فستان الفرح ملون وش رااايكم؟؟

صباح الخير

مادري أنا ما أيد العرووسه تخرج عن دائرة الابيض ... لان الالوان الثانيه تقدرين تلبسينها على طول بس البيض والاوف واايت غيــــــــــــــــــــــر

يعني لولبستي ملون احس مابتفرقين عن المعازيم


انتي اي لون حاطه في بالج

يعني بصراحة العروس الوحيده اللي شفتها لابسه ملون كانت باكستانيه وهم ما عندهم ان العروس تلبس أبيض فأي لون يلبسون.

وبناتنا اللي ما تبغي تسوي عرس تلبس في الخطوبه (طبعا حفلة كبيرة وطقطقه) ابيض او سكري وما اتسوي عرس مجرد جلوه وتلبس فيها أي لون تحب بس العام أخضر وايدخلون عليه ألوان واتكون الجلوه البحرينية، وطبعا هالحفلة بدون معرس.

وعلى فكره عرايس زمان أول ما كان عندهم فكره اللون الأبيض، لانهم كانو يلبسون الأخضر لأنه لون بركه ويشعر بالراحة والطمأنينه والخصوبه، واللون الأبيض دخل على العرب بعد الإستعمار وأول من لبسته ماري أنطوانيت لبست فستان أبيض وأوف وايت لزفافها.

لكن بالنسبه لي من رايي أنج لو ما لبستي أبيض بيظل على طول في قلبج أنج ما لبستي أبيض، وانتي وراحتج أختي، لأن الألوان الثانية ممكن تلبسينها في أعراس الناس لكن عرسج إنتي يكون أبيض شي غير وعلى فكره محد يلبس أبيض في العرس عشان الكل عارف أن هذا لون فستان العروس، وكل بنت تتمنى تلبسه في عرسها وما تبغي تخرب على نفسها أنها تلبس أبيض قبل هاليوم.

والراي الأول والأخير لج حبيبتي

والف مبرووووووووووك

ممكن تدخلين فيه لون...

يعني الاساس يكون ابيض او سكري

ومعاه لون ثاني انتي وذوقك..:)

المهم ان الابيض يكون داخل بالفستان لان هذا وقته.
شوفي الرابط اختي..:)

http://www.3roos.com/forums/t377589.html

انا مرة شفت بحرينية امها سعودية

لبست فستان ذهبي مع تراكواز بس بخطوبتها لبست سكري

احنا عندنا كل شي عجيب اول ماطلعت موضة الذهبي كامل الناس سوتها قصة

من رايي انا اتفق مع البنات

ابيض - سكري- عاجي- لولوي- ذهبي - فضي

وممكن تدخلين مع الابيض شوارفسكي ملون يطلع حلووو

أنا أفضل الابيض
لانه كل الالوان ممكن تلبسيها في إي وقت بسس الابيض غير
وأحلى للعروس
وأحلى من أي شي ثاتي ,,,,,

انا بعد رايي الوحده ماتبتعد عن هالالوان الاساسيه

يعطيكم العااافية حبايبي

على الاراء الحلوة

تم اعتمااد الابيض كاساس وهدخل معه الواان ثاانية


تسلموو

العروس مايبرزها ويميزها عن الناي الا الابيض

بصراحه ما أيدج بألوان غير الابيض ودرجاته

خلي الاساس ابيض ودخلي مع الشغل الوان

الاوف وايت احلى شي

لا تفكرين بلون غير الوان فساتين العروس المعتاده لان احس هيبة العروس وجمالها بهالفستان واللون بذي الليله

يعطيك العاافية الفجر

ردك اسعدني

مرة شفت عروس لا بسة فستان غرييييب!! كان أبيض واسود واحمر!! الكل يتكلم عنها!! كان حلو !!
بس مثل ما قالت ( الفجر ) هيبه العروس بالابيض .. لأن يعبر عن العذريه والنقاء ..

مو غلط ان الوحده تلبس لون ثاني , عني شخصيا احبه ابيض او لؤلؤي ,, مو سكري ولا ذهبي ,,
ممكن فيه شويه شويه شويه لون ثاني , ورود او شك ,, بس الغالب الابيض

انا بعد اقولج ان الأبيض (سكري، لؤلؤي) أحلى شي،، أصلا حلم كل بنت انها تلبس الفستان الأبيض.. وسبحان الله هذي اللون بالذات يطلع حلو على كل البنات..

انا افضل الابيض للعروس او الاوفوايت

يعطيها هيبه وتكون مميزه

اللون الأحمر الملكي في فساتين الزفاف شيء رائع للغاية ..

العروس حلاتهاباللون الابيض

واذا غيرتي خليتي لون ثاني ما راح تبدين كعروس وراح يظل بخاطرج تلبسي الفستان الابيض ..

احنا عندنا بالخطوبة البنت تلبس اي لون تبيه و الابيض تخليه للزواج ,,

بس في حال مابتسوي عرس تلبس فستان اوف وايت او سكري بالخطوبة كأنه هي خطوبة وهي زواج مرة وحدة ..

اذا تبين لبسي اوف وايت او ابيض وفيه لون ثاني يعني داخل فيه لون ثاني بس اللونا الاساسي للفستان هو الابيض ..