الحقوني يا امهات

مجنونة حدي 29-10-2008 4 رد 950 مشاهدة
م
السلام عليكم يسعد لي ايامكم يا امهات انا عندي مشكلة والي تعرف لها حل جزاها اللة الف خير بنتي معذبتني تعديب من تجي من الروضة الى اليل تصيح وتتطلب قومي سوب لي جدية وقومي اعطيني وقومي دوري لي هاللعبة ودايما واهي تطلب لازم بصياج وصراخ غير هذا صار لها يومين تمشي وتصيح وتقول مستملة احس روحي طفشت منها عمرها 4 سنوات وتقول مستملة عيل لي كبرت اش بسوي احسها صعبة في كل شي :( الحين انا اكتب وهي تصرخ ما تبي لثياب الي عليها تقول قومي كوي لي ثياب غيرهم :confused:ومشكورة الي بتفيدني
ا
اني في اعتقادي انش لازم اتعودينها على النظام وصفي لها كم قانون تمشي عليهم بطريقة برنامج انها مثلا من اتجي من الروضة تبدل وعقب واجبات واللي بعده لعب ..........الخ
هاي مثال بس وحتى في التصرفات علميها ان لازم في أدب وما في صراخ مع الأم والله من اتجي تصرخ سدي اذنيش وكأنش ما تسمعين طلبها وبتتعلم انها مو كل شي تطلبه او تمشيش على كيفها بس في حدود يعني لهالمعاملة ولازم طبعا في ليونة شوي وطيب ومرة صرامة في الأمور وهيك بتعرف..
أرجو اني أفدتش وشكرا...........
ر
خخخخخ
كأنك تتكلمين عن بنتي وهي في نفس العمر
بالضبط نفس الشغلات اللي قلتينها وأكثر

من تجي من الروضة أستجنننن
الله ستر ماسويت فيها او سويت فيني شي من هالحالة

بس قمت أحاول اصبر روحي عليها وأشغلها بأي شي يحتاج منها تركيز ووقت لأن أحس فيها نشاط زائد
اجهز لها طين ومن ترجع من الروضة سيدة تقعد تلعب فيه ...
أو مجلات تلوين وألوان >> بس ماترغب فترة قصيرة وتقوم ( الطين تضل قاعدة تلعب فيه مدة ) :)
في بعض الفترات أضطر نوديها الساحل للألعاب مرتين في اليوم !!!

الحين الحمدلله شوي صارت أشوى
أ
حاولي تتجاهلينها شوي خليها تحس انك ما راح تسويلها اللي تبغيه
خليها تعتمد على نفسها تدور العابها بروحها
وان شاء الله يفيدونك البنات
ط
فعلا حطي لها نظام محدد تمشي عليه
أوقات محددة للأكل و الاستحمام و تبديل الملابس و اللعب
و أهم شي نظام مكافآت يعني مثلا لوحة و حطي لها عليها نجوم و إن شاء الله تصير أهدأ
و في شغلى دائما أقولها للي يشتكون من النشاط الزائد عند أطفالها
ارجعي لأكلها شوفي شنو تاكل يعني الحلويات و الكيك و العصاير و البيبسي فيها مواد حافظة و سكر مكرر يسبب النشاط المفرط و الحركة الزايدة و قلة التركيز
و فعلا عن تجربة
ولدي مثلا لما أعطيه كيك أو حلاوة بعد الساعة 6 المغرب مستحيل ينام في الليل في موعد نومته و يظل يصارخ و يحوس في البيت و يتحرك بشكل جنوني هذا و عمره سنة وحدة بس الحمد الله أقدر أتحكم في أكله الحين الله يعين إذا كبر
X