أجـمـل أحـساس = أصـعـب أحـسـاس

السلام عالكم ورحمة الله وبركاتة
اولا انشالله تكونو جميعا بخير:sa31:
انا حبيت احكى لكم عن تجربتى الاولى فى الحمل والولادة
طبعا احساس جميل ان يكون فى داخلك روح بتكبر وتتحرك
وتبقى منتظرة اللحظة اللى تشوفيها وتلمسيها
ودة كان احساسى من اول يوم عرفت فية انى حامل :shy:
فضلت احسب الايام اللى بكمل فيها شهر جديد وكنت بستنى اليوم اللى اروح فية للدكتورة
عشان اشوف ابى على السونار وهو بيكبر
والحمدللة هو كان وضعة كويس كان لحد الشهر السابع حجمة صغير شوية
بس على معاد الولادة كان وزنة بقى كويس
المهم وصلت لاخر التاسع والرحم مكنش فتح اوى ولا كان فى اى علامة
ظلبت من الدكتورة تعطينى حقنة تحمى الطلق ولكنها رفضت
واخر يوم فى التاسع نزل عليا دم والرحم فتح 2ونص وكان عندى طلق بسيط رحتلها قالتلى امامك للصبح
وفى الصياح وهنا كنت دخلت العاشر ارتفعت درجة حرارتى جامد ورحتلها المستشفى
وكانت حرارتى39ونص والرحم فتح3سم
وطبعا دة قصر على البيبى نبضات قلبة كانت سريعة وانا حرارتى مش راضية تنزل
ونعد ما علقت محاليل انخفضت الحرارة
بس ولدت قيصرى وعلى فكرة طول الحمل كان وضع الجنين يؤدى الى ولادة طبيعبة
بس كان صعب عشان حرارتى
المهم دخلت غرفة العمليات لاول مرة حياتى والحمدلله ولدت
وكنت كل ما افوق من البنج اسأل على ابنى كانوا يقولولى انهم بيحمو وهيجبوة كمان شوية
ولما ابتديت افوق تمام من البنج سألت علية تانى
وكانت اجابتهم زى ماهى بس انا حسيت انة فى شئ غريب
:( ومن هنا يبدا اصعب احساس اللى مفروض يكون احمل احساس اتك اول ما تفوقى من البنج تلاقى ابنك جنبك
بس هو راح على الحضانة على طول عشان شرب ميا من بطنى وكان فى الحضانة على جهاز تنفس
وكان صعب عليا اوى انى امشى من المستشفى من غير ما اشوفة لان الحضانة كانت فى مكان تانى جنب المستشفى
وفضلت علاقى بية لمدة 12يوم عبارة عن صور لية على الموبيل جوزى كان بيصورها ليا عشان اشوفة
طبعا فضل لمدة اسبوع مش بيرضع خالص كانو معلقين لة محاليل وبعد كدة بدوء يجربو معة الاكل عن طريق التقطير
وطبعا انا نفسيتى تعبت جدا وخصوصا لما كنت بشوف صورة والخراطيم فى فمة وانفة
كنت بتقطع
ولكن الحمدلله خرج بسلامة وبقى كويس وهو عمرة دلوقتى 3 شهور ونص
والحمدلله طبيعى وكويس
:Zb_sor1: معلش أعزرونى لو كنت طولت عليكم او ازعجتكم بس انا كنت حابة احكى مع حد عن تجربتى
على فكرة هو اسمة محمد والدلع :1_3: مــــادى :1_3: