بنتي ما يزيد وزنها وايد .. فيدوني ...

شمعة محبة 29-10-2008 18 رد 26,958 مشاهدة
ش
السلام عليكم ورحمة الله وبركاته
شحالكم خواتي ؟؟؟ وشحال بيبياتكم ؟؟؟ ان شاء الله تكونون بأتم الصحه والعافيه انتوا وعيالكم ...
حبيباتي أنا بنتي باجر بتكمل ثلاث شهور باذن الله ... بس ما أحس ان وزنها يزيد وايد :( ...

أنا يوم يبتها كان وزنها 2 كيلو و325 جرام ... والحين المفروض بما انها بتكمل ثلاث شهور ان يكون وزنها على الاقل 5 كيلو و100 جرام ... بس وزنها اليوم قسته .. 4 كيلو و600 جرام ...
واااااااايد مضاااايقه ...
بقولكم أنا شو أعطيها ...
أول شي حليبي طبعا + حليب صناعي سميلاك أدفانس ... رضعتين باليوم وساعات ثلاث ...
ومن كملت 3 أسابيع وأنا أعطيها ماي وتمر ... نحن نسميه مريسه ... واااااااايد مفيد فيه فيتامينات وكالسيوم ... ويمتن البيبي ... المهم كبدايه كنت أعطيها مرتين فالاسبوع ... وبالتدريج إلين الحين صرت أعطيها يوميا ... و وااااايد يعيبها ... تدرون التمر شكر ... ولان يسوي غازات فأعطيها ينسون وساعات أعشاب أو نعناع ...
مرت أخوي قالتلي أحطلها بسكوت فارليز في المرضعه ... هي كانت تسوي جذيه حق ولدها البكر وما شاء الله تقول وايد تربرب .... بس هي عطته من الاربعين ... طبعا أنا ما سويت جذيه لان مستحيل أجرب ... البيبي تبدا تشتغل معدته بالشكل الطبيعي يوم يكمل ثلاث شهور ... وبما ان بنتي الحين عمرها ثلاث شهور بديت أحطلها بسكوت مع الحليب بس من يومين ... ولان توه فالبدايه .. أحطلها كسره صغيره من البسكوت ... إلين تتعود عليه ... وشوي شوي بزيد باذن الله ....
بس قولولي شو أسوي ... عندنا ممرضه فلبينيه تقول ان في بلادهم يبدون يعطون البيبي فيتامينات من وصفة الدكتور أعتقد يوم يكمل البيبي شهرين ... مادري أسأل الدكتور في موعدها الياي عن هالفيتامينات اذا ممكن اني أعطيها بنتي ولا ؟؟؟؟
والحمدلله أنا بنتي مسويتلها فحوصات أول ما انولدت وبعد ما كملت شهر اذا فيها مرض أو تشكي من شي .... لان بنتي الاولى كانت مريضه بمرض وراثي وتوفت ... بس الحمدلله بنتي الثانيه سليمه ...

أتريا رايكم ....
أم مريم ..
ا
لاتخافي حبيبتي اهم شي كلام الطبيب اسأليه وشوفي رده ومن وجهة نظري انها وقت الولادة الله يحفظها كانت صغنطوطة لذلك وزنها صغير وبكرة بتكبر ان شاء الله وبتتغير وماعليك ان الطفل المليان على اكل او غيره احس بعض الاطفال جسمهم وراثة وتغذية الحمل اليها دور بعد اهم شي انك ترضعيها كويس
وهذي الاوزان الطبيعية وكل طفل على حسب وزنه وقت الولادة وان شاء الله الله يخلي لك البنوتة ويعوضك بدل اللي راح بالجنة ونعيمها
هذه الاوزان الطبيعيه للاطفال بالنسبه لاعمارهم خلال السنه الاولى:

عند الميلاد............ (3,300)كيلو
الشهر الاول..........(3,700)كيلو
الشهر الثاني........(4,500)كيلو
الشهر الثالث........(5,250)كيلو
الشهر الرابع.........(6,00)كيلو
الشهر الخامس......(6,500)كيلو
الشهر السادس........(7,00)كيلو
الشهر السابع.........(7,500)كيلو
الشهر الثامن.......(8,00)كيلو
الشهر التاسع......(8,250)كيلو
الشهر العاشر........(8,500)كيلو
الشهر الحادي عشر.....(8,750)كيلو
الشهر الثاني عشر.....(9,00)كيلو8


وبعد عمر السنه يمكن حساب الوزن الطبيعي للطفل كالتالى:

العمر بالسنوات2x+

+8
ع
وزنها مناسب
ش
ايسمار و عروس ديرتي ..
تسلمون عزيزاتي على ردودكم ... طمنتوني ..
أتريا آراء ثانيه ..
ع
آنه بنتي ما شاء الله كان وزنها لمه كملت شهرين خمسه كيلو وكان في الطبيعي الحمد لله

بس إذا تبين حاولي تأكين الحلوه اكله مفيده وتروي الجسم وخصوصا عمر بنتك الحين ما راح تعاف شي تعطينها قبل لا تكبر وتبغي هذا وما تبغي هذا

عكيها افكادوا

وعطيها بطاطس معروسه من نوع ثاني من الخضار

عطيها منقوع التمر لانه مفيد ويروي الجسم

هذا كله آنه عطيته حق بنتي من كملت الأربع شهور

بس منقوع التمر طبعا عطيته إياها من قبل لانه مفيد جدا لجسم الطفل

تحياتي
ش
اختي عنوني ...
الله يحفظلج بنتج ما شاء الله عليها وزنها أوكي ...
أنا أعطيها ماي ويا التمر ... وتحبه .... بس الاكل ما أقدر الحين لان عمرها ثلاث شهور ...
بس أخاف صراحه أبدالها خضار من عمر 4 شهور ... لان المعروف ان من عمر 6 شهور ..
~
شموعه

