ياامهات شلون افتك من صراخ ولدي

ملكة الأحاسيس 24-10-2008 15 رد 11,649 مشاهدة
م
السلام كيفكم حبايبي شخباركم

ندخل في الموضوع اسم الله عليه ولدي 24 ساعه بس يصرخ والله صراخه مزعج ماشاء الله حاد يفقع الطبله وهو عمره سنه وشهرين
شسوي معاه انا من النوع الي اتنرفز مره من الصوت العالي وماتحمل واروح اكفخه بس بعدين انا اقعد اصيح بس والله موبيدي
شلون افتك من صراخه
ياربي بدى يصرخ اف
ادري هو صغير بس شلون اخليه يبطل هالطبع الخايس ابوه يقولي احقريه شوي وطنشيه خليه يصرخ وبعدين روحي له والله لو احقره ساعه بيتم يصارخ
وانا المشكله ساكنه عند اهله
بليز يامهات ساعدوني
م
الله يكون في عونك أختي أجلسي أقري عليه وسمي عليه

ويمكن يكون عنده مغص أو أمساك

وإذا حسيتي وضعه موطبيعي وديه لطبيب

تقبلي مروري
s
عن جد قهرتيني؟
تكفخين ولد عمره سنة وشهرين !!!!!!!!!!!!
المهم: فهم لج شو تبين او اعتدل بعد ما عطيتيه الكف؟
يا ربي من هالامهات
ولدي قد ولدج بس ولدج اكبر بشوي
يصارخ عادي لما يكون جوعان او مبلل او يبي ينام شو يعني!!
اكفخه 24 ساعة طبعا لا


حطي له مجموعة العاب وخليه يحوس فيهم لين يشبع والطفل بها الفترة معرض للسقوط وايد
والله ولدي توه طايح على راسه وبيموت صياح فديته عطيته خليبه ونام

الطفل بها الفترة يبي حناااااااااااااان وما تتخيلينه
خليج جنبه على طول
وفري له سبل الراحة
حطي له العاب بسريره
يعني سوي كل شئ يخطر على بالج علشانه
والله يهديج ويهديه يا رب
م
لا لا
مافهمتو علي
هو على طول يصرخ مو يبكي بس يحب يصرخ بصوت عالي بعدين انا ماقلت اني عطيته كف وش دعوه يمكن مرتين او 3 طقيته بظهره
انا بغيت مساعدتكم
فهموني حبايبي هو يصرخ لعبه صراخ مو انه جوعان او يبيله تغيير حفاظ
ا
اختي


احذري الضرب لأنه يزيد المشكلة ، خليه يصرخ على راحته حتى لو أكثر من ساعه راح يتعب ويسكت وبعد مايسكت اشغليه بالألعاب مثل التركيب والتلوين وقعدي لعبي معاه ، الاطفال من هالنوع ابدا لاتعصبين عليه لأنه العصبية والضرب تزيد من المشكلة ماتحلها ، وقت الي يصرخ لاتعيرينه انتباهك لانه هو يقوم بهالشئ ليلفت الإنتباه ، خليه وبيسكت بروحه وبعد فترة بيعرف انه الصراخ ما منه فائدة ، بس إياك ولاضرب ، واذا ببيصيح شيليه خليه في ركن واحد وكل مايصيح وديه الى هذا الركن ، وبعد فترة بيعرف انه هالركن للتأديب يعني لو يقوم عشرين مرة رجعي مكانه بدون ضرب ولا حتى اتكلمينه، انا ولدي مزاجه صعب ويصرخ ويبكي واتبعت معاه طرق كثيرة والحمد الله خف .


