«·¨*·.¸.»__ قصة حبي الاليمة وقصيدتها __«.¸.·*¨·»

:confused:

حبيت اني اخبركم سبب القصيدة وقصتها ....

كيف أبدا قصتي

كيف اخبرك بما حصل

وهل أستطيع ان اتذكر كل الالم

كل الايام التي قضيتها أبكي

كيف جعلتني أبكي , لا أدري حتى الان كيف

لا أعلم لماذا أحببتك ؟

ولا أعلم لماذا ... تقابلنا

ولا أعلم كيف ومتى حصل كل هذا؟

قصتي قصه حزينه .. ربما تصلح لأن تكون من قصص الافلام

بدأت ... قبل ثلاث سنوات

كنت في ذلك اليوم .. قد قررت أن أخرج ..وأركض

لبست ملابس الرياضة.. وخرجت

توجهت الى كورنيش أبوظبي ... كانت الساعة حوالي .. 7:30

وبدأت أركض .. كنت نشيطا .. وفرحان في ذلك اليوم

بعد حوالي .. عشرة دقائق ... لفت أنتباهي ... فتاه كانت جالسة ... وتكتب

بصراحة .. ماادري ..ليش وقفت

في البداية .. ترددت أروح لها .. بس .. تشجعت

سرت بكل بطىء.. وسألتها اذا عندها ماء .. نظرت لي باستغراب .. وعطتني .. الماي وماتكلمت

بصراحة .. انا استحيت من نظرت عيونها

وانسحبت بكل هدوء

والله كانت قمة في الجمال .. والادب

وبديت اركض مرة ثانيه ... بس كانت عالقة في ذهني ... مثل الخيال الغريب .. كل شوي تجي على بالي

بصراحة.. أعجبت فيها .. حسيت انها شىء ثاني .. حسيت بانها غير عن كل البنات

لكن ما باليد حيلة.. حاولت أنسى .. لاني ماكنت أعرفها ولا أعرف شىء عنها

رجعت الى البيت

وبعدها موجودة في فكري ... وخيالي

بصراحة.. كان ودي ارجع .. واسالها وين ساكنه

وشو اسمها.. بس .. خلاص كل شىء أنتهى .. اكيد بتكون راحت الحين

المهم مرت الايام... وتقريبا بعد ثلاثة اشهر

تصدقون في هالثلاثة أشهر .. مافارقتني

حاولت بكل مااستطيع أن أنسى

ماقدرت ... تمنيت لو الوقت يرجع للوراء

بس كان شىء مستحيل

المهم

في ذاك اليوم.. رجعت الى البيت ... كانت الساعة حوالي 6 مساء

تدرون شو اللي صار

فتحت باب البيت .. ودخلت

من شدة الصدمة والفرحة والاستغراب

تعثرت

تدرون شو شفت .. شفتها ..ايه شفتها

كانت واقفة مع أمها وأمي

وكانوا خلاص .. رايحين

وقفت أتأمل وأنا مستغرب .... أنا في حلم ولا في شو.. أنا الحين صاحي ولا نايم

مرت هي ووالدتها بجنبي

ونظرت لي وهي بعد مستغربة .. وإبتسمت

وراحوا

رحت انا غرفتي .. وكنت أفكر وافكر.... كان فكري مشوش

المهم ... رحت للوالدة

وقلت لها ... منو اللي زارنا اليوم ..أول مرة اشوفهم

قالت لي أمي .. شو لك .. ليش تسأل عن الحريم... هاذيلا .. جيرانا الجداد .. انتقلوا من اسبوع

ماصدقت ... من الفرحة .. حسيت الارض.. بتنشق وبتبتلعني

قلت لها زين .. باين عليهم ناس طيبن ... تصدقون أمي طالعتني بنظرة.. خلتني أخاف

ومرة الايام ... حوالي شهرين

وقررت ... ايه قررت.. قررت أخطبها

بس كنت خايف ترفض .. كنت خايف كثير

وتشجعت .. وقررت أسألها

بس كيف ؟ كيف .. هذا كان السؤال الصعب

البنت ماتطلع من البيت كثير

انتظرت ..وانتظرت..كنت أراقبها .. من بعيد .. حتى عرفت الاوقات ..والايام اللي يمكن تطلع فيها

في ذاك اليوم طلعت .. كان يوم خميس

تصدقون كنت متأكد .. أنها كانت بتروح .. الكورنيش .. ماادري بس حسيت

لبست ملابس الرياضة .. وطلعت أركض

والله ماصدقت عيوني .. كانت جالسة في نفس المكان

أقتربت منها ... وسلمت

طالعتني .. وسلمت .. وبعدين .. ردت تقرأ .. ولا كأني موجود

قلت في نفسي .. هذه هي الفرصة.. ومستحيل.. أفوتها.. مهما كان الثمن

وقلت لها .. لو تسمحين .. ممكن أسألك سؤال

قالت تفضل وبسرعة لوسمحت

قلت لها ... أنتي مخطوبة

طالعتني .. بنظرة .. وقالت لي .. ليش تسأل ..؟

بصراحة أرتبكت .. ومادريت شو أقول

جمعت نفسي .. وخذيت نفس

وقلت لها .. أنا بتقدم لك وبأطلب يدك ... من والدك

فجأة أحمر وجهها .. وكانت مستحية ..وارتبكت كثيرد... ماتوقعت الكلام اللي قلته..

قالت .. انت الحين شو تبي....وبعدين مو بهالطريقة تصير الأمور

قلت لها .. أنا صريح... ومستعد اتقدم لك .. اليوم قبل بكرة

سكتت .. وسألتها .. ماجوبتيني على سؤالي ..؟ قالت بصوت منخفض ...لا

لا انا مو مخطوبه

تصدقون ..... كانت أحلى كلمة لا .. سمعتها في حياتي

قلت لها طيب ممكن نتعرف

هي ماعرفت شو تقول ...

