إشتريت فرن كهرباء ماركة كلفيناتور يوجد صوره

كيفك أختي أنا عندي نفس هادا الفرن بالضبط , أنا صار لي عروسه سنه يعني تقدري تقولي ماطبخت فيه كتير لكن راح أقلك على كل شئ أعرفه في الفرن وانشالله أفيدك..
بالنسبه للطبخ على نفس العين حتلاقي على المفتاح ثلاث كلمات بينهم أرقام وهي
(hi )وهادي أعلى درجه فيها يعني العين بتكون حاره مره وماتنفع لعمل الرز لانه ممكن ينحرق
الارقام بعد هادي الكلمه كل ما حركتي المفتاح راح تخف الحراره بس مو مره
(med) يعني درجة حراره متوسطه وهادي بالنسبه ليا أفضل شئ في الطبخ بشكل عام لانه يخليه ينطبخ بهدوء وماينحرق واذا كنت ابغا ارفع الحراره شويه ارجع ارفعه للرقم او الرقمين اللي قبله ترتفع عليه الحراره شويه وهادي غالبا تنفع مع الايدامات والشوربه يعني أشياء ماتنحرق بسرعه..
(lo )وهادي طبعا أخف درجة حراره وانا ما أستعملها كتير الا في القهوه لما أخليها تغلى على راحتها واذا تبغي تختصري شويه الوقت ممكن تزيد الحراره بالأرقام اللي تحته..

اما بالنسبه للتنظيف الذاتي (clean) فهو خاص بالفرن يعني كل اللي عليكي تضغطي على الزر وهو يخلي الفرن يسخن ويحرق كل الدهون والاشياء اللي لاصقه فيه ويحولها رماد وانتي بعد مايخلص ويبرد الفرن تجيبي منشفه مبلوله وتمسحي كل الرماد فيه (انتبهي لازم يكون الفرن بارد يعني خلص تنظيف ذاتي)
اما بالنسبه للعيون الحلزونيه فتنظيفها سهل كل اللي عليكي تسحبي نفس العين الحلزونيه من المنطقه اللي موصوله فيها تلاقيها على الجنب وراح تخرج معاكي وكمان الصحن اللي تحت العين اللي لونه فضي شيليه وتقدري تغسلي العين وصحنه بالمويه والصابون..

اما بالنسبه للفرن فعندك كلمة ( Bake) يعني خبز زي الكيك والمعجنات لكن هو يخبز من تحت بس وأفضل درجة 180 _185
وكلمة (Broil ) يعني شواء و هي تنفع لخبز الكيك من فوق يعني بعد ما تخبزي من تحت زي ماو ضحتلك تضغطي على (clear off ) عشان تقفليه بعدين تضغطي على (Broil) عشان تخبزي من فوق , وفي سهمين على فوق وعلى تحت وهادي تحدد الحراره عالية او منخفضة

اذا كنتي تبغي (Bake) لما تضغطي السهم راح تطلع لكي ارقام وقلتلك افضل شئ 180 وكل ما تضغطي اللي فوق تعلى الحرارة وينكتب عندك على الشاشه كم الحراره والعكس طبعا اذا على تحت ..
واذا كنت تبغي (Broil) لما تضغطي السهم راح تطلع لكي على الشاشه اذا فوق (hi ) واذا تحت (lo ) ..


ونصيحه مهمه وتحذير اذا كنت تطبخي على أكثر من عين يعني عينين او ثلاثه لا تشغلي الفرن ابدا لانه راح يطفي عليكي بس اذا كنتي تستعملي عين وحده فقط ممكن تشغلي الفرن ولا تحاولي تشغلي اي عين الين ما تخلصي ..

واسفه على الإطاله لكن حبيت أفيدك بكل الأشياء اللي مريت بيها
والله يعطيكي خيره ويكفيكي شره
تحياتي أختك نغومه

يعطيكي الف عافيه اختي

اشكرك على الإفاده والتنبيه المهم

بارك الله فيكي وجعلك قرة عين اهلك وزوجك

للرفع