ولدي في صف الأول أبتدائي....ساعدوني خواتي

AL ROOH 27-10-2008 11 رد 2,743 مشاهدة
A
السلام عليكم ورحمة الله وبركاته....

خواتي انا ولدي البكر توه دخل 6 سنوات ولدي من هو صغير ذكي وكثير الكلام ماشاء الله

ماحد يجي عندنا الا وقال الولد ذكي ماشاء الله عليه

المهم مو هذا موضوعنا

ولدي الحين في صف الأول واليوم آخر يوم من الأختبارات

ولدي كان شاطر وحافظ السور والأناشيد وماشاء الله سريع الحفظ

فجأه نزل مستواه والمدرسه قالت ارجو الأهتمام فيه أكثر

يوم امتحان عربي جاب 13من 15

وفي التربيه الأسلاميه الأستاذه قالت خليه يحفظ السور زين والله ثم والله انه حافظ السور من قبل مايدخل صف التمهيدي....

وراجعت له وكان حافظ الحديث والسور كيف تقولي ماحافظ زين

وفي الرياضيات راجعت له الأرقام ماشاء الله يعرف يكتب الأرقام وراجعت اللي حددته الأستاذه وحل وكنت فرحانه لأنه ماتعبني في المراجعه..

وتجي ام زوجي وسألت المدرسه كيف سوى في اختبار الرياضيات قالت ماحل شي وخلا الورقه فاضيه...
أنجنيت وبكيت كيف كذا في البيت غير والمدرسه غير

واليوم راحت زوجة اخو زوجي وسألت عن بنتها وعن ولدي وقالت لي ابنك نزل مستواااااااااه

بنقهر ليش اذا سألته يقول حليت وعدت له الأختبار والتسميع وحل صح وحافظ كل شي

خواتي طلبت الله ثم طلبتكن

ساعدووووني ايش اسوي وايش الأسباب تراني بأجن.....
B
الله يعينج .. حاولي تشوفين وين المشكلة و تتكلمين مع الولد ، يمكن يخاف من معلماته ، يمكن انه يرتبك وقت الاختبار ، يمكن للحين ما يعرف شنو يعني امتحان .. وفي نفس الوقت خل يكون لج تواصل مع المعلمات عشان تتعرفين وين نقاط الضعف اللي خلت مستواه ينزل

والله يوفقه
ر
امكن طريقة تعليمك في البيت انك تبدي اله الايه ترى هاي الطريقه خطا

ويمكن ان ولدك يخاف من المدرسه علشان كده ينسى

المهم جلسي معاه وتكلمي واسأليه ليش السبب بدون ماتعصبي او تزعلي عليه

واذا تكلم لك حاولي تحلي المشكله

اما اذا ماقال لك شيء حاولي معاه بالتشجيع اذا جبت درجه كامله باخد لك كده

او بطلع معاك مكان يحبه


الله يهديه
ع

حــاولي تشوفي السبب يمكن ولدج يخــاف من معلمتـــه
روحي المدرسـة وعرفي الأسباب واقري عليه لا يكون صابته عين
الله يشفيـــه...
B
الله يعينك
كيف يعني في اول ابتدائي وامتحان على ورق؟؟
ممكن انه خايف من الامتحان او طريقة مذاكرتك اله بالتخويف والترهيب
ونصيحة مني اختي لاتعتمدين على احد غيرك انه يسأل عنه عشان لايحطون العين عليه وغير هذا الاساتذة اذا حسوا باهتمامك راح يهتمون بالطفل اكثر
ع
يمكن اهو يخاف من المدرسة او يرتبك من جذي يخربط وفيه معلمات الله يسامحهم يخرعون الطلبه بصراحه هم اطفال يعاملونهم كأنهم كبار وبعض المعلمات يجننون على الطالب بحيث ما يعطونه اهتمام او ان يحطون في بالهم انه مايعرف شي.
ح
الله يساعدش بصرراحة
بس لازم تكلمين ولدش وتكلمين المدرسة بعد تكون صوبه وقت الامتحان يعني تجي تطل عليه وتفهمه السؤال لانة هو صغيرر ويمكن يتخرربط ومحتاج احد صوبه وضروري المدرسة تجي صوبه توضح له السؤال وتبتسم اليه وتهديه وانتين لا تخوفيه بكلمة امتحااااااااااان عشان ما يرتبك

والله يوفقه ويصير احسن
A
شكرا خواتي بس انا ارجاع له بأسلوب الحماس واشرح له بطريقه مرحه عشان يستوعب واذا غلط فهم ايش غلطه واشرح له الغلط بطريقه حلوه وماشاء الله يحل ويجاوب
ا
الاخوات ماقصروا وممكن مثل ما ذكروا الطفل يخاف او يرتبك شجعيه وحاولي تعرفي السبب اسأليه بهدوء اذا كانت تصرخ عليهم او تهددهم وكيف معاملتها له وهل هو يخجل ولا تعتمدي على احد يسأل عنه ويقارن بينه وبين اولاده وداومي على قراءة المعوذات عليه ممكن لاسمح الله عين تابعيه اول بأول في البيت والمدرسة حتى لو مافي اسباب بيني اهتمامك له وللمدرسة وان شاء الله يهديه ويخزي عنه كل عين
A
شكرا خواتي ع النصايح

بس انا ما قلت لأم زوجي تسأل ولا حتى زوجة اخو زوجي هم من انفسهم سألو عليه.....
B
شوفي عزيزتي خدي ابنك و روحي المدرسة و كلمي المدرسه خليها تسأله قدامك و شوفي هو حيعمل ايه ومن المقابله دي حتعرفي المشكله فين و ان شاء الله خير
م
الله يسهل له أموره أختي...يمكن عين وصابته لأن أختي كانت نفس الشي ومسكينة ياتها عين وهي صغيرة وشوي تأثرت في الدراسة....
يمكن يكون المكان جديد عليه ومو متعود وصايده شي من الخوف....
أقري عليه المعوذات والرقية وحاولي ماتبينين حق أحد شطارة ولدج والله الناس ماترحم...
X