صالونة دجاج حااارة بالطريقة الهنديه

السلام عليكم :
اليوم سألت اخوي شنو تبي على الغدى
قال لي سوي صالونه دجاج ناشف وحار من الفلفل
اممممم وووطقت في راسي اسوي طبق نيووووو :cool:
مقادير هالطبق عندي في دفتر خاص للطبخات (y)
الطشههههه من النت :wink:وطبقنا اليوم اسمه صالونة دجاج بالطريقه الهنديه
والطبق حاااار واضفت عليه الليمون لاني احب الحامض الحار
واخليكم الحين مع مقادير الطبق (a)

المقادير :
دجاجه مقطعه حجم صغير _ خلطة ثوم مع الزنجبيل والكزبره _ بصل شرايح _
بطاطس مكعبات حجم متوسط _ 4 ملاعق طعام روب _ قليل من الزيت .
مقادير الصلصه :
كوبين ماء _ صلصة الطماط _ ليمونه _ 4 جبن مثلثات _ ملقعه ونصف نشا
2 فلفل حار _ بهارات _ ملح _ قطعه واحده من الماجي_ وتوابل .

الطريقه :
_ يحمي الزيت ويقلى الدجاج مع اضافة الثوم ويترك على نار هادئه
ليصبح ذهبي اللون .
_ ثم يضاف البطاطس وبعده البصل ويترك قليلا على النار .
_ وبعده يضاف الروب ويترك على النار ايضا .
وفي هذه الاثناء تحظر الصلصه
_ تخلط جميع مقادير الصلصه في الخلاط الكهربائي مع اضافة الفلفل الحار
حسب الرغبه .
_ وتضاف الصلصه على الدجاج ويترك على النار لمدة نصف ساعه الى ان ينضج
ويقدم مع الخبز او الأرز .

وهذا صورة طبقنا