تبييض الاسنان بالليزر

هلا فيك

لا مايعووور ابد بس بعد ماتعملي تجلسي لمدة 3 ايام ماتشربي الوان ولا تشربي قهوة ولا شاي

وبعدين عااادي تشربي وتاكلي ع راحتك

ويجلس 5 اشهر ع حسب اهتمامك بالاسنان بس اذا ما هتميتي فيها بيجلس نص المودة

ودي اخدمك اكتر بس انا من السعودية

تقبلي مروري

هلا اختي
بصراحة ما جربته بس ابي اجرب
وبالنسبة للأسعار كل عيادة تختلف
بس يمدحون المنصوري والظاهر سعره 150 دينار عندهم مب متأكده
وشفت كذا اعلان في الوسيط في عيادة الاسنان تبع ابن النفيس ان عندهم تخفيض 50% بس بصراحة ما اعرف اذا اوكي ولا لا

وان شاء الله باقي البنات يفيدونش

مره سألت عن هالسالفة والأغلبية قالو أن تسبب حساسية للأسنان

وعلى فكره كل شخص له لون معين لأسنانه، يعني مو شرط توصلين للبياض الناصع

وأنا أستخدم معجون أسنان من صيدلية رويان يبيض الأسنان وفي تركيبه بيكربونات الصوديوم الفعالة للتبيض وهو أبيض وكحلي وكبداية أخذي القوة المضاعفة.

أو ممكن تستخدمين الطريقة القديمة: بقصم تشوينه على النار المباشرة حتى التفحم وتطحنينه واتضيفين عليه شوية عسل وتفركين به اسنانج بالفرشاه.

أو تسوين معجونج الخاص: علبه فاضيه تحطين فيها معجون أسنانج العادي + ملعقة شاي بيكربونات الصوديوم لا أتكثرين لأن هالملح قوي + ملعقة صغيره دارسين للرائحة الطيبة. وخلطيهم مع بعض وفركي بهم أسنانج عادي.

ويا بنات التنظيف اللي تسويه المستشفيات يضر الأسنان ما ينفعها لأن يسبب الحساسية، ومعجون الأسنان الحساسه يسوي الأسنان حساسه، هذي عن خبره صدقوني، الحين أنا عفت الأطباء إلا إذا بجلع ضرس أروح لهم.