رايحه الحج.. ابي خبرتكم

ملكة الصمت 28-10-2008 16 رد 2,256 مشاهدة
م
السلام عليكم.. شخباركم امهات وشخبار الملائكة الي معاكم :cool:... حبيت اخذ من خبراتكم انا مقررة ان شاء الله اروح الحج مع زوجي بوترك بنتي مع خالتها حبيت اعرف شنو الاستعدادت المفروض اجهزها لبنتي مع جميع الجوانب يعني النفسي و البدني من اغراض وملابس..؟؟؟ واذ ممكن احد يخبرني بتجربة مشابهه..
ر
طبعا بتجهزي جميع احتياجاتها من ملابس وملابس جديده الى العيد

والاطعمه الجاهزه الي متعوده تاكلها في البيت ولعبتها الي متعلقه بها

ومصروف بسيط تخليه عند خالتها لو احتاجت اشياء علشان توفرها لها

وبين كل فتره اذا بتروحي السوق او مكان تخليها عند خالتها علشان تتعود عليها زين

ولو خليتيها ماتصيح لانها بتكون حابتها ومتعوده تجلس معاها

كلمي خالتها عنها تحب تنام في هالوقت وتاكل كده وتحب تتحمم وكل شيء عنها علشان خالتها

تعرف تتصرف بنفس اسلوبك في البيت

مع ان الاهل ما يتصرفو مثلنا يدلعوهم زود ومانرجع الا الدلع واصل حده عندهم


حج مبرور وسعي مشكور وتقبل الله مسبقا
ت
شوفي حبيبتي بنتك اذا عمرها صغير بشهوور وفري لها لحليب ابكثرة والملا بس انا رحت للحج وانزلت بنتي عند امي بس الصراحة الكبار رضاعتهم واهتمامهم فرق عنا فاانتي اهتمي بها الجانب واللة يردك سالمة لها ويسهل عليك امرة واي استفسااااااااااااااااار انا حاااااااااااااااااااااضرة
م
مشكورين والله .. ربي ما يحرمني منكم.. عمر بنتي 1 ونص
أ
ربيعيه
ماااااااقصرت
a
اما بعد بنتي تركتها في سن سنة و عشرة شهور ورحت الحج
اذا كنتي ترضعينها للحين حاولي تفطمينها قبل عشانش وعشانها عشان لا تتئذين في الحج بتصلب اللي يصير للمرضع لما تقطع عن رضاعة الطفل وعشان الطفل بعد يتعود
لان اختي ما فطمتها و وواجد تالمت حتى بنتها مرضت وصخنت.
انا بنتي كانت متعلقة فيني واجد فيوم كنت اتصل وتسمع صوتي كنت تصيح لين ما تنام وبعدين دقت عليها صخونة فما قاموا بيتنا يخلوني اكلمها
بس بشوفين ان ما بيعوق وبترجعين وبتمر الايام بسرعة هناك وتقصين فرض الحج عليش بلعافية
لا تنسينا من دعائش
ا
طبعا بتجهزي جميع ملابسها من قبعات و ملاحف وغيرة لانة بيكون الجو بارد و حاولي ما تنسين اي شي ،و الحليب اذا كانت لسة بتشرب حليب صناعي اما اذا كانت لسه بترضع طبيعي فحاولي من الحين تفطمينها و ألعابها ومستلزمات التنظيف(شامبو ،صابون ،كريم...) و سلمي أختك مصروف و بطاقتها السكانية علشان لو لا سمح الله مرضت
b
حبيبتي انا اللعام رحت الحج مع زوجي وبنتي عمرها سنة وشهر تخيلي سبحانكككككك يارب انا في الدوام والله اني بمعدل 10 مرات اتصل اسأل عنها انا اخليها عند الوالدة الله يحفظها وانا في الدوام مع شغالتي اللي كانت وياي من ولادتها يعني عارفة لها بس في الليل اول مرة اخليها ويا احد والحمد لله سبحانكك في الحج واعماله تلتهين وتنسين الدنييا كلها يمكن مرة او مرتين في اليوم اتصل والحمدلله كانت بخير وعلموها تمشي خخخ كانت ماتمشي عدل توها

بس اهم شي مثل ماقالو البنات اذا ترضعين فطميها من الحين انا بنتي مارضعتها طبيعي فالحمدلله ماكان عندي مشكلة الفطام وجهزي اشياءها كاملة من الالف للياء للي تكفيها لهافترة وجهزي ثيابها العيد ومثل ماقالو البنات راعي برودة الجو وخلي مع خالتها مبلغ مالي لو احتاجت شي وبعد انا خليت كل الادوية اللي ممكن تحتاجها لان بنتي على طول تمرض من مقياس درجة الحرارة وبندول وتحميلات حرارة ودوا كحة وزكام يعني اشياء عادية وخلي بطاقتها السكانية وبالنسبة لي عندها تأمين صحي خليت بطاقة الانشورنس لو لا سمح الله احتاجت تروح المستشفى

