قصتي مع العلاج

السلام عليكم
خواتي حبيت اشاركم و كلي طمع انكم تدعون لي ان الله سبحانه و تعالى يحقق حلمي و اكون ام

انا جربت كل انواع العلاج عملت عملين حقن مجهري و اول مره افشلت و ثاني مره حار حمل و لكن بعد 6 اسابيع اجهضت و بعدها عملت 4 عمليان اطفال الانابيب في البحرين و مره في الاردن عند الدكتور زيد الكيلاني و لكن ماصر حمل بعد

و صار عندي نشاط زائد في البويضات و لاتنزل الدوره إلا بالحبوب لكثره البويضات الموجوده في المبيض و كانت مو منتظمه و قدر الله اني اقرأ في الجريده عن و صول دكتوره في مستشفي ابن النفيس في البحرين و رحت علشان اتنظم لي الدوره و كانت اتنقط و عملت لي الالترا سون و قالت لي ان كان في حمل بس نمو الجنين متوقف و عملت لي عمليه تنظيف و بدات معها علاج لاطفال الانابيب و كانت وايد ممتازه
و حللت و طلعت حامل و كانت الارض مو سايعتني من الفرحه و كنت اروح لها كل اسبوع و كنت اسمع صوت دقات قلب الجنين و اصيح من الفرحه و لما دخلت الشهر الرابع دخل زوجي معي و شاف الجنين اتحرك و شفت الفرحه في عينه و كانت احلى ايام حياتي و كنت احلم في اليوم اللي بقول لي ماما و اليوم اللي بحضنه فيه واليوم اللي يروح فيها المدرسه .........


ولكن بعد دخولي الشهر السادس فجاه صار لي نزيف و رحت المستشفي و قالوا لي انها ولاده مبكره ونزل الماي اللي حول الجنين و مات حلمي و كل شي انهدم
و اليوم الثاني قالوا لي اني لازم اسميه و لازم يدفنونه ......................


الحمدلله على كل شي و الله ياجرني في مصيبتي و ان شاء الله يخلفني خيرا منها