ا
العاشق الولهان
عروس جديدة
25-10-2008 | 02:26 PM
السلام عليكم حبايبي..
شحالكم عساكم بخير..
انا عندي سؤال وياليت ما تبخلون عليه بالرد..
انا المفروض الدوره اتيني تاريخ 1/11 و اريد اسوي تحليل دم عشان اشوف اذا انا حامل.. و ماعرف متى اقدر اسويه..الصراحه ما عندي صبر اتريا لين موعد الدوره و بعدين اسوي..
فهل اقدر اسويه قبل موعد الدوره باسبوع..؟؟
وسؤال ثاني: انا في اليوم 17 من دورتيه نزل عليه دم خفيف و شويه يعني شي بسيط لونه بني على احمر و استغربت منه واااايد اول مره جي ايصيرلي.. و ماعرفت شو تفسير هالدم..؟؟ الي عنده اي فكره عنه او حد صاره مثلي بليييز ايقوولي ...
وجزاكن الله ألف خييييييييييير انشالله ..
ا
العاشق الولهان
عروس جديدة
25-10-2008 | 02:43 PM
وينكم بنااات ؟؟؟ ليش محد ايرد عليه!!!
ب
بنت امي و ابوي
عروس رائعة
25-10-2008 | 02:44 PM
الدم اللي نزل لج احتمال يوم تبويض فديتج...
و الافضل تترييين لين يطووون موعد الدورة عشان التحليل ..
و الله يرزقج يا رب...
.
..★شـــااانيل★..
مشرفة سابقة
25-10-2008 | 02:46 PM
انتظري لين ما طوفين ع الدوره 3 ايام افضل
الله يرزقج
ا
العاشق الولهان
عروس جديدة
25-10-2008 | 02:51 PM
مشكوورااات حبايبي على الرد.. بس حد قالي انه الدم ممكن ايكون انغراس البويضه في الرحم ..هل هذا صحيح؟
و اقدر احلل دم قبل اسبوع من موعد الدوره؟؟
السلام عليكم
اختي انا مثلك مااحب انتظر ولما حسيت اني حامل سويت التحليل المنزلي قبل العاده الشهريه يمكن باربع او خمس ايام
وطلعلي خط واضح وخط خفيف (يعني حمل)
اما الدم فالله اعلم انا اول سنه لي في الزواج واول حمل ماعندي خبرة واسعه
الدم الله اعلم
بس تقدرين تحللين دم واهو ااكد لك من تحليل البيت
ا
العاشق الولهان
عروس جديدة
25-10-2008 | 03:02 PM
مشكووره حبيبتي على ردج.. وانا بعد ماعندي اي خبره لأني لين الحين ماحملت و انا كملت سنه ونص ولا حملت.. بس معقوله ينفع تحليل البيت.. لأنه لازم ايكون بعد موعد الدوره
انا قلتلك مسويته قبل موعد الدورة لاني كنت حاسه بس مو متاكده كنت احس بدوخه وخمول في جسمي
وكنت اتوحم وانا ماادري وش الوحام وكارهه البيت هذا اللي خلاني اسوي اختبار البيت
ا
العاشق الولهان
عروس جديدة
25-10-2008 | 03:19 PM
بس تو الناس على الوحام!!.. انا ما حس بأي شي.. بس افكر باجر اسوي تحليل دم..بس انشالله الدكتوره اتوافق اسوي..
الله يعطيك كل ماتمنيتيه
والوحام عند البعض الثلاثه الشهور الاولى والبعض من الرابع الناس تختلف والله يكون في العون
انتظري ليما يطوف موعد الدوره أحسن وأضمن
وبالنسبه للدم فهذا دليل على فترة تبيوض , اني صادني جذي من قبل ولما راجعت الدكتوره قالت ليهذا دليل وجود تبويض في هالفتره
الله ييسر لج أمورج ويكتب لج الحمل وتبشرينــــا
سبحان الله كانك تتكلمين عني ودورتي المفروض اتيني نفس يوم دورتج ودم خفيف لا يكاد يرى اذا ما انتبهتيله صارلي فاليوم ال15 من عقب الدورة ..
وتحليل الدم سويته اول يوم من الاسبوع الي طاف لانه كان فيه اعراض الحمل مثل القرحه و الم الظهر و لوعه خفيفه وغازات ( انا اتيني القرحة بس ايام الحمل .. يعني اول مرة يتني في حملي الاول واكتشفت اني حامل في حمودي الله يخليه) قالتلي الدكتورة كل شي اوكي عندج ومو مبين اذا في حمل انا بعطيج ادوية القرحه بس لا تاخذينه الا يوم تتاكدين انج مو حامل لانها وايد تاثر ...... واليوم سويت تحليل المنزلي وطلع مافي شي .. افكر ابتدي اخذ الادوية مع ان الاعراض خفت شوي بس ما زالت موجوده ووايد تضايقني وتخليني عصبية
ممكن تعملي تحليل دم عشان تتأكدي ..
والافضل تنتظري لموعد الدوره عشان يكون واضح وهرمون الحمل مرتفع( اذا في حمل بأذن الله )..
انا اقول انتظري بعد الدورة اسبوع
وبهالفتره اكثري الاستغفار بنية الذريه
وانشالله ربي يرزقك بالذريه الصالحة
&
ღღ دريـــم ويــب ღღ
عروس ركن النساء والحمل والولادة
25-10-2008 | 06:56 PM
الله يعطيج ما تتمنين يارب وتطلعين حامل
ا
العاشق الولهان
عروس جديدة
26-10-2008 | 06:48 PM
جزاكن الله الف خيييير.. و مشكوورااات على الردووود و المعلومات الطيبه... انا سويت تحليل دم أمس و طلع سلبي.. يعني ما في شي.. :( الله كريييم انشاالله و الله ما ينسا عباده..
السلام عليكم يا اختي اولا بالنسبه للدم ممكن يكون علامه تبويض او علامه لحدوث الحمل باذن الله
وبالنسبه للتحليل انصحك تنتظرين حتي يعدي يوم الدورة ولو بيوم علي الاقل وتسوين تحليل دم لانه بيكون ادق واحسن من التحليل المنزلي
وان شاء الله تكونين حامل وتبشرينا خير ونسمع منك اخبار حلوة عن قريب
وربي يرزقك ويرزقني وكل محرومه بالذريه الصالحه يا رب