جامعة دلمون (بنات البحرين)؟؟

من رأي الشخصي يا اختي العزيزة دانه

ان شهادات الجامعات الخاصة كلها ما تعادل شهادة جامعة البحرين الحكومية
ولكن بسبب وضعية جامعة البحرين الي الكثير من شباب وشابات البحرين ما يتأقلمون معاهم
يضطرون للدخول لجامعات خاصة ويدفعون اضعاف المبالغ

عموما جامعة دلمون جامعة جيدة
ولا باس فيها
اطلعت مرة على برنامجها

بس للامانة يظل عيبها انهاتدرس المناهج بالعربي
مما يسهل على الطالب تلقى العلم
ويصعب عليه البحث عن العمل


والله يوفقش يا قلبي الدانه في خيارك

جامعة دلمون ما تسوى
أصلا جميع الجامعات الحالية استثمارية أي مجرد ندفع مبالغ للحصول على شهاده وفي النهاية لا نحصل على وظيفة جيدة..
أما بخصوص جامعه البحرين فأنا أرى ان فيها ظلم كبير فيقومون الطلبة أما بالطرد أو باللجوء للجامعات أخرى
انا الحين ادرس دراسة عالية في المحاسبة والله يوفق الجميع

ما أنصحج بالجامعات التجارية

خلج في المضمون

لاتنسين انج راح تدفعين مبالغ موسهلة

انا متخرجه من BIBF و الحمدالله البيزات اللي دفعتهم احين انا اطلع ضعفهم .. تبين جامعه خاصه مضمونه
و معترف فيها دوليا و ما عليها كلام BIBF صدقيني ..

اما عن جامعه دلموون اما ما عرف غير انه المناهج بس بالعربي ..

اختي كلمينا عن جامعه BIIBF وعن موقعها واسعارها وانا حاليا ادرس بجامعه دلمون باقي لي سنه وتخرج ومفكره ادرس الماجستير وابي جامعه بالانجليزي تتوقعون يصير؟

معذبة في الحياة;7977778:
اختي كلمينا عن جامعه BIIBF وعن موقعها واسعارها وانا حاليا ادرس بجامعه دلمون باقي لي سنه وتخرج ومفكره ادرس الماجستير وابي جامعه بالانجليزي تتوقعون يصير؟

عشان ما اظلمكم و انسى شى بخليلكم الموقع الرسمي ماله و دشوا عليه و شوفوا ..

http://bibf.com/website/index.htm

بس الاسعار غاليه وااايد .. و هيه فجفير وره جامعه العلوم التطبيقيه بالضبط ..

اي استفسار ثاني انا حاضره ^_^

اختتتي جاامعة دلمون ابببدا مي تجااارية بالعكس اصلن اهي مي جامعة خاصة اهي فررع لجاامعة مصصر العربية او اليرموك في الاردن ولفلوس تروح مصر او الاردن وتراها مي تجارية دراسستها مي سهللة الي يدرس يجيب ولا ما يدرس يرسسب ..وشهادتها معترررررررررررف فيها جدا انا اهلي اتخرجو منها او اكاهم اشتغلللو بس عيبها دراستها بالعربس بس انا احس الامر عادي انتي ادا عندج لغة مافي مشكلة او تبين اي شي ساليني عنها انا ادرس فييها

انا سمعت انه خريجي جامعة دلمون صعب يحصلون على وظائف خصوصا انه الشركات تدور الخريجيين اللي دراستهم قويه وبجامعات قوية بمناهج اجنبية متطوره..
بس اهي مصدقه من قبل وزارة التربية والتعلييم واهي تقريبا ارخص جامعه خاصه في البحريين
والله يوفقج اختي

اني ادرس في دلمون باقي لي سنتين واتخرج


واجد ويانا اللي تخرجو حصلو اشغال عدله


وبعضهم في وزارات



مثل ماتفضلت اختي اللي قالت



اللي يدرس ينجح واللي مايدرس يرسب



الاشغال قسمه ونصيب



انتي روحي الجامعة وشوفي خطتهم الدراسية واذا عجبتش سجلي

واني ادرس فيها ادارة اعمال تبع الاكاديمية العربية في مصر



واي استفسار اني حاضرة

الله يوفقك