زوجي كاسر خاطري

رهينة الخيال 28-10-2008 15 رد 1,349 مشاهدة
ر
السلام عليكم ورحمة الله وبركاته


زوجي رجل يخاف الله وطيب وحبوب كل الصفات الحلوه فيه

راتبه الشهري 2500 ريال

يعامل اهله زين ومو مقصر معهم

بس ابوه الله منعم عليه وعنده عمارات
احنا ساكنيين عنده وياخذ علينا اجار شهرياً 700 ريال
بس كله يقول ان اذا طلعتو بأجارها باغلى ومن هذا الكلام
حتى مره عرض علينا نطلع وهو بيدفع كل مصاريف النقل :eek: بس يبي الفكه منا
بصراحه زوجي ينجرح يقول ابوي ولا يوقف معي ويفرق بيني وبين اخواني

يعني اخوه مدلعيينه مع انه مايحترمهم ولا شي وكل شي يبيه يكون عنده
ليش هلتفرقه بينهم !!

يعني يحاسبو زوجي على كل شي ويقولو له انت مضيع
بأيش مضيع يا حسره بلموت والله نمشي الشهر تدرون كل شي غالي هلايام
كله بس يقوله جمع راتبك لا تضيعه يعني ايش نجمع يادوب يكفينا

احس زوجي تعبان نفسياً يعني عمامه مسكنيين عيالهم معاهم وقايمين في كل شي حتى يطالعو زوجي بنظره شفقه


ليش ابوه كذا :confused: دائماً يجرح وبس

حبيت افضفض لاني متضايقه :( وزوجي يفكر نطلع من الشقه لان مايقدر يصبر ويعيش وهو منهان
ع
الله يعينكم والله عورني قلبي بس ليش يفرق بينهم المفروض ابه يقول له اقعد في الشقة من غير اجار

لكن انا اشوف انكم تطلعون من الشقة احسن لان زوجج بهالطريقة بيرتاح ولا راح يحس بالمذله وخله يتحمل ابوه وهو مهما يكون ابوه

ولا تنسون تدعون ان الله يهديه ويعدل بين الاخوان :)
م
السلام عليكم .. هونيها عند ربك كنوز لا تحصى.. انا اقولك طلعوامن الشقة وعاملوا اهله بالخير صدقيني الدنيا دولاب متحرك يوم لك ويم عليك بحسوا بقيمته مهما صار.. ربي يسر امرك .. اذ في مجال تشتغلي وتساعدي او حتى درسي اطفال بالبيت او تجارة ..
u
مرحبا بك عزيزتي

اولا اقول لكي فرج الله عليكي كربتك .. وازال همك ووسع رزقك..

ثانيا سأتكمل بطريقه عمليه واتمنى ان لا تيسئي فهميز.

الشفقه التي تشعرين بها لزوجك لا تنفع ولا تضر ... وقد تضرين بها نفسك وزوجك لو شعر انك تشفقين عليه ..
ماعليك فعله هو البحث عن مصادر اخرى للدخل .. يعني راتب زوجك يدل ان ما معه شهاده جامعيه .. ( فرضيا )

الحل الي تقدرين تسوينه هو اولا .. تحويل مشتريات البيت إلى مشتريات اقل قيمه .. يعني بدل ما تشترين ماركات معينه من الاكل حاولي استبدالها بمؤكلات ثانيه فهي لا تقل جوده عن الماركات يعني العلالي او مثلا صابون اومو او تايد .. تستطيعين استبدالهم بمصادر غذائيه ارخص..

بعدها تروحون حق الجمعيات الاسلاميه الي عندكم .. وتحاولون .. انكم تقدمو طلب مساعده للاسر المتعففه.. لان راتب زوجك لا يكفي لمتطلبات الحياه .. على الاقل يمكن يساعدونكم بمؤنه الطفل والمواد الغذائيه..

تحاولين القيام بالطبخ والبيع .. لان الكثير الحين من يحب هالطريقه والاكل الجاهز .. وحتى لو ما تعرفين تعلمي .. حاولي الحصول على اي وظيفه .. بسيطه لتساعدي زوجك بمسؤوليه البيت ولو زوجك ما رضى حاولي الطبخ من البيت والبيع ..

