ما ودي بس للاسف غصبا عني
جورجي قطر
25-10-2008
17 رد
1,155 مشاهدة
السـلام عليكم
شخباركم حبيبااتي
حبيت في البدايه اقوول ان هالشي مش طبع فيني بس والله غـصب عنـي
من فتره شهر تزوجت وحده من قرايبي
الحين مشكلتي مب البنت مشكلتي مع امها :confused:
امها الله يهداها عقدت لي حياتي اول ماتزوجت ليش ماحملتي روحو فحصو اكيد فيكم شي
بنات صارت تسالني في قعدااتنا قدام الكل جاتج الدوره ؟
ومره راحت العمره ومن زود مفوشرها قدام اللي جاو يتحمدون لها بالسلامه
تقول انا دعيت حق فلانه عاد ان شاء الله تحمل زين من طلب منج وحتى لو سويتي من نفسج
ليش تفوشرين ؟
ربي كتب وحملت بعد سنه وشوي توقعو شقالت ؟
هذي بركات دعائي لكم وانا منصدمه تقول للكل انا دعيت لهم :ss:
ربي اكرمني وعندي ولد الحين تحن وترن عالثاني مع ان ولدي صغير توه 6 شهور
الحين نرجع لسالفه بنتها انا صرت ادعي ان ماتحمل بنتها لو سنه على الاقل تحس
باللي حسيته انا وحسته امي يوم كنت اصيح عندها واقول يمه انا فيني شي
ماخليت دكتور ولا دكتوره ولا مستشفى والسبه هي
تجرب شلون بنتها تنجرح من كلام الناس وهي ماتقدر تسوي شي ترى مب انا الوحيده اللي ماسلمت منهااا
وايد تحرج بناات وامهات بهالسؤال حملتي والا مرت ولدج حملت
طيب انتي شدخلج
بنات هالشي غصباا عني بلييز لايروح بالكم بعيد حاولت انسى الموضوع
بس لما اشوفها تكلم عن الحمل يرجع لي هالتفكير مره ثانيه
حبيبتي في ناس تحب كثر الغلبة أنا حصل معي نفس الشيء ويوم حملت بعد سنة قالولي لييييه لسة عروس استعجلتي
حبيبتي طنشيها وقولي حسبي الله ونعم الوكيل ولا تدعي على البنت ترى البنت مالها دخل الحمدلله صار عندك ولد وإذا جابت سيرة البنت والحمل قوليلها يا خالة اللي الله يريده حيصير
والله يوفقك
*
**ام عبادي القمر**
عروس ماسية
25-10-2008 | 07:37 AM
كلنا مرينا بهالشي
عجل شتقولن اني مرمروني اهلي من كثر الاسالة
اني حملت وطرحت مرتين
ولما حملت بالثالث
تخيلي وحدة من هلي شقالت
تقول بعد حملت !!!!!
بدل ماتقول الله يثبتة ويرزقك الذرية الصالحة تقول هالحجي
ولا رحت على كلامها وصرت معاها عادي
ولازم اطنشين
واني اقول لج لاادعين على البنت تراها مالها دخل حرااااام
وهي خليها على الله
الله بيحاسبها بس البنت لادعين عليها
موب زين ترى
:
::أمورهـ الصغيرونهـ ::
عروس مشرقة
25-10-2008 | 08:13 AM
حبيبتي لا تعطينها سالفه عيوز كبير ماتعرف شو تقول تخربط ماعليج منها انتي المهم يبتي عيال هذا هو المهم وهي مايخصها اذا بتيبين واحد بعد متا تشوفين الوقت مناسب جيبي الولد الثاني الحين ابنك 6شهور صغير يعني ليه تجيبين واحد ثاني بس تجيبي لنفسك التعب ع الاقل الولد يكبر شوي عشان يخف عليكي الحمل والله يوفقج واسمعي حبيبي تراني اقلج المهم ريلج راضي عليج ماعليج من اي احد اهي خليها تحن وترن ع قولتج انتي لا تعبرينها ولاهي بهالعالم
ومبروووووووووووووووووووووووووووووك ع البيبي الحيلو الله يحفضه لج انتي وزوجج وتشوفونه شي فالمستقبل
حبيبتي فية حريم كبار ترى مو قصدهم الاساءة ولا شيء، اغلبهم لما وحد تتزوج عاد يبدون بالحنة، ما حملتي، اتوقع هذا عادي وتسوية بصفاء نية بحكم ماهما متعودين علية واهيا ما تدري مسكينة انها تجرح مشاعر الناس بهالطريقة، نصيحتي اذا تقدري سولفي وياها بحينة وفهميها انك ما تحبيها تذكر سالفة الحمل امام الناس
الله يوفقكم يارب ويصلح بالكم
مع التحية
حبيبتي ..الله بياخذك حقك اذا انظلمتي ..ليش تدعين على بنتها ترى مالها ذنب
هذ شطان يوسوسلك ان من حقك تدعي
لاتحاسبي البنت بذنب امها
والحمد لله ربي عوضك ورزقك
وفيه ناس تجرح في غيرها سواء بقصد او بدون قصد
انتي طنشي واحتسبي الاجر عند الله
اما انك تدعين على بنتها فهالشي غلط لان الملَك يقول لك ولكِ مثلها...
