى اجارها 250يقول مايسوه انصدمت:21_178: اهو ماعليه ديون وااايد يعني اكثر من نص المعاش يبقى و هو متعود طلعات و لبس و كشخه مسرف درجة اولى ، يبي يسكني في بيت هله و انه بصراحة مو حابه معنه البيت مافيه شباب يعني اقدر اخذ راحتي بس مهما يكون ماباخذ راحتي على الاخر بحاسب على كل خطوه اخطيها ماحب احد يحط العين علي شنو لبست شنو سويت شنو طبخت ، حتى القعدات الرومنسيه مابقدر اسويها و طباخ احس مابقدر اسوي شي على كيفي مابي اخسر خطيبي علشان شقه بس مو عارفة شلون اقنعه اهو يفكر يطلع بيت على طول مايبي شقه في البداية طبعا بعد كم سنه شورو علي مضايقة حدي لاني حطيت آمال اني بطلع في شقه وتكون مملكتي الخاصة
ابي اعرف شلون تأقلمتوا مع اهل ازوجكم في بيت واحد شلون حياتكم بوجودهم بنفس البيت يعني احس اني لو بسكن بيت اهله مابنزل الصاله اقعد وياه هله واااايد بس كله بحجرتي و الوجبات لازم نكون وياهم و انه احب اكون مع زوجي بروحنه و حتى لو صعدنا اي وجبه فوق ناكل بروحنه بيحشون فيني ليش ماتقعد معانه ليش و ليش و مع العلم هاي ولدهم الوحيد من بين البنات يعني الغيره بتشتغل عدل من ناحيت خواته و والدته :sad:
ابي خبرتكم و مشورتكم يا المتزوجات
ل
30-10-2008 | 01:36 AM
ا
30-10-2008 | 01:48 AM
اذا ظروفه صعبه مشي
حالك معاه لحد ماربي ييسرها 00
الحياه لابد صبر ومكابده 00
وخليك مرنه وتقبلي اهله 00
وياالله بلا دلع ( اضحك معاك ) 00
ومبروك مقدماااااااااااااااااااااااااااا 00
حالك معاه لحد ماربي ييسرها 00
الحياه لابد صبر ومكابده 00
وخليك مرنه وتقبلي اهله 00
وياالله بلا دلع ( اضحك معاك ) 00
ومبروك مقدماااااااااااااااااااااااااااا 00
أ
30-10-2008 | 05:38 AM
بالله قولي لي انتي اشلون بيقدر يشتري بيت لو يبني بيت وانتون ساكنين باجار :rolleyes:
انتي لو بتحسبينها طول سنه مثلا والله تغطي ربع قرض بيت ملك يعني حرام البيزات بدل ما تطير للاجار ..تجمعونها لشراء بيت ملك .. تتحملين ببيت اهل زوجك ليما الله يفرجها وتشترون لكم بيت ابروحكم ... احسن من تدحين بالايجار ..تتدفعين وتخسرين في شي مو ملك لك ..
وسالفة اهل الزوج اعتبريهم مثل هلك .. وخلي امه في مقام امك .. قد ما يعز اهله ويحبهم انتي عزيهم وحبيهم بمقداره ..ترى اذا حبيتي اهله قد ما يحبهم هو .. يزيد حبه لك انتي :15:
يعني علشان تتعايشين بسهوله تخيلي والدته امك تمام .. تتقبلين منها بصدر رحب .. وحماوتك مثل خواتك خليهم ...بس اهم شي حياتك الزوجيه بينك وبينه حاولي ما تعصبين معاه واهو مع اهله احترميه قدامهم وشيليه شيل علشان يكون لك مقدار قوي عنده وبين اهله ..
والله يوفقك ويهديك
انتي لو بتحسبينها طول سنه مثلا والله تغطي ربع قرض بيت ملك يعني حرام البيزات بدل ما تطير للاجار ..تجمعونها لشراء بيت ملك .. تتحملين ببيت اهل زوجك ليما الله يفرجها وتشترون لكم بيت ابروحكم ... احسن من تدحين بالايجار ..تتدفعين وتخسرين في شي مو ملك لك ..
وسالفة اهل الزوج اعتبريهم مثل هلك .. وخلي امه في مقام امك .. قد ما يعز اهله ويحبهم انتي عزيهم وحبيهم بمقداره ..ترى اذا حبيتي اهله قد ما يحبهم هو .. يزيد حبه لك انتي :15:
يعني علشان تتعايشين بسهوله تخيلي والدته امك تمام .. تتقبلين منها بصدر رحب .. وحماوتك مثل خواتك خليهم ...بس اهم شي حياتك الزوجيه بينك وبينه حاولي ما تعصبين معاه واهو مع اهله احترميه قدامهم وشيليه شيل علشان يكون لك مقدار قوي عنده وبين اهله ..
