مواقف الحياة

جللو بينز 25-10-2008 5 رد 960 مشاهدة
ج
[FRAME="12 70"]
أهلا

حأدخل في الموضوع بسرعة

هل مرة رأيت موقف لم يعجبك ؟ كيف تصرفت؟

يلا أبغى تشجيع
[/FRAME]
f
ينـقل إلى ركن سوالف بنات عروس
م
والله ياأختي اممممم المواقف كثيره



راح اذكر اكثر المواقف اللي انرسخت فبالي من صدمتي من اللي شفته




اول موقف كان ايام الثانويه كنا قاعدين وفجأه يات وحده من زميلاتنا بالصف وقعدت بالوسط بينا وقالت خشووني بكلم بالموبايل شوي!! نصحناها عشان لايشوفونها المدرسات بس ماكو رفضت قالت ضروري بكلم قلنا اوكي


والأخت اتصلت على ذئب من الذئاب البشريه تحت مسمى ((صديق !!)) وفجأه من غير حتى لاتقول الو قالت هاك هاك كلم رفيجتي وقطت موبايلها بحضني انا اهني انجنيييييييييييييييييت انصدمت بغيت اذبحهااا قطيت الموبايل بوجهها وقمت وبعدين يات تعتذر سامحتها ونصحتها <<<بس عمك اطرش كلامي دخل من اهني وطلع من اهني شفتها بالحمام (عزكم الله )تكلمه لاحول ولاقوة الا بالله :( الله يهديها الحمدلله افتكيت منها مادري ليش حاطتني براسها !! يارب تستر علي اميين يارب





وثاني موقف بعد ايام الثانويه <<< الله يهديهم البنات

كنت انتظر ابوي بالهده <<<يعني نهاية الدوام وسرحاااااااااااااااانه <<<افكر بالغدا خخخخخخخخخخخ



المهم يات وحده من البنات سلمت وقعدت تسولف معاي انا مستغربه مداها تطيح الميانه !!



قالت بروح شوي بره عندي شغل وابيج تيين معاي قلت وين قالت شوي ونيي قلت روحي بروحج قالت لا اخاف طبعاً انا رفضت وحاولت تقنعني بس مسكينه فشلت <<<والحمدلله اني عنيييده هذه فائده من فوائد العناد خخخخخخخخ

وبعد عشر او 5 دقايق شفت المدرسات ماسكينها واهي منزله راسها ووحده تقول لثانيه اتصلي اتصلي على ابوها او امها خلونا نتفاهم معاها هاذي شكلها ماتيوز عن سوالفها وطلعاتها مع الشباب !! واهي تقول هذا اخوي والمعلمه تحلف تقول كلمت الشاب بنفسي قلت اختك ؟ قال ماأعرفها ماأعرفها <<<نذل

يمامي الأخت طلعت تقابل !! الله يستر عليها وعلى بنات المسلمين الحمدلله ماطلعت ولا شنو موقفي جدام ابووي يارب سترك وعفوك وعافيتك



انتبهو يابناااااااااااااات من الشباب

وانتبهو بعد من البنات ترى بعضهم الله يهديهم تحب تخرب البنات الهاديات والمحترمات

يارب تستر علينا




وثالث موقف والأخير كنت رايحه لبيت رفيجتي وقاعدين نسولف ونضحك وشوي ولا تدخل علينا هنديه قلت منو هاذي قالت الحفافه ؟؟ تحف الحواجب قالت مها شرايج تحفين ؟؟ قلت بيني وبين نفسي خليني اتحجى عن الحف والنمص وانه حرام وجذي من هالسوالف قلت لا حرام ومادري شنو واللي تحف مطروده من رحمة الله واصلاً نمص الحاجب مضر على الدمااغ واهي مندمجه قلت بيني وبين نفسي اوووووه يامها والله انتي خطيره البنت بتهتدي ان شاءالله !! وراحت للمطبخ وانا مستاااااااااااااانسه من زمان وانا ودي اقنعها بس ماكو وشوي ولا تيي حضرتها وحاطه على حواجبها كريم <<<!! قلت شنو هذا ؟ قالت كريم يخفف الألم صدمتني وكلامي وين راح معقوله ماأثر فيها شهالقلب !!
يارب نعوذ بك من قسوة القلب


صج صج كسرت خاطري قلت بيني وبين نفسي الله يغفرلج واللهم هل بلغت اللهم فشهد

اللهم انا نسألك العفو والعافيه والستر

اسفه على الأطااااله
ج
الله يهديهم بس

هذه المشكلة منتشرة في كل مكان في العالم :tears:بس انشاء الله يهدي جميع المسلمين و المسلمات في العالم

و شكرا على مشاركتك الطيبة

و أتمنى من الأخوات العزيزات في عروس مشاركتنا مواقف حياتهم

و شكرا:Za_thanx::Zd_bye_3:
ج
يلاااااااااااااااااااااااااااااااااااااااااااااا ردوا :angry:تعبت من الانتظار:21_164:
ج
شكله ماعجبكم الموضوع:16::confused::sad::BYE2::cry:
X