وانتي اللي بتنضري
اتركيها على ربك ..هو اللي بياخذ حقك منها اذا قدت تجريحك
لان هذا اسلوب بعض الحريم الكبار يجرحون ويرمون الكلام بدون قصد
يااختي استغفري الله البنت مالها ذنب .. وربك هو المجازي
ومثل ماقالوا البنات حرمة كبيرة .. وانتي ادعي ربك يكتب لك في هالولد صحته وعافيته ويكون لك سند ويرزقك له اخوان واخوات
ط
طُهْر النّدَى ,.
عروس رائعة
25-10-2008 | 04:20 PM
أختي أعذريني بس كلآمـ البنات صحـ ألبنت مالها دخل و سوي اللي قالوا عنه البنات
و استغفري ربج و شوفي حقج لو كنتي مظلمومه بياخذه لج ربج لآ تخافين
عني أنا ما تزوجت بس ان تزوجت ان شالله أكيد بطنـــــش << أحسن حلـ صدقيني
حبيبتي خليك اكبر من كذا ولاتشغلين بالك فيها ولاتدعين على بنتها والله حرام
لاتنسي انه عندك طفل صغير بلاش الدعوه تنرد عليكي ومايصير عندك غير هذا الطفل
وماتحملين غيرو
لاتزعلي منكلامي يا قلبي انا ابيك تكوني اكبر واحسن منها في التفكير
تقبلي مروري
واسفه ان كان كلامي زعلك
الله يعينك بصراحه شي يطفش ويقهر
لاتدعي على البنت تخيلي امك بدل امها ووحده دعت على امك وقالت ان شاء الله ماتحمل بنتها سنه
انتي لو عرفتي ايش حتقولي صح هيا امي بس انا مالي دخل
كل الي عليكي تقوليه حسبي الله ونعم الوكيييييل وبس
الله يعينك ويحمي ولدك ان شاء الله
عيون الفهد
لا تدعين عالبنت ما لها ذنب .. والله ما يضيع أجر صبرج .. ما في شيء يضيع عند الله
اختي لالالا
حرام .. البنت مالها خص
لاتخلين قلبج يصير جذي ويدعي على البنت اللي ماسوتلج شي .. ترا بعدين الله بيعاقبج بأي شي .. حاسبي حبيبتي ..
وهي الله يسامحها .. قولي الله يسامحها واحتسبي الاجر ..
شوفي حبيبتي يمكن هي تغار على ولدها بس تبيك تكوني دايم حامل وتعبانه عشان تكوني مشغوله عنه ويمكن قصدها عشان يمل وتسير مشغولين عن بعض بس نضمي وخليها تقول اللي تقول قولي انا ارضع ولدي سنتين وقولي لها خلي الناس بحالها هم احرار حملو ولا لا
طنشيها و مالج شغل فيها
و اذا تكلمت قولي بقلبج حسبي الله ونعم الوكيل
و صدقين يربي بياخذ بحقج
[GRADE="00008B FF6347 008000 4B0082"]
انا مريت بهذا الموقف بس كنت مطنشه لاني عادي عندي
وما حملت ال بعد سنه ونص والكلام في هي الفتره شغال
علي ويوصلني اول بااول من الحريم لانه حملي مو عى راسهن
عشان يتكلمو فيني مثل ما يقولون (طنش تعيش )
[/GRADE]
الله عليك لاتصيرين حساسه كذا هذولا الحريم الكبار يحسبون زمانهم زي زمانا اليوم الوحده تعيش مع زوجها سنه سنتين وكلها حب و رومنسيه وكانهم تو متزوجين اماهم يتفاخرون اذا حملت الوحه من ليلتها,بالنسبه لبنتها مالها ذنب ومن اسلوبك انتي حنونه وعاطفيه يعني غضي الطرف عنها وتناسيها ولك الاجر ان شاء الله
توكلي على الله
والرزق عند رب العالمين يالغالية