والله يوفقك ويهديك
ق
30-10-2008 | 08:01 AM
اختي انصحك لا تبدأين حياتك مع اهله
الا في حاله وحده اذا بنا لك ملحق خاص فيك ببيت اهله اوكي
صدقيني ماراح تاخذين راحتك وبتطفشين راح تحسين بتقيد
وراح تحسين انكم في كل لحظة تتعاملون مع بعض عن لا يسمعكم هذا وعن لا يمر هذا من جنب الغرفه وعن اشياء كثيرة انصحك ابدأي حياتك صح
وشووفي اغلب السوالف اللي اسمعها واللي عشتها انا سابقا قبل ما اسكن بيتي
دايما تكون تحمل الاسئلة كالآتي
ليش فلانه مانزلت تتغدا اليوم معانا ؟
ليش فلانه ماتستقبل ضيوفنا .؟
ليش فلانه ماتدخل المطبخ ؟
ليش فلانه ماتطبخ الغدا اليوم ؟
ليش فلانه ماتزور معانا الناس الفلانيين ؟
ليش فلانه اذا طرقنا باب غرفتها ما تفتح ؟
وين طالعين ؟ وش اشتريتوا ؟
هذا غير عن الاتصالات وانتي معه برا ؟
ليش و ليش وليش
يعني مايحاسبون في بالهم بعضهم الى معنى الخصوصية
او الاستقلالية او حتى احترام ابنهم
يعني تلقينهم يزنون براسه من الصبح الى الليل ومسكين تلقين الرجال مو عارف يرضي من !
انصحك ابعدي وجع الراس عنك وابعدي افتراضات الناس اللي ماتقدر
وبنت عمتي نفس الحال طافشه طفشان من اهل زوجها وبصراحه هي زوجة ابنهم الاخير وزوجات ابنائهم كلهم مستقلين لحالهم واهل زوجها يعاملونهم احسن معامله بس للي معهم بالبيت لا
يعني انا اشوف بصراحه كل ما ابعدت الدروب كل ما تقاربت القلوب
وابدأي حياتك صح
الا في حاله وحده اذا بنا لك ملحق خاص فيك ببيت اهله اوكي
صدقيني ماراح تاخذين راحتك وبتطفشين راح تحسين بتقيد
وراح تحسين انكم في كل لحظة تتعاملون مع بعض عن لا يسمعكم هذا وعن لا يمر هذا من جنب الغرفه وعن اشياء كثيرة انصحك ابدأي حياتك صح
وشووفي اغلب السوالف اللي اسمعها واللي عشتها انا سابقا قبل ما اسكن بيتي
دايما تكون تحمل الاسئلة كالآتي
ليش فلانه مانزلت تتغدا اليوم معانا ؟
ليش فلانه ماتستقبل ضيوفنا .؟
ليش فلانه ماتدخل المطبخ ؟
ليش فلانه ماتطبخ الغدا اليوم ؟
ليش فلانه ماتزور معانا الناس الفلانيين ؟
ليش فلانه اذا طرقنا باب غرفتها ما تفتح ؟
وين طالعين ؟ وش اشتريتوا ؟
هذا غير عن الاتصالات وانتي معه برا ؟
ليش و ليش وليش
يعني مايحاسبون في بالهم بعضهم الى معنى الخصوصية
او الاستقلالية او حتى احترام ابنهم
يعني تلقينهم يزنون براسه من الصبح الى الليل ومسكين تلقين الرجال مو عارف يرضي من !