وعلى طول قلت لها .. انا .. (فلان) وانا جاركم .. قالت بسرعة هيه أدري

وانتي ..شو أسمك ..؟ قالت ماادري.. مابقولك

أنزين .. يوم الوالدة بتزوركم.. لا زم تعرف انا اقصد منو

قالت وهي مرتبكة ..(فلانه)... اممم

انا ماكذبت خبر .. سرت وأخبرت أختي

وطلبت منها تساعدني .. وتروح وتتعرف عليها ..اكثر

وماقصرت.. الحبوبه الله يعطيها الصحة .. كانت مرسال الخير

وكل يوم كانت تكلمني عنها .. وتمدحها لي

بصراحة البنت ماتتفوت .. بحلاوتها وجمالها

وأخلاقها .. مع الوقت صارت هي تميل لي .. بس عمرها ماقالت

بس من كلام أختي عرفت

تلاقيت معها مرة ثانية في نفس المكان

وكان القاء بعد حوالي عشرة أيام

بس تدرون ... كان القاء الثاني .. أحلى و أحلى

جلسنا مع بعض حوالي ساعة ... بس تدرون مرة كالثواني

بصراحة حبيتها بك مافيني

ماادري ليش بس كان في هناك مغناطيس ... غريب أسمه الحب يجذبني لها

وكثرت لقائتنا .. في نفس المكان

حبتني .. وحبيتها ... وتعرفنا على بعض أكثر وأكثر

عرفت كل شىء عنها .. عن أحلامها .. وميولها .. وطريقة تفكيرها

حسيت انها قطعة مني .. ومستحيل .. أتخلى عنها

أتفقت معها .. على أني بخطبها ... وافقت

قلت لها خلاص .. بكلم الوالدة .. اليوم

رجعت الى البيت بسرعة.. ودخلت المطبخ ..

أدور الوالدة .. كانوا كلهم جالسين في الصالة .. وساكتين

شو السالفة الجو مكهرب

سلمت وجلست

أمي شو السالفة

ابوي .. شو صاير

قال لي .. شو رايك بتسافر معاي .. ترى عمك مريض وتعبان

ماعرفت شو اقول .. هيه بسافر

اليوم الثاني في الليل كنا مسافرين انا وابوي .. سايرين لندن

كانت سفرة طويلة وممله ... بس عشان عمي كل شىء يهون

قعدنا حوالي عشرين يوم

وتوفي عمي في أخر الايام

ردينا البلاد .. وكانت الامور متخربطه ... واحنا مشوشين

بعد أسبوع من يوم رجعنا

قالت لي أختي .. مادريت (فلانه) إنخطبت ... وبعد اسبوعين العرس

شو ... شو قلتي

شو ماسمعتني .. أقول لك (فلانه) بنت جيرانا أنخطبت

درات الدينا ... وكان بيغمى علي ... ماقدرت أوقف

حسيت كل شىء ظلم في عيوني

ليش .. ليش بهالسرعة ...ليش؟

قالت لي.. لا خطيبها مستعجل .. يبى يتزوج قبل مايسافر

طيب ليش .. ماانتظرت... ليش؟

طالعتني أختي وقالت ماادري كل شىء صار بسرعة

انا زرتها .. البارحه .. وقالت لي ابوها غصبها ... لان حضرت العريس .. ولد فلان


ماصدقت اللي حصل .. تألمت .. وبكيت .. بس مافي أي فايدة .. وجدت نفسي أمام الأمر الواقع

حزنت شهر طويله .. وبعدني حزين .. وأحس بالمرارة .. بس شو اسوي

كل شىء راح .. ومابقى الاالجراح


وهذه قصيدتي .....الماضي المجنون (u)



العشــقْ لــه أسبــاب ودواء*** من يعشقْ الرْمضاء يعيـش بجنون

العشــقْ مثــل المــاء والهـــواء*** من يعيش بلا هُما يعيش مدفون

عشيــق القلـــبْ عطنـــي الدواء*** ودَاوي جـــرحْ قلبي المكـنون

جــــرحٍٍ فـي القلـبْ مااسـتــوى*** صــار لـه سنتيــن مدفـــــون

َتذّكـــر إجروحي واللي استـــوى*** مــن بعد حبـك صـرتْ مجنــون

صـــرتْ هــايمٍ فــــي الخـلاء*** ماأدري وشْ صـار لقلبي المفتون

حبيبــي خذْ قلبـــي بالمِســاء*** وتَنَـاســى وخَـلا جِسميَ بـــدون

وخلانــي أعــيش بلا حَــشـــا*** مَفْتـــون ومَجـــروح ومَحــزون

حبيبــــي رِدْ قلبـــي يالحَشـــا*** وبعـيــش العمـــر لِك وبَصُــون

حبيبــي لا تعـاتبنــي يالغـــلاء*** تــرى العتـب يزيد قلبي إِشْجــون

تعــال وخلــنا نرمـــي مامضى*** ونقلبْ صفحة الماضي المجــنون

تعـال ونعيــش العمـــر في هناء*** ونقضــي أحلــى أيامنـا ونكــون

مثل الفراش اللي طار في السماء*** وزانـتْ الوانـه وزينـتْ العيــون

حبيبــي خلــنا نطيـــر في السماء*** ونرحلْ ونبتعـد عـن كـل الكـون

حبيبـــي تعــال وأنسـى ماانقضـى*** وإمحـي جـرح قلبـي المدفــون

ترانــي ماأقْـــدر أعيــش بلا هواء*** ولا ماء ولا أقْـدر أعيش مجـنــون



:o:o:o