مافيها الا العافيه ان شاء الله

انا اقول ان الوراثه لها دور<< فاهمه عليي:wink: ؟؟

ولاتحاتين حبيبتي

لان الدكتور وقت يفحص البيبي راح يخبرج اذا تحتاج شي والا لا من غير ماتقولين له

ان شاء الله تفرحين فيها عروووووووس يارب
ج
اتصور ان عادي خصوصاً ان وزنها لما يبتيها ماكان موصل
3 كيلو فتتوقعين جم يوصل وزنها خلال شهرين يعني
عادي اتوقع وزنها مافيه شي ولاتحاولين تمتنينها غصب اهم شي
انتي تاكلين زين خصوصاً الفواكه والماي والعصاير لأنها تعتمد
عليج في هالفترة :)
ش
أم سويره ...
خخخخخخخخخخ فهمت عليج حبيبتي :o ....
و وااايد قالولي انتي ضعيفه وصغيره كيف تبين بنتج تكون ؟؟؟ دبدوبه ؟؟ مستحيل ...
بس أنا أتمنى انها تربرب وتصير تكتوكه وثجيله ...

جنة القلب
تسلمين حبيبتي ... وأنا ما تم شي مفيد ما كلته وطايحه فالرهش ... بس ماشي فايده حليبي ما منه فايده عشان جذيه أعطيها صناعي ...
س
هلا حبيبتي وزن بنتش طبيعي ومااحسها ضعيفه بالنسبه الى ولادتها انا اكلت بنتي الخضار المسلوقه والسريلاك من عمرها ثلاث شهور لان على قولتش حليبي مامنه فايده وكانت ماتبغى الحليب الصناعي توكلي على ربش واكليها والله يعطيها العافيه وتشوفيها دبدوبه وتقولين ابيها تنحف هههههههههههههههههه
ر
شمووعه انا يوم ولدت بنتي الكل يخااف انه يشيلونها خخخخخخخخخخخخخخ

ورحت لدكتورها ووصف ليا حليب قاالي لا جاء الوزن اللى تبيه تقدري توقفي.
.. الحليب اسمه بري نان ..
جيبه لها وبتكبر لا تخاافي حتى انا الحين وقفته وعندي حليب اللى هوه سيميلاك ..
وافكر ارجعه لها يعنى وزنها مو عاجبنى ابيها دبدوبه خخخخخخخخخخخ
أ
الله يحفظها ويخليها
البناااااات ماااااااقصروا
د
ياقلبي ع الكتاكيت الحلووووووووين
لا تخافين فديتج انا ولدي اربع شهور وبالياااااالله صار خمسه
يرضع صناعي بس وتوني بديت ااكله ومو كل شي مناسبه
انا نفس الشي وايد مضايجه انه صغير كانه ابو ثلاث شهور
بس اهم شي انه سليم ربي يحفظ بنتج،، لا تستعيلين عليها
انا ارضعه صناعي وبديت اعطيه بسكويت من دخل الرابع باسبوعين
وارز ميلوبا، بس نفس الشي نموه جدا بطئ ووزنه يزيد ببطئ بعد
بس مجنني ارضعه بصعوبه لا نه يتم بالساعات رافض مايبي.. ادعي
ربج والله يحفظهم ماعليهم شر ان شاء الله..
ر
وزنها طبيعي لا تخافين بس عطيها الاكل الصحي اسألي امج هي راح تنفعج اكثر من اي احد ويعطيج الف عافية
د
شكلج من النوع الوسواسي ... ترى يا قلبي الياهل مش بوزنه اهم شي صحته زينه الله يحفظ لج ضناج يارب
واذا كان فيه شي الدكتور بنفسه راح يخبرج ان بنتج وزنها قاصر وراح ينصحج تغيرين الحليب اكيد الى نوع ثاني
ومانصحج تبتدين تعطين الاكل والخضروات الا بعمر ست شهور وماعليها شر-
س
ايسمار
مشكوره على المعلومه:sm240::sm240:
ا
سحلوله;7611934:
ايسمار
مشكوره على المعلومه:sm240::sm240:

العفو حبيبتي لا شكر على واجب واحنا خوات :wink::15::wink:
ج
اني عن بنتي وزنها يزيد بس مو مثل ماقالت الاخت ايسمار المفروض الشهر السابع.........(7,500)كيلو
اني بنتي خلصت الشهر السابع ووزنها سته ونص
1
اختي الغالية
نصيحة لاتحاولي اتاكلينها وهي في هسن فقط حليب والينسون وبكميات قليلة و ابدي بعد السن ست اشهر تعطيها

صدقيني الي اكلو اطفالهم قبل هذا السن يكون عرضة الربو وترجيع وغيره
وبعدين الربربة بشكل زايد غير صحية فحاولي تعطيها اشياء صحية وتكون مناسبة

انا والله الحمد اولادي مايمرضوا مثل اطفال العيلة وكذالك صحتهم ممتازة واوزانهم حلوة والكل يسل وش اتكليهم وانا دائمن انصح بتجربتي فلا تحاول اتحطو اطفالكم حقل تجارب وتذكرو ان جهازهم الهضمي غير مهئ الاللحليب فقط
X