الشاعرات..الاديبات.. اللي تعرف خخخ ممكن ؟؟

بنات انا الحين بادية بتجهيزاتي لولادتي الثانية هالمرة حابة اسوي التوزيع قران .. اكيد كلكم جايفين القران المخمل اللي يجي في علبة يكتبون من برا وداخل عادة يوزعونه بالاعراس يسسونه محل البطايق مال لاعراس..
انا سويت في خوبتي هذا القران توزيع وكان لونه لون فستاني وحجمه صغير من دبي سويت الاوردر من برا كتبت افراح ..... و...... (اسم العائلتين انا وزوجي) ومن داخل كتبت اية قرانية (بسم الله الرحمن الرحيم.. ومن اياته ان خلق لكم من انفسكم ازواجا....الى اخر الاية...صدق الله العظيم)
و الحين ناوية اسوي من نفس المحل اوردر بس للولادة وحجم اكبر ولون غير


الزبدة لان الطبخة احترقت حححح ابغي فقرة عبارة شعر شي حلو ينكتب داخل القران خاصة انه حجمة كبير
ومن برا الغلاف بكتب اية قرانية مثلا (ربي لاتذرني فردا وانت خير الوارثين .. او المال والبنون زينة الحياة الدنيا...) صدق الله الهظيم

بنات مابغي احد يعطيني من مسجات الولادة اللي تندز اذا تتطرش لا ابغي شي احلى واعمق في المعني وشوي اكبر من حجم مسج

انا خدت مسج وغيرت فيه عطوني رايكم وانا مو مقتنعة فيه واااايد

"" الحمد على عطية رب العالمين"
وهبني (اسم بنتي الاولى) اول درة من اثنين
والثانية (اسم المولود الثاني) نور العين
يارب تحرسهم من العين
وتنور دربهم يارب العالمين


مع العلم ان عندي بنت وبينذكر اسمها خخخ وحبذا لو اذكرها بعد لان مال يغنى عنها في كل شي...

طبعا زوجي عجباه زاييد بس انا لااااا ياريت اللي عندها او ممكن تألف او سامعة او قارية شي من هالقبيل تفيدني لان بعد يومنين او 3 راح اطرش الفاكس للمحل