اليوم فطوري كان سندويجات صب واي >>> بس HOME MADE
و صورت كل الخطوات و الصراحة الطعم نفس صب واي بالظبببببببط و شكلي بعتمدها خلاص و بطلق صب واي عالاقل اكل البيت انظف :cool: >> عاشت اللي تفكر في الصحة و النظافة العامة خخخخ
اول شي المقادير::
صدور دياي .. نشويها و نقطعها شرايح .. طبعن تقدرون تحطون التتبيلة اللي تبونها .. نحن نحط ملح و فلفل اسود و ليمون
الخضرة اي نوع انتوا تبونه تحطونه.. انا حطيت خس و طماط و خيار
خيار مخلل مقطع شرايح
جبن كاسات اذا تحبون..جبن شرايح..كتشب..فلفل هلابينو و نسيت اصور الخردل
الصلصات اللي استخدمتها .. صلصة ايطالية .. الثاوزند ايلند .. و الصلصة الفرنسية
الصمون..احسن شي مال كارفور ينفع حق هالسندويجات طبعن ترومون تاخذون العادي او الاسمر حسب ما تفضلون
الطريقة ::
اول شي خلطت الصلصات كلها مع بعض حطيت الصلصة الايطالية و الفرنسية و الثاوزند ايلند و شوي كتشب و شوي خردل و كل واحد و ذوقه و شو يبا يحط
نقص الصمون و ندهنه بالجبن و نحط جبن الشرايح
بعدين نضيف الخضرة الخس و الخيار و الطماط و الخيار المخلل و الهلابينو
و بعدين نحط الدياي و فوقه الصلصة
و هني صور فنية خخخ عشان ايوعكم :cool:
و هني استخدمت الصمون الاسمر و طلع السندويج مرتب اكثر عن الاول لاني ما يلست اصور كل خطوة خخخخ
طبعن هني يوم حطيت كل شي بس بدون الدياي و الصلصة
و هني يوم حطيت الدياي و الصلصة
و هني و عافية على قلوبكم و سندويج واحد يشبع من الخاطر .. و ان شاء الله يعيبكم تقريري البسيط ولا تنسون التقييم ولا ما بعطيكم من سندويجي العجيب:tongue:
و اللي حابة تنقل الموضوع يا ليت تذكر المصدر :)
