بعد ماشافوني اهله

رنيـم 24-10-2008 98 رد 5,863 مشاهدة
ر
مرحباااااااااا:o

حبيباتي اشكركم على نصايحكم قبل مايشوفوني اهل خطيبي بس حبيت اقولكم وش صار معاي:cool:

اول شئ انا شفت امه وحسيت انهم من النوع اللي طبقتهم مررره عادية وامه مره سمراء<وولدها مثله يعني اللون الحنطي<اغمق منه وانا مرره بيضاء وامه مرره عادية صح راعية سوالف وهي اللي مستحية اكثر مني هع :tongue:بس ولو حسيت انها راعية سوالف
بس انا ماادري وش رايهم فيني للحين مااتصلت امه ولاقالت شئ
بس انا اكتشفت بعض الامور وهي الي محيرتني:confused:<انا شفت الولد بس هو ماشافني الولد له عوارض<وانا مااحبها اخاف مايستغني عنها انا احب السكسوكة<والله فاضية :tongue:هههه
لابجد الحمدلله الولد صح عادي بس شكله مقبول وانا من النوع اللي يأيد ان البنت تاخذ واحد اقل منها بالجمال وهذا اقل مني زين:o بس راتبه 4 ونص يعني 4000 ريال وش تسوي بهالزمن :(غير كذا هو متوظف بشهادة الثانوي ويقولون ان الي مامعه شهادة جامعية تفكيره واسلوبه غير ومايمدحونهم وانا خفت من الهموضوع صح الله من واحد معاه شهادة دكتوراة وتعامله زفت بس ولو الشهادة للرجال تعز وترز وبعدين اخواني وزوج اختي شهاداتهم ووظايفهم ووووووااااااااو ماابي زوجي يكون اقل منهم :(واخوي يقول انا احلل هالولد الى انه شخص عادي جدااا من كل شئ لامن وظيفة ولاسيارة ولاحياة ومافيه مميزات ..والولد كان مستحي ماتبين منه شئ ولااسلوبه حتى وان شاء الله بنسأل عنه بس تعرفون الصفات صعبة تعرفينها زين والام اكيد بتمدح في ولدها لحد ماتخليه ملك يكفي انها تقول انه لاجاء يطلع لازم يبوس راسي ويدي ورجولي وانه جاء له دكتور وقال تعال ازوجك بنتي بدون مهر <بس هو مايبي الاقارب وواحد ثاني قال تعال ازوجك بثوبك اللي عليك ابد انا شاريك<شفتو مدحها لولدها كيف :Dههههههه
انا اخاف اوافق عليه وانا فكرت قلت لو اخذته ابشجعه يكمل الجامعة على الاقل يقدر يتوظف براتب حلو وابخليه يحلق عوارضه ودقنه هاللي ماادري وش يبي هههه
انا اخاف اوافق واقدم تنازلات وبالنهاية مايقدر هالشئ يكون من النوع العنيد او من هالصفات اللي مااحبها ويصير شين وقوة عين:)
حتى هو قال ان شوفة امه لي تكفي مو لازم هو يشوفني حسيت انه من النوع القنوع بس ولو انا مررره محتاااااارة من ناحية الوظيفة والراتب
المشكلة ان من زمان وحدة خاطبتني لولدها ووظيفته طيار حربي:o وراتبه 9 الاف بس هو مو بالسعودية لارجع ان شاء الله بيتقدمون ثانية لاننا قلنا مانرفضكم ولكن صعبة نعلق البنت مانزوجها لاجاء نصيبها وهو يمكن يجي بالشهر الجاي ومحتاااارة اخاف ارفضه وانتظر هالطيار وبعد مايتقدم واخسر الاثنين او ارفضه واللي جابه يجيب غيره؟
ياكثر كلامي والله :tongue:<<بس ابيكم تحطون نفسكم مكاني ولو انه متقدم لكم هالشخص بتوافقون ؟!!!خصوصا بنات السعودية لانهم مايحتاج يعرفون كلام الناس عندنا وو الخ
:15:
.
إذا كانت صفاته عادية جدا فاعتقد انه من السهل تغيره خصوصا إذا ما كان عنده ربع وأصدقاء من النوع الي متعلق فيهم ويتأثر بهم .. إذا اهتميتي فيه بتعرفين شلون تخلينه يغير من روحه

ولكن أحيانا الشخص العادي يكون ممل جدا .. وحياته روتينيه أمس مثل اليوم واليوم مثل باجر ... ولا يفكر انه يطور من روحه في أي من جوانب الحياة

عاد انتي وشطارتج .. لازم تكتشفين هذا الشخص من أي نوع

والله يقدم الي فيه الخير
B
شوفي لو انا مكانج مابيهمني العارض ولا السكسوكه ولا اذا كان حنطي

بس هالكلام


والام اكيد بتمدح في ولدها لحد ماتخليه ملك يكفي انها تقول انه لاجاء يطلع لازم يبوس راسي ويدي ورجولي وانه جاء له دكتور وقال تعال ازوجك بنتي بدون مهر <بس هو مايبي الاقارب وواحد ثاني قال تعال ازوجك بثوبك اللي عليك ابد انا شاريك<شفتو مدحها لولدها كيف ومشكله الراتب بعد مايسوي شي

