موت الجنين بالبطن ....عندك تجربه ..اقوليها للفائده...

أنا فحملي أول مات جنين ف38 أسبوع
كان سبب الحبل سري لتف حول العنق بس لما رحت دكتورة تانية حكيتلها سبب قلتلي مستحيل حبل سري يكون سبب الوفات لما تكوني بتولدي إما غير فلا
وكمان كان إهمال من دكتورتي والمستشفى رحت قولتلهم إني ما بحس بحركت بيبي و ما عملولي شي
بالنسبة للحصبة ألمانية ما بعرفها و ما أخذت أي تطعيم
فصيلت دمي موجبة
ما أخذت أسيد فوليك بس فيتامنات
وربي سبحانه رزقني بعده ببنت و لد
بس بداية التامن بتصير عندي مراقبة أسبوعية و بيولدوني قبل أسبوع 38
آسفة طولت عليكي

لا بالعكس انا ابغي معلومات عشان الكل يستفيد وياخذ الحذر .......

والله يخلي لك بنتك ويحفضها ان شالله .......

وانا بعد وايد اوسوس :(
الله يثبت حمل الجميع ان شالله....اللي عندها معلومات لاتبخل علينا....~

وانا بعد اوسوس وخاصه في هاليومين اخذ مضاد للاحتقان وانا في الشهر الثاني والله يارب يثبت حملنا ويتممه على خير ويرزقنا الذريه الصالحه السليمه المعافاه ياكريم واعرف وحده من اهلنا قالوا لها الجنين مات واهي في الشهر الثاني وماتحس بأي اعرض بالعكس تحس ليما الحين باعراض الحمل من لوعه وخمول واهي كانت بعد ماخذه حبوب مثبتات للحمل سبحان الله

انا مات الجنين في بطني وله ثلاثه شهور
وكنت رايحه عندي موعد وقالت مافيه نبض وبعد يومين ندخلك المستشفي نسوي لك تنظيف
مع ان فصيله دمي موجبه مثل زوجي وقالت الدكتوره يمكن الجينات لها دور في موت الاجنه
بس حمدت ربي وسالتني هل سقطتي من قبل قلت ايوه مسقطه جنين له شهرينومع العلم اني ماسويت تنظيف قالت يمكن من التسقيط الى قبل ماسويتي تنظيف
واكتشفت ان فيني كيس على المبيض الايسر يمكن الستقيط بسبب الكيس بس ماقالت لي سبب موت الجنين
ومعليش طولت عليكم
ومعلومه انا سمعت ان اذا كانت الام فصيلت دمها سالبه والاب موجبه يمكن الطفل يموت بس لازم ان الام تاخد تطعيمه وتعادل الاجسام المضاده الي داخله للجنين عشان يعيش الجنين

*الاسباب .......وش قالك الدكتور ؟

بدون أسباب ضعف في نبضات القلب ... توقف للقلب .... ثم توقف للنمو


*فصيلة الدمك انت وزوجك؟

O+


*مطعمه ضد الحصبه الالمانيه؟؟

نعم

*اول حمل لك؟؟

كان الحمل الثالث

*اي شهر مات ؟؟

تقريبا بالاسبوع الثامن او التاسع وما نزل الا بالاسبوع 12

*صار حمل بعد كذا؟؟

الحمد لله بعد سنه من الصبر والعلاج


*حمض الفوليك استمريتي معه؟؟

ما كنت منتظمه عليه

وممكن اني ازيد سؤال


* هل احتجتي لعمل تنظيف أو نزل الحمل لوحده او احتجتي لعمل طلق صناعي ؟؟

انا ما احتجت للتنظيف .. والدكتورة نصحتني اني اصبر لين ينزل بروحه


والله لا يعرضكم لفقد ضناكم

ترا الاحساس هذا واااااااااااايد مؤلم وصعب

الله يثبت جنين يارب و يبعد عني هالخوف !

بسم الله الرحمن الرحيم

خوفتوونا :(

الله يثبت جنيني ويسهل عليه وعلى الجميع الحمال

دعواتكم

والله شي يخوف ويعور القلب

الله يعوضكم خير

ويثبت حمل الحوامل ويرزقهم ان شاء الله

بعد تأخر الدوره علي خمس شهور حللت وطلعت حامل(الحمل الاول) بس كنت متخوفة من الحمل لإنه حمل من غير دورة وسبحان الله بالإسبوع السابع مات الجنين في بطني الدكتورة تقول مافية سبب بس اتوقع انه السبب انه حملت من غير دورة ومااحتجت عملية الدكتورة عطتني حبوب مهبلية ونزل وصارلي الحين ست شهور وماصار حمل وربي يعوضني ويعوض الجميع

*الاسباب .......وش قالك الدكتور ؟
مافي أي سبب وحتى العينة اللي أخذوها من المشمية سليمة

*فصيلة الدمك انت وزوجك؟
أنا A+ وزوجي مادري والله بس أعتقد سالب

*مطعمه ضد الحصبه الالمانيه؟؟
نعم

*اول حمل لك؟؟
لا الحمل الثاني.. حملي الأول كان طبيعي

*اي شهر مات ؟؟
توقف النبض عند ست أسابيع وأكتشفت هالشي بالأسبوع التاسع ونزل الحمل بالأسبوع 11..بعملية تنظيف
ماكنت أحس بأي أعراض غير نزول إفراز بني غامق لمدة يومين وتوقف ولأني كنت آكل دوفستون مانزل بسرعة

*صار حمل بعد كذا؟؟
الحمدلله

*حمض الفوليك استمريتي معه؟؟
أعطتني إياه الدكتورة بعد أسبوع من التنظيف ولمدة 3 شهور... والدكتورة الثانية عطتني إسبرين بس ماصار حمل


الله لا يريكم مكروه ويحفظ لكم أجنتكم لأن فعلا عذاب والنفسية تكون محبطة والحمدلله على كل حال...

جارتنا حملت بتوأم ، مات أحد الأجنة في وسط فترة الحمل ، ظلت حاملة الجنينين الحي والميت طوال الحمل إلى أن ولدت

الله يعوضكم خير

ويثبت حمل الحوامل ويرزقهم ان شاء الله

يااااااااااااااااااااارب ثـــــــــــــبت كل جنــــــــــــين وكل أم تفـرح في ولدها سـالم معافه ماافي لا العافيه

يااااااااااااااااااارحم الراحمــــــــــــين اللهم أميــــــــــــــن

و الله هذا خوفنا كلنا

اللهم ثبت حملنا و فرح قلب كل ام برؤية وليدها سليما معافاً

آآآآآمين

انا بعد فيني هلوسواس ..

وكله خايفه ..انطر الموعد واحسب الايام عشان اتطمن على الياهل

انا سقطت مرتين وطلع عندي بعد التحليل اجسام مضاده وفصيلت دمي oموجب
وقال لي الكتور لازم اخذ اثناء الحمل بيبي اسبرين وابر مسيله للدم وكورتوزون
لان عندي جهاز المناعه يعتبر الجنين جسم غريب فيرسل اجسام مضاده تجلط الدم في المشيمه والحبل السري
بس انتي تقولين ان فصيلة دمك سالبه واعتقد هذي اسهل من الاجسام المضاده لانك بس تحتاجين تاخذين ابره هل اخذتيها بعد التسقيط عشان مايتكرر التسقيط

اااه هالموضوع مررره يخوف ومااحب افكر فيه لاني اول ماافكر فيه اكتئب وانا مو ناقصه :(
الله يثبت حملنا ونشوفهم ونفرح فيهم ياااااارب