انصحك ابعدي وجع الراس عنك وابعدي افتراضات الناس اللي ماتقدر
وبنت عمتي نفس الحال طافشه طفشان من اهل زوجها وبصراحه هي زوجة ابنهم الاخير وزوجات ابنائهم كلهم مستقلين لحالهم واهل زوجها يعاملونهم احسن معامله بس للي معهم بالبيت لا
يعني انا اشوف بصراحه كل ما ابعدت الدروب كل ما تقاربت القلوب
وابدأي حياتك صح
أ
30-10-2008 | 11:28 AM
اختي الله يوفقك ويكتب لك السعاده انت وخطيبك ويجمعكم على خير-- ويختار لكم الصالح- لكن ارى اذا كانت ظروفه ماتسمح انه يسكنك في شقه فالافضل انك تقدرين ظروفه وتراعينه وخليه يوفر اجار الشقه حتى يسكن بيت ملك افضل-- وانت حاولي تتأقلمين مع اهل زوجك ولاتكوني حساسه اي كلمه او اي موقف راح تفسرين له عدة تفسيرات وانت كوني خلوقه معهم وان شاءالله تأخذي راحتك مع زوجك في غرفتك-- احنا في البدايه لازم نسكن مع اهل الزوج كم سنه لين تتيسر لنا الظروف ونطلع في بيت-- وبالتوفيق
م
30-10-2008 | 11:35 AM
قطرية24;7588866:
دايما تكون تحمل الاسئلة كالآتي
ليش فلانه مانزلت تتغدا اليوم معانا ؟
ليش فلانه ماتستقبل ضيوفنا .؟
ليش فلانه ماتدخل المطبخ ؟
ليش فلانه ماتطبخ الغدا اليوم ؟
ليش فلانه ماتزور معانا الناس الفلانيين ؟
ليش فلانه اذا طرقنا باب غرفتها ما تفتح ؟
وين طالعين ؟ وش اشتريتوا ؟
هذا غير عن الاتصالات وانتي معه برا ؟
ليش و ليش وليش
جبتيها عالعووووووق هههههه :sm179:
K
30-10-2008 | 11:43 AM
حبيبتي ألزم ماعليج ريلج
لازم تقدرين ضروفه
وبالعكس أهله تقدرين تكسبينهم
انا اشترطت على ريلي يطلعني بيت بروحي.. وطلعنا وسكنت في بيت بروحي
صح اني مرتاحه الحمدلله وعلى راحتي
بس اخوه متزوج وساكن مع اهله ... ماشالله لو أروح لهم واشوفهم شلون
مدلعينها اقول يارييييييييتني قلت اسكن معاهم عالأقل فالبداايه,, ولين جبت اول بيبي بطلع
هم صح مومقصرين معاي وكل يوم امه تتصلي وتسأل عني
بس ماشاءالله انا اشوف اللي ساكنه معاهم مع انها مومن اهلهم بس عايشه كأنها في بيت بروحها.. محد يسألها عن شي ولاحد يحط باله عليها
واذا دخلت المطبخ يخلونها على راحتها محد يدخل يشوفها شتسوي
ويوم سألتها .. قالت وااايد مرتاحه وكل اللي ابيه اسويه عااادي حتى الليالي الرومنسيه^_^
يعني شووفي حبيبتي اذا اهل ريلج أوكي بالعكس اكسبي محبتهم وخلج معاهم لين الله يسهل امور ريلج
خليه يحس انج حاسه فيه مقدره طروفه لاتسوين حساسيه بينكم من الحين او تخلينه يحس انج ماتبين هله
الله يوفقكم ويسهل اموركم
لازم تقدرين ضروفه
وبالعكس أهله تقدرين تكسبينهم
انا اشترطت على ريلي يطلعني بيت بروحي.. وطلعنا وسكنت في بيت بروحي
صح اني مرتاحه الحمدلله وعلى راحتي
بس اخوه متزوج وساكن مع اهله ... ماشالله لو أروح لهم واشوفهم شلون
مدلعينها اقول يارييييييييتني قلت اسكن معاهم عالأقل فالبداايه,, ولين جبت اول بيبي بطلع
هم صح مومقصرين معاي وكل يوم امه تتصلي وتسأل عني
بس ماشاءالله انا اشوف اللي ساكنه معاهم مع انها مومن اهلهم بس عايشه كأنها في بيت بروحها.. محد يسألها عن شي ولاحد يحط باله عليها
واذا دخلت المطبخ يخلونها على راحتها محد يدخل يشوفها شتسوي
ويوم سألتها .. قالت وااايد مرتاحه وكل اللي ابيه اسويه عااادي حتى الليالي الرومنسيه^_^
يعني شووفي حبيبتي اذا اهل ريلج أوكي بالعكس اكسبي محبتهم وخلج معاهم لين الله يسهل امور ريلج
خليه يحس انج حاسه فيه مقدره طروفه لاتسوين حساسيه بينكم من الحين او تخلينه يحس انج ماتبين هله
الله يوفقكم ويسهل اموركم
C
30-10-2008 | 12:23 PM
اذ عندج شقة او ملحق برووحج وخصوصا المطبخ برووحج اوكيه
اما ما عندج ما انصحج كللللش
ومو شرط شقة ب250 فيه شقق حلوة ونظيفة ب150
والله يوفقج
اما ما عندج ما انصحج كللللش
ومو شرط شقة ب250 فيه شقق حلوة ونظيفة ب150
والله يوفقج
.
