أنا حابه اني ادخل في الموضوع على طووووول
1- يا حلوات محدش ياخد اي منشطات الابعد مرور سنه كامله من الزواج متستعجلوش
2-كل ست بتختلف عن التانيه يعني اما واحده تجرب حاجه وتنفع مش ضروري تنفع مع التانيه يعني مثلا اما كنت بسأل البنات هنا عن "الكلوميد" كان بيقولوا انه جاب نتيجه معاهم في حين انا اما عملت كل التحاليل اللازمه لقيت ان المنشطات هضرني جدااااا
3- صعب حساب أيام التبويض متركزوش الجماع في ايام التبويض فقط ... حتى لو الدورة عندك منتظمه مش هتقدري تحدديها فالاسلم ان يحصل الجماع يوم بعد يوم من بعد نهاية الدورة الي الدورة القادمه وكمان لان التفكير في الحمل في الوقت ده ممكن يشكل ضغط نفسي عليكي (أنا بخبتي دايما افكر في الموضوع :o)والقلق نفسة بيسبب تأخر الحمل كل اللي ربنا رزقهم من نعمته وفضله وحمله لو سألتيهم هيقولولك ان احنا ما كناش بنحسب ايام تبويض ولا غيره
أنا عن نفسي كنت بحسبها في الأول عن طريق اني بقيس درجة حرارتي يوميا وفي اليوم اللي بترتفع فيه بقول ان ده يوم التبويض عندي لكن بسؤالي للاطباء قالولي ان لازم عشان تنجح الطريقة دي تكوني بتلبسي نفس اللبس ودرجة المكان اللي قاعدة فيه مبتتغيرش وتضمني ان مايجلكيش اي أمراض تسبب ارتفاع درجة الحرارة مثل الانفلونزا ... اصلا ان حسيت ان درجة حرارتي بترتفع من كتر التفكير والترقب والقلق.
4-مسألة انك بعد الجماع تستلقي وترفعي رجلك اما سألت الدكتور فيها قالي ده مفهوم غلط لان مثلا ممكن تكوني عاوزه تدخلي الحمام(أعذروني يعني) وتضغطي على نفسك انك ما تقوميش وده غلط جدااااااااااا فالاحسن خلي الموضوع طبيعي .
5- لو وزنك زاد بعد الجواز (زي كده:21_195:) حاولي تنزليه بالرياضه وانك تظبطي اكلك (وده اللي بحاول أعمله أدعولي يا بنات اني أنجح في كده )
انا كان عندي مفهوم غلط ان مينفعش اروح الجيم طول ما انا عاوزه احمل لاني كنت بخاف لو حصل حمل مع الرياضه ينزل (بس انا كنت بصراحه بكسل) لكن البويضة اما تتلقح بصورة سليمة الرياضة متأثرش عليها (ماعدا الرياضات العنيفة طبعا) والأسلم انك تعملي التحاليل وتشوفي ايه سبب زيادة وزنك
أيه كمان ... أيه كمان
يارب يارب يرزقكم بالذرية الصالحة
انا هطلب منكم طلب بسيط خااااااااااااالص أنكم تدعولي بالذرية الصالحة