كأنها تقووولي ترا في الف غيرج بيواافقوون
ر
بالنسبة إلى انه صفاته عادية .. فهذا


انا معاك صفاته عادية
ر

والام اكيد بتمدح في ولدها لحد ماتخليه ملك يكفي انها تقول انه لاجاء يطلع لازم يبوس راسي ويدي ورجولي وانه جاء له دكتور وقال تعال ازوجك بنتي بدون مهر <بس هو مايبي الاقارب وواحد ثاني قال تعال ازوجك بثوبك اللي عليك ابد انا شاريك<شفتو مدحها لولدها كيف ومشكله الراتب بعد مايسوي شي

[COLOR=#4169e1]كأنها تقووولي ترا في الف غيرج بيواافقوون

[/COLOR]


هي قامت تمدح في ولدها ردت عليها امي قالت لها ترى بعد خطبتكم لنا بيومين جاي لها واحد ورفضناه بنتناالحمدلله سوقها ماشي خخخخ فعلا كان متقدم لي واحد غيره بس مو نفس المواصفات اللي ابيها وغير كذا عرفنا انه مغازلجي
بس هذا ماادري من ناحية الشكل عادي بس من ناحية الاخلاق مدري كيف لسه ماعرفته زين وراتبه مدري كيف يعيش تحت ظل غلاء الاسعار هذه الايام
شووووووووووروووووو علي تكفون لو وحدة جاها واحد بهالمواصفات بترضى؟
م
والله انا دووم اضيع مثلج
امي دوم تقولي ادعي ان الله يعطيج القناعه
لاني مااقنع بشي
دوم احاول اقنع نفسي بلي عندي
انا خطيبي ثنوي
ونفس الشي يوم خطبني ضعت قلت اهلي كلهم جامعيين وهو ثنوي
بس هو راتبه زين ماشي الحال
واتمنى يطورونه بالشغل
وبحاول اني اخليه يكمل
ولين الحين اقول لامي يمكن مب هو نصيبي
تقولي لو مب نصيبج ماوافقتي عليه
خليهم يسئلوا عنه
ادري كلام الناس عن الخطبه غريب
يقولونلج ترتاحين اول ماتشوفينيه وماادري شنو
كل هاي ماجاني طلعت اصيح مااعرف ليش
بس دوم حاولي تقنعين نفسج وصلي استخاره مب شرط يكون ثنوي يعني خلاص
واذا تفكرين انج تخلينه يدرس ترى 30% انج بتقدرين بس الباقي مااعتقد مافيهم شدة دراسه انتي حاولي مااقولج لا
خطيب رفيجتي كان اعدادي خلته يكمل من ايام الملكه
اسئلوا عنه والله بيجيب اللي فيه خير
اذا بتم انشوف الناس بنتعب مااقولج ان معاشه مب مهم بالعكس وايد مهم وانا اعتبره اساسي بالموافقه والرفض
انتو سئلو عنه وصلي استخاره واذا وافقتي وانتي حاسه بعدم الاقتناع عادي الامور بتمشي
تراني حاولت ادور اشياء تخلي الموضوع مايمشي بس مشى
حاولت انفصل ماطلبت بس كنت ادور اسباب وماصار رضخت هذا نصيبي
والحمدلله على كل حال :)
ولو صار وماوافقتي وماجاج الطيار لاتقولين خلاص صرت عانس ترى محد يدري وين نصيبه
ع
والله ياحلوه لو راتبو الف ريال وطيب ومحترم ويخاف الله

احسن من الي راتبو 10000 الاف ولا داربي بيكي ويكون فيه صفااات مره مو حلوه اقلها شوف نفسو عليكي اعرف وحده زوجها وووووووووووووووحش بمعنى الكلمه وهيا حلووووووووووووووووه مره ماشاء الله ويقولها لما خطبناكي اخواتي ماكانو مقتنعين بيكي يبغو احلا منك انا لما سمعت كدا جاتني صدمه المفروض يحمد ربو ولااااااا شايف نفسو عليها انا لما شفت صورو قلت لها مين دا ابو زوجك قالت لاااا زوجي انوااااااااااااااااع الاحرااااااااااااااااااااج:o

وبالنسبه للسكسوكه الرجال كل يوم طالعين بشكل

ومااعتقد ياعراضك لو طلبتي يغيرها لانو اكثر الرجال ياخذو رأي البنات في حلاقتهم الجديده>>ذكرتيني بأخوي كل اسبوع يطلع لي بشكل وياخذ راي وانا احبطو واقولو السكسوكه العاديه احلا حتى زوجي ياخذ رأينا كلنا حتى ماما يسألها ايش رأيك بحلاقتي الجديده

وبالنسبه للشهاده انا واحد من اخواني اخذ الثانوي واتزوج ودحين رجع يكمل دراستو ماشاء الله عليه ولاتجلسي تقارني نفسك بالناس اختي زوجها ماستر وبنت خالتي زوجها دكتوراه طيب انا زوجي لسه يدرس اذا كنتي من النوع الي