30-10-2008 | 12:31 PM
انتي شلون علاقتج مع أهله؟؟؟
ق
30-10-2008 | 03:17 PM
شوفي حبيبتي إذا تعرفي عن أهله إنهم بتاعين مشاكل انحاشي عنهم أما إنهم طيبين اسكني معاهم ولك الأجر من لله والتقدير من زوجك
شوفي حبيبتي وباقي الرد ع الخاص أتمنى إنها تفيدك
شوفي حبيبتي وباقي الرد ع الخاص أتمنى إنها تفيدك
ع
30-10-2008 | 03:46 PM
اذا بيحطج في ملحق مومشكله لكن اذا انتي فوق وهم معااااااااك الله يعينك
ل
30-10-2008 | 04:30 PM
اشكركم يابنات من كل قلبي ماقصرتوا و جزاكم الله خير و قلب ميدو مشكوره حبيبتي الله يوفقج و يسرلج امورج و يرزقج بالذرية الصالحة ماقصرتي يالطيبه حاولت ارد على رسالتج لكن يقول لي ان الارسال معطل من عندج و لايسمح بارسال رساله لج
و في نقطة يابنات ماذكرتها تخصني احس مني المشكله معقده ، كنت ادرس بره و الحين رجعت الديره بعد سنين عشتها هناك و تعلمت على الوحده و بين الكتب صرت ماعرف اتعامل معى الناس و لا اعرف شلون اتأقلم معاهم و صاير عندي خوف اني اعيش معاهم لان الحين ماراح يبين لهم بالمشاكل او لا معى العشره راح يبين
بس ان شاءالله اتقبل الوضع معنه احس صعب وايد علي بس بحاول اقنعه اكثر مابيأس و لا تنسوني بدعواتكم يابنات الحلوات :9_33:
و في نقطة يابنات ماذكرتها تخصني احس مني المشكله معقده ، كنت ادرس بره و الحين رجعت الديره بعد سنين عشتها هناك و تعلمت على الوحده و بين الكتب صرت ماعرف اتعامل معى الناس و لا اعرف شلون اتأقلم معاهم و صاير عندي خوف اني اعيش معاهم لان الحين ماراح يبين لهم بالمشاكل او لا معى العشره راح يبين
بس ان شاءالله اتقبل الوضع معنه احس صعب وايد علي بس بحاول اقنعه اكثر مابيأس و لا تنسوني بدعواتكم يابنات الحلوات :9_33:
(
31-10-2008 | 09:43 AM
اول شي هذي غلطتج .. ليش ماخليتي هالشرط في عقد الزواج ؟!؟ لو كنتي حاطه هالشرط في العقد كان حطلج شقه غصب ..
ثاني شي .. اختي ليش كل هالحساسيات اللي تحطينها حق نفسج من البدايه .. لاحظت من كلامج ان الشيطان لاعب في عقلج وقاص عليج .. يبه انتي ماعليج من حد وخلي ظنج بالاخرين خير وتوكلي على الله .. يمكن هله طيبين ويكونون عون لج مب فرعون .. ليش تخوفين نفسج من البدايه وتحطين حواجز وتخربين نفسيتج ؟!؟ تعوذي من ابليس وتوكلي على الله .. دام هذا نصيبج وهذا اللي الله كتبه لج اصبري وادعي ان الله يرزقج بأهل زوج طيبين وحنونيين عليج ويسخرهم لج ..
وان شاء الله خير :)
ثاني شي .. اختي ليش كل هالحساسيات اللي تحطينها حق نفسج من البدايه .. لاحظت من كلامج ان الشيطان لاعب في عقلج وقاص عليج .. يبه انتي ماعليج من حد وخلي ظنج بالاخرين خير وتوكلي على الله .. يمكن هله طيبين ويكونون عون لج مب فرعون .. ليش تخوفين نفسج من البدايه وتحطين حواجز وتخربين نفسيتج ؟!؟ تعوذي من ابليس وتوكلي على الله .. دام هذا نصيبج وهذا اللي الله كتبه لج اصبري وادعي ان الله يرزقج بأهل زوج طيبين وحنونيين عليج ويسخرهم لج ..
وان شاء الله خير :)