نصب خطه ميزانيه شهريه .. تستطيعين توفير مالا يقل على 100 ريال شهريا من راتب زوجك .. والتصدق ب 20 ريال شهريا وسترين نتيجه مذهله من باب الصدقه ..

تخلين زوجك يكلم ابوه بطريقه جديه .. او حتى انتي تكلمين عمتك .. وتقولين لها وتشرحين وضعك .. ووضع زوجك .. ولازم زوجك يتحمل لان مافي شقه ب 700 ريال الحين الا سكن ( هنود) او اجانب

يتحمل منه ابوه ولا يتحمل منه الغريب اختي .. والمفروض ما نحاسب ابوه على التفرقه لان في رب يحاسب ,, عليه بالدعاء والاستغفار .. وانتي معاه ... وبدل التذمر .. عليكي بالتفكير كزوجه مدبره منزل ذكيه في استخراج مدخول اخر للمنزل .. وحث زوجك على البحث عن وظيفه اخرى ملازمه لوظيفته الحاليه .. لكي يوفر مدخول جيد للبيت ...

اتمنى تفكرين بكلامي والله يفرجها..

ام جنى
ا
مرحبا اختي
انا اقولكم الاحسن تطلعون بعد من الشقة وبعد حالوا ما اتصيرون قراب منهم وااااايد يعني خلوهم اهما اللي يسالون عنكم ، وبعد غير ذي وذي يعني ال 700 ممكن اتسوي لكم شي في حياتكم حتى لو كان شي بسيط والله يوفقكم ويصبركم يا رب
l
الله يعينكم ويرزقكم من حيث لاتحتسبون

صدقينى الله سبحانه قادر يغنيكم من فضله ويرزقكم رزق كثير مبارك ولكن عليك بالدعاء والأستغفار والوصل وبتشوفين الخير كله :)

الأهم أنك تشتغلى أنا أأيد الأخت الى قالت تطبخين أو عالأقل تسوين حلو قهوه وتبيعينه وشوى شوى بيرزقج الله وبيتوسع شغلج صدقينى أعرف وحده مثلك ألحين جابت 3 فلبينيات يساعدونها بالشغل الله أنعم عليها
وهى قبل حالتها مايعلم فيها الا الله

وراح تلقين أنواع وأشكال من وصفات الحلو بالنت

لازم تتحركين ولاتوقفين مكتوفه الأيدى تحركى وبتشوفين الخير

الله يوفقج ويرزقج
l
احسن اطلعو يشقة لحالكم و عيشو على كيفكم ليش صابرين .......و عشان زوجك نفسيته تتحسن لازم يبعد عن ابوه و يحس بشخصيته........المهم راحته شوفى وين ممكن يلقى لراحته و اعمليه بدون تفكير
د
الله يفرج عليكم حبيبتي ..

واذا في مجال تشتغلين انتي و تساعدين اشتغلي ..

وبالتوفيق
ع
الله يعينك

زي ماقالو البنات


بس انا حابه اقولك على فكره امكن تعجبك

اول شي اتكلمي مع زوجك وقوليلو انا عارفه انو وضعنا صعب عشان كدا قررت اشتغل عشان اساعدك الشغل مو عيب وانا كل هذا اعملو عشانك وعشاني انا عارفه لو انو وضعك احسن من كدا ماحتقصر ومن دا الكلام عشان مايحس انك طفشتي او شي زي كدا

خاصا انو هوا تعبان من دا الموضوع

وبعدين فكري ايش اكثر شي انتي موهوبه فيه

تعرفي تعملي حلا معين مرره لذيذ

ولا تعرفي تعملي مخلالات

ولا تعرفي تخيطي

ولاتعرفي تطرزي

ولاتعرفي للتريكو

فكري ايش الي تقدري تعمليه

واعملي كميه بسيطه اول شي وبيعي والي يطلع لك اشتري بيه تاني وزي كدا بس الربح لاتصرفي منو على طووول

