تجربتى بعد 3 شهور زواج

عاوزة اتطلق
تصوروا واحدة بعد اسبوع جواز عايزة تطلق

الطلاق هوالحل الوحيد ...كل واحد يروح لحاله انا لا عايزة لا جواز ولا عيال ولا اى حاجة
وده كان بسبب المعركة العظمى اللى كلنا بنخاف منها واللى بسبب الخوف سببت مشكلة كبيرة بس الحمد لله عدت على خير
نصيحة يا بنات ما حدش يخاف

الجوازة دى فاشلة ولازم تنتهى

ده بقى كان بعد اسبوعين مع اول اختلاف وزعل بينى وبينه
وعياط بقى

نصيحة يا بنات الطلاق ده اخر حاجة تفكروا فيها بجد وخصوصا لما تكون المشاكل ممكن تتحل

يعنى انا دلوقتى متخانقة معاه وزعلانة منه انا وماما وبابا والعيلة كلها
وهو مسافر وولا على باله انه غلطان فى حق اى حد
وفكرت انه اول حاجة هعملها لما يرجع انى اطلب الطلاق

رغم انى حامل
ورغم انه فيه العبر كلهم بيقولوى اوعى الطلاق

لا ومش كده وبس بيقولولى دا انتى لسه هتشوفى كتير

يا بنات الجواز فعلا مش كله عسل بس مش كله بصل
فى حاجات كويسة كتير
لكن مافيش حلاوة من غير نار

كمان فى حاجة لكل واحدة مقبلة على الجواز
فى تجهيزك للعرس
ما تشيليش هم كبير ،وضبى لفرحك على انه مناسبة وهتعدى
مش نهاية العالم ما تعرفيش الغيب فيه ايه

فعلا الفرح يوم وبيعدى اهم حاجة الزكرى الحلوة اللى فيه
واوعى تيجى على اهلك علشان خاطر عريسك
العريس ممكن نرضيه بعد الفرح بكلمة حلوة وخلاص
لكن اهلك مش هيفتكروا غير انك جيتى عليهم علشان جوزك

انا وضبت لفرحى واعصابى شاطت كتير قوى
وفى الاخر كان فرح اقل من الوحش بحاجة بسيطة وزوجى بعد الشر عنكم كلكم كان تعبان يومها جدا وكل حاجة كانت ملخبطة
ولغاية دلوقتى بتمنى انى كان اليوم يكون غير كده