أرجوكي يادكتوره ساعديني الله يوفقك

أنا حامل في الشهر التاسع
من رمضان وأنا أعاني ألم من اسفل ظهري ممتد الى الفخد اليسار الى الركبه فقط وألم موطبيعي مااقدر امشي ولا اتحرك اهملت نسي في البدايه كنت احسب الم عادي وشد عضلي بس كان كل يوم يزيد عن اليو م اللي قبلوا في طبعا رحت للدكتور اللي أتابع حملي عندوا وقلي اتهاب في العصب الوركي(عرق النسا)طبعا أعطاني مسكنات للألم وابر لمده شهر مع بنادول عند الزوم بس كلو مافادني وقلي راح يزول بعد الولاده على طول طبعا وقفت الإبر بس لازلت مستمره على البنادول وحبوب اسمها(بارافون) كل 12 ساعه
وحبوب أسمها(Neurobion) بس بصراحه مافي تحسن وحاسه انوا فخدي وركبتي مولعه ومتأكله من شده الألم ويزيد لمن أتحرك او امشي

واللي مخوفني انو صحباتي قالولي مايروح بعد الولاده على طول ياخد وقت طويل عشان يزول والبعض الأخر قالولي لازم ينكوي ومني عارفه وخايفه واللي مخوفني أكتر انوا مشيتي سارت عرجه لاشعوريا لدرجه بدأت احس بألم في الرجل اليمين لأني حاطه كل ثقلي عليها
أرجوكي يادكتوره الله يوفقك دنيا وأخره افيديني والله تعبت شهرين وشويه وأنا على هادا الحال والألملدرجه مني عارفه كيف راح أقدر أولد طبيعي وأنا ماأقدر أحرك رجلي وتسلمي من كل شر