تكفون واللي يرحم والدينكم ساعدوني

ياقلب لا تحزن 29-10-2008 17 رد 2,004 مشاهدة
ي
مرحبا حبايبي وش اخباركم

انا عندي بنت عمرها تقريبا خمس شهور واقل من اسبوع
لما رحت اطعمها وزنتها الممرضه وقالت وزنها مفروض اكثر شوي يعني بنتي نحيفه
مع العلم اني ارضعها الحمدلله طبيعي واعطيها رضاعه عشان لو اطلع والا شي تقدر تشربها
بس اكثر شي صدري
وحليبها اس سته وعشرين للمعلوميه

ثانيا هي دايم ماتسوي برااز الله يكرمكم يعني كل ثلاث ايام تسويها او اربع
احيانا يعكر جوها احس انه من بطنها ؟ ومعاها غازاااات دايم ؟


ثالثا ابدى اوكلها ؟ وايش اعطيها ؟

تكفون ساعدوني
ع
حبيبتي دام هي بخير ما عليكي من الوزن
بس ابدي عطيهــا أكــل..
فواكـة ، خضروات، عصير برتقال مخفف بالماي..

آ
أختي اذا قالت لج الممرضة بأن بنتج لازم يزيد وزنها شوي مو معنى هذا انها نحيفة .. هم مخلين وزن مثالي يمكن الطفل ينقص عنه شوي او يزيد شوي و بما ان بنتج ما فيها شي فالحمد لله اهم شي الصحة ..

اما بالنسبة لخروجها انا سمعت من الدكتور ان الطفل اذا ما خرج يومين او ثلاثة هذا طبيعي بس لو وصل 5 ايام او اكثر فهذا اللي مو طبيعي و يحتاج لتحميلة حتى يقدر يخرج ..

و اكيد لازم اتأكليها و ابدئي معاها ببسكويت فارليز ذوبيه لها في المرضعة مع الحليب و اعطيها ارز ميلوبا و فواكهه و خضروات مهروسة حاولي تعطيها كل نوع لوحده لغاية 3 ايام حتى لو تحسست تعرفين من شنو حتى تقدري تتفادينه ...

و انشاء الله باقي الأمهات يفيدونج اكثر...
ت
بالنسبه انها ماتخرج الا بعد ثلاث ايام سمعت انه عادي
والله يعينك عطيها يانسون تمام00

والاكل انا دكتورة ولدي قالت عطيه زبادي من ثلاث شهور مره مفيد

والله يحفظها لك00
ا
اهم شي صحتها وانها ترضع كويس انا ربيت ولدي الاول وكنت دائما اسمع هالموال والحين الحمد لله كبر ما شاء الله عليه ومن ناحية الاكل الحين لازم من ستة اشهر علشان صحتهم وهذا قرار من وزارة الصحة معمم في المستشفيات ولو بحثتي بتعرفي السبب بس تقدري تبدأي تضيفي ملعقة من سيريلاك الرز في الرضاعة حتى نهاية الخامس
ومن ناحية الامساك اذا تحسي برازها عادي غير خشن فأعتقد طبيعتها كذا ومثل ما ذكروا الاخوات اهم شي مايزيد عن خمس ايام وهذا كلام الاطباء واهم شي ان البراز ما في دم
ا
البنات ماقصرو ولا تقلقي على الوزن هذا حال الطفل يزيادة او نقصان
وبالنسبة للامساك انتي شوفي اقطعي عنها الحليب يوم بس يمكن يكون هو اللي مسببلها الامساك
وكمان ابدئي معها بالاكل مثل الخضار والفواكه المسلوقة والزبادي كمان حلو
وربي يحفظها ويخليلك ياها
ش
فعلا أنا بعد سمعت ان الامساك مدة يومين هذا عادي ...
وعلى فكره أنا بنتي بعد نفس الشي ... ساعات ما يمشيها بطنها
إلا كل ثلاث أيام ...
وعن الاكل حد يقول من عمر الاربع شهور وحد من عمر الست شهور ... بس أنا أخاف صراحه لان على بنتي الاولى بديت أأكلها من عمر ست شهور ... ومن عمر 4 شهور بديت أعطيها سيريلاك .. مره وحده فاليوم ... إلى أن تعودت عليه وبعدين مرتين فاليوم ...
بس حد يقول عادي تعطين البيبي فواكه مهروسه من عمر أربع شهور ... وأنا محتاره ... بسأل الدكتور فالموعد الياي وبستخير .... والله كريم ...