ولا للضرب لانه مايفهم شنو معنى الضرب في هالعمر ولايفهم شنو معنى التأديب والصراخ .
ا
نفس مشكلتج كلة يصرخ على الناس و مفشلني قاعدة احقرة بس مافي فايدة الله يهديه و يهدي ولدج..بس تصدقين يمكن لأن احنه ساعات انصرخ عليه لازم مهما يسوي مانصرخ
م
تسلمون حبايبي
م
العيناوية;7534440:
اختي



احذري الضرب لأنه يزيد المشكلة ، خليه يصرخ على راحته حتى لو أكثر من ساعه راح يتعب ويسكت وبعد مايسكت اشغليه بالألعاب مثل التركيب والتلوين وقعدي لعبي معاه ، الاطفال من هالنوع ابدا لاتعصبين عليه لأنه العصبية والضرب تزيد من المشكلة ماتحلها ، وقت الي يصرخ لاتعيرينه انتباهك لانه هو يقوم بهالشئ ليلفت الإنتباه ، خليه وبيسكت بروحه وبعد فترة بيعرف انه الصراخ ما منه فائدة ، بس إياك ولاضرب ، واذا ببيصيح شيليه خليه في ركن واحد وكل مايصيح وديه الى هذا الركن ، وبعد فترة بيعرف انه هالركن للتأديب يعني لو يقوم عشرين مرة رجعي مكانه بدون ضرب ولا حتى اتكلمينه، انا ولدي مزاجه صعب ويصرخ ويبكي واتبعت معاه طرق كثيرة والحمد الله خف .



ولا للضرب لانه مايفهم شنو معنى الضرب في هالعمر ولايفهم شنو معنى التأديب والصراخ .




طيب حبيبتي ممكن اعرف كم عمر ولدج
لأني احس سنه مايفهم لو حطيته بزاويه لو صرخ
ومشكوره ياقلبي
م
reddish;7541086:
نفس مشكلتج كلة يصرخ على الناس و مفشلني قاعدة احقرة بس مافي فايدة الله يهديه و يهدي ولدج..بس تصدقين يمكن لأن احنه ساعات انصرخ عليه لازم مهما يسوي مانصرخ



والله يمكن صاجه
الله يهديهم يارب
د
الله يهديه حاااااااااسه فيج انتي تتنرفزين من الصوت العالي
وانا ولدي عمره اربع شهور وصياااااااااح وعصبي اذا جوعان
او البامبرز او عرقان بعد الله يحفظه،، واتنرفز من الصياح المتواصل
بس تعرفين احاول اسكته واستغفر واستغفر عشان بليس لا يوزني
اضربه،، واذا طفح الكيل اخليه على الارض شوي وانا حنبه اريح
اعصابي بعدين ارد العبه واحاول اهديه ليييييييين يهدا..

طولي بالك اختي والله يكون بالعوون
ا
ملكة الأحاسيس;7544822:
طيب حبيبتي ممكن اعرف كم عمر ولدج
لأني احس سنه مايفهم لو حطيته بزاويه لو صرخ
ومشكوره ياقلبي



عمره سنتين وأنا بديت استخدم معها هالطريقة من عمر السنة ، لاتقولين مايفهم بالعكس هو يفهم . وأبدا لاتصارخين عليه أبدا أبداً ، لأنه راح يزيد أكثر في صراخه .
د
بعد عندي اضافه

هو البيبي يفهم من شهر والله انا ولدي اذا تكلمت بصوت عالي
يبوز ويصيييييح عباله اشتمه ويزعل بعد من هو بو شهرين ماشالله عليه
فما بالج سنه وشوي الله يحفظه لا تعقدين الياهل .. لان الطفوله لها تاثير
وصدقيني يفهم لا تزعلينه وتخلينه ينام زعلان خليه يصارخ الولد فيه طاقه
وبعد دايما خلي فيج روح المرح يعني قولي فديته يبا يقلد طرزان هههههه
ووووو.............. عاد انتي وشطارتج
ا
شوفيه ممكن اذنه تألمه اوبطنه لاسمح الله اوفي شي مضايقه واحيانا يكون ملل ويظل يبكي وبعض الاطفال طبع مثل ولدي الله يحفظه عمره خمس سنوات وبيكمل الست بعد كم شهر وهالطبع فيه متحجج وزنان لكن ما اقول الا الله يعينا عليهم ويصبرنا
d
الله يكرمك يا اختى ولكن معظم الطفال بنفس الشىء وعليكى الصبر
{
لا حول ولا قوة الا بالله
م
تسلمون خواتي الله يسعدكم بجد استفدت منكم
X