وبتجوفين شلون الله يمسح عالقلب انا كانت مشكلتي نفسية اكثر مما هي تجهيز او هالامور والله ان ودوني المطار منهااااااااااااااااارة صياح دابحة عمري اول بنت بس كانت بعدها سنة احس ماتفهم وااااااااجد بس الحين سنتين تقريبا الله يحفظها اذا اطلع واخليها تدورني ماما مافي خخخخخ
ا
ماشاء الله البنات كفو ووفو وربي يطمنك عليها
وربي ييسر حجك ويتقبل منك سلف وترجعيلها بالسلامة اللهم امييين
ع
حج مبرور وسعي مشكور
اولا جهزي ملابسها وزياده عليهم طبع للايام ماقبل لعيد ثم جهزي ملابس العيد يعني كل بدله معها شارباتها وهليهوب اوضاغط اذا بتلبسينه وجزمتها وحركات شعر ووغيرها يعني نسقي كل يوم بلبسه الخاص فهمتي علي وخلي شنطة العيد خاص يعني مايفتحونها الابالعيد ولاتنسي جاكيت عشان البرد لوجاء فجا تعرفي الاطفال معرضين والله يجيب له مرض نجي الان للاشياء صحيه وانت بكرامه اشتري 2 حفاظات الكبير طبعا وحليب ايضا الحجم الكبير غير العصير والبسكويت الاطفال والسيريلاك ودواء السخونه وتحاميل القوه 100 لانه بنتك صغيرونه وانت عاد اخذي لك ملابس حق عشر أيام لانك حيانا تضطرين تتروشين مرتين في اليوم وغير ذالك حبوب لصداع وفيكس وفازلين واكياس صغيره وخذيلك عبايتين وشيلتين وفوطه صغيره للمناطق الحساسه وفوطه للجسم وديتول وغسول ديتولو كريم شعر وعطر وشربات وشحطه للحمام وانت بكرامه وحذاء سبورت
وغيرها مصحف و اذكار اليوميه وووبس اتمنى افدك


ع
الأمهـــات ما قصـــرن يعطيهــن العافيــة ياااارب
وان شاء الله تكوني استفدتــــي....
م
مشكورات يا امهات والله استفدت وااااااااااااااااااااااااايدوخصوصا بتفاصيل شنطة العيد وبدلات .. ربي ما يحرمني منكم ..وادعي لكم بعرفة
ت
ملكة الصمت والله زين يوم طرحتين الموضوع لاني ان شاء الله بعد معزمة اروح واخلي ولدي اللي عمره سنة و10 شهور ..والله ييسر الينا واليكم ويتقبل منا ومنكم ..
ويحفظ اولادنا في غيابنا ويهديهم
م
السلام عليكم..هلا تراتيل تصدقين قاعدة احسب لروحه بس مستانسة لاني بموت على بيت الله.. وربي يحفظ عيالنا .. بنروح لعبادة وربش يحرس اعيالنه..
ع
حج مبرور وسعي مشكور

وما قصرا الأخوات على إلي ذكروه ،،

بس حبيت اضيف عن عمر الطفله كم يعني إذا في عمر يفهم شويه حاولي انك تتفاهمي على بعض الأمور إلي انتي امعوده بنتك فيها عشان ما يتخربط برنامحها

وبعد حاولي تحطي ثوب منك وثوب من ابوها فيهم ريحتكم عشان الفراق وما تحس فيه يحطونها تحت راسها

هذا كلام جدتي وامها بس تره وايد مهم لانه الفراق كريه

لا تقولي كلام عجايز بس لاني من النوع إلي يخاف ،، وخصوصا انك رايحه مع ابوها يعني راح تحس بغيابكم

والله يخليها ويحميها إن شاء الله
م
عنوني;7584098:
حج مبرور وسعي مشكور

وما قصرا الأخوات على إلي ذكروه ،،

بس حبيت اضيف عن عمر الطفله كم يعني إذا في عمر يفهم شويه حاولي انك تتفاهمي على بعض الأمور إلي انتي امعوده بنتك فيها عشان ما يتخربط برنامحها

وبعد حاولي تحطي ثوب منك وثوب من ابوها فيهم ريحتكم عشان الفراق وما تحس فيه يحطونها تحت راسها

هذا كلام جدتي وامها بس تره وايد مهم لانه الفراق كريه

لا تقولي كلام عجايز بس لاني من النوع إلي يخاف ،، وخصوصا انك رايحه مع ابوها يعني راح تحس بغيابكم

والله يخليها ويحميها إن شاء الله



مشكورة على مرورك.. بصراحة ملاحظة مهمة.. بطبقها.. عمر بنتي سنة ونص
ت
عنوني ..ملاحظة جدا مهمة حتى امي وعمتي يقولون مثل هذا الكلام ..
X