وتقدري بعدين تسيري تاجره في المنتديات واكثر البنات كدا

فكري كويس

اسعى ياعبد وانا اسعى معاااك

لاتجلسي تفكري كيف وانتي مابتعملي شي وحتى زوجك خليه يشوف شغل تاني لو

اما بالنسبه لأهلو الله يعينكم مالكم غير انكم تطنشوووووووووووووووووووووووووو

عيون الفهد
ر
مشكورين خوااتي على المرور

استفدت من نصائحكم جزاكم الله خير

والله يهدي عمي

تحياتي
(
قولوله مب طالعين ظروفنا الماديه صعبه وبدل ماتوقف معانا تبي تطردنا؟؟ يعني وين نروح ؟؟
اذا مستكثر عليكم الشقه ..قولوله يدورلكم وحده غيرها بنفس المبلغ عشان تطلعون ولا غير هالكلام ماعندكم :D

الله يعينكم ويهون عليكم المصايب
u
بالله عليكم يا بنات ليش ما تقرون المشكله بتمعن .. يعني الاخوات الي قالو .. اطلعي انتو شفتو راتب زوجها كم .. اي شقه في الغلاء بتحصلها بنفس القيمه ..

مب الاحسن يشترون خاطر ابو زوجها ويحاولون يعرفون بالخاطره .. وتحاول هي بدورها بعد تكسب قلب ابو زوجها .. بكل الطرق

راتب زوجها 2500 فكروا اخواتي قبل ..

ام جنى
س
انتبهوااااااااااااااااااااااااااا تطلعوون من الشقه

مستحيل تلاقون شقه اجارها 8400في السنه

مثل ماقالوا الاخوات انتي حااولي انك تتوظفين في دار تحفيظ قراان دايما يكوون فيه حظانه علشان الاطفال ومنها تستفيدين لو بالف رياال

اما ابوه خلي يتظااايق هذا ولده ومحتااج اذا اهو ماحن عليه اجل الغريب بيسااعده والله لو تتاخرون لو يوم عن دفع الاجاار بهذلكم صاحب الشقه اما يصك الكهرب عنكم ولا يشيل عفشكم في الشااارع

مهما كان ابوه ماراح يطرده من البيت


اختي الي سمعته اذا كان الراتب اقل من 4000 الاف يستحق الزكااه

خلي اهلك يساعدونك او خوااتك

اختي راسليني على االخااص انتي وين ساكنه باي حي اذا قدرت اساعدك ان شاء الله
ت
ماشاء الله اخت نوور ماقصرت واهم شي تبحثين لك عن عمل (((((((وبالتوفيق))))))))
ا
اختي رهينة الخيال اكثري من الاستغفار والله بيسهل امورج ماضاقت الا وبتنفرج ان شاء الله واحسني ظنك بالله صدقيني بتشوفي الخير
*
اختي العزيزة ..

شكله زوجك ابن ناس ... ويستحق زوجة مثلك تحس فيه وتوقف جنبه ..
بس اقولك كل شي ولا الذله والإهانة .. كرامة الانسان فوق كل شي .. وخصوصا هذي الاشياء يا حبيبتي تأثر في نفسيه الرجل كثير .. يعني يحس ان رجل ولازم يتحمل مسؤوليته ..ومش المفروض يتعرض لمثل هذه الاهانات ... لهذا قرر يخرج من بيت ابوه .. وانا اشوف ان هذا الحل الانسب..

صحيح انه دخل زوجك قليل .. بس انا متأكدة مع التنظيم الحكيم منك والصبر ... الامور ممكن تمشي بشكل لا باس به ...
يعني انتم اهل الخليج الصدق تصرفو فلوسكم على الفاضي في اشياء فارغة مثل التسوق والاثاث
يعني لازم الانسان يعيش ويقتصد واذا كان عنده وملابس و اثاث جيد ما في داعي ابدا من اجل المظاهر اغير طقم الجلوس كل 6 شهور ..
انا متأكدة اذا تدبرتي امورك بايمشي الحال تمام .. وباتعيشو مرتاحين بدون اي ذلة من اي احد حتى لو تاكلو خبز وزبادي ..
اذا اضطر الامر ممكن انك تجدي عمل تساعدي به زوجك الى ان يتحسن وضعه .. وصدقيني لن ينسى لك هذا الجميل ..
X