اخت تسبيحات شو نوع الزبادي اللي نعطيهم .... الزبادي العادي ولا اللي بالفواكه ؟؟؟
وشو أحسن نوع ؟؟؟ لان في اللي يكون خفيف ... وفي اللي يكون ثقيل ومالح وايد ما يتحملونه البيبيات ...
ياريت تردين علي ....
u
عزيزتي
اريد فقط اوضحلج الطريقة الصحيحة لاطعام الطفل لاول مرة
ابدأي بصنف واحد كل مرة مثلا اعملي بطاطا مهروسة هرس جيد الى ان تصبح ناعمة و اعطيها اولا ملعقة واحدة و بعدها زيديها شوي شوي و استمري على البطاطا مدة 3 ايام بعدها اعملي جزر و بعدها اخلطي الجزر من البطاطا و بعد هذا اضيفي نوع ثاني من الخضرة و هكذا و ايضا كل يوم زيدي الكمية و ايضا تستطيعين ان تعطيها فاكهة مثل التفاح او الموز و يكون مهروس تماما منعا للاختناق و لا يفضل اعطاء البرتقال في البداية لتحسس معظم الاطفال منه
ان شاء الله اكون وصلت لك معلومات مفيدة
و بالموفقية(f)
ت
هلا اختي شمعه محبه0000

والله ماذكرت لي الدكتورع نوع معين000

بس انه يكون كلمل الدسم ومو كل العلبه العلبه تقسميها ثلاث مرات

يعني العلبه تكفي لثلاث ايام 000

وغير كذا ماذكرت<<
ي
الله يجزاكم الف الف الف خير بجد ريحتوني وانا راح ابدا معاها بالزبادي لانه احيانا واحنا نتغدى اذوقها شوي منه وبالعكس تحبه تصيح تبغاني اعطيها ثاني مره
عندي استفسار ؟
الخضار اسلقها بس بموياء فقط بدون ملح ؟

ووشلون تقلون سيريلاك بالرضاعه ؟
هو مو يجي ثقيل ويوكل بالملعقه ؟
ماعليش بنات مالي الا الله ثم انتم
b
حبيبتي عادي ماعليج من الوزن انا بتي الحين سنتين وبعدها اقل من وزنها المفروض بس اهم شي صحتها اوكيك خاصة ان بنتج للحين صغيرة مثل ماقلتي يعني اذا بديت يمعاها الاكل اكيد بيتغير وزنها لانها معتمدة عالحليب بس وشي معروف ان الرضاعة الطبيعية مو مثل الصناعي تنفخ على قلةة الفايدة مثل الصناعي
ي
مشكوره حبيبتي بس انا خوفني كلام الممرضه والا هي بسم الله عليها مافيها الا العافيه
م
أختي دام صحتها زينة لاتخافين في فرق الوزن.. أنا ولدي كمل الأربع وللحين وزنه 12 كيلو والمفروض 14 وكل مرة نروح الدكتور يقولون وزنه قليل شاسوي بعد فيه بس الحمدلله ياكل وحركته طبيعية والحمدلله....أهم شي الصحة وإن شاء الله بيزيد وزنها...
ك
صباح الخيرات اختي ... اصلاً الاطباء عندهم اوزان مثالية للاطفال بس مو لازم تتحقق ... يعني المفروض انه البيبي من الولادة يزيد كيلو في الشهر ... بس في بيبهات تزيد اكتر وبعضهم يكون اقل ....يعني شوفي بنتك اذا تحسين انه رضاعتها زينة مافي مشكلة ... بس اذا كان لونها مصفر او على طول تعبانة هادا موضوع تاني

اما بالنسبة لتغذية البيبي ... زمان كان السائد انه من عمر اربعة شهور البيبي تبدي توكليه على خفيف ... بطاطا مهروسة .... فواكه مسلوقة .... الوجبات الجاهزة .... والاكل يكون ملعقة واحدة كبداية وبالتدريج تزيد لين ما تصير وجبة كاملة ... بس الحين في توصيات مشددة من الاطباء بتاجيل اكل البيبي لين ما يكمل الستة الشهور لانه جهازه الهضمي ما يكون مكتمل والاكل ما ينفعه بالعكس يضره

انا عن نفسي مسكت الحبل من الوسط ... يعني على خمسة شهور وشوي بديت اعطي بنتي وجبة رز (منتجات الصحة) خفيفة ومغذية وعلى ستة شهور بديت الاكل الجاد

وبس
ا
دروب طويله;7588818:
الله يجزاكم الف الف الف خير بجد ريحتوني وانا راح ابدا معاها بالزبادي لانه احيانا واحنا نتغدى اذوقها شوي منه وبالعكس تحبه تصيح تبغاني اعطيها ثاني مره
عندي استفسار ؟
الخضار اسلقها بس بموياء فقط بدون ملح ؟

ووشلون تقلون سيريلاك بالرضاعه ؟
هو مو يجي ثقيل ويوكل بالملعقه ؟
ماعليش بنات مالي الا الله ثم انتم

اي تسلقي الخضار بالماء فقط بدون ملح
والسيريلاك ممكن تضيفي ملعقة وترجي الرضاعة بحيث يكون سائل كالحليب وبالتدريج ممكن توكليها اياه بالملعقة ومو الكل يضيف السيريلاك في الرضاعة
ن
هلا اختي,,,انصحك بالتمرين لابنتك علشان الامعاء تتحرك وهناك تمرينين,,,
الاول؛؛؛امسكي رجولها من السيقان وارفعيهم على اعلى والصقيهم ببطنها وبحركه شوي بطيئه,,,اتنا فهمتيها
الثاااني؛؛؛ضعي يديكي اعلى جنبيها وانزلي يديكي الى الاسفل حد الحوض تكرارها وستلاحظين انها ترتاح مع هذا التمرين,,,وباذن الله يخف معها الامساك ,,,
تقبلي مروري
ل
البنات ماقصروا
ي
مشكورين كلكم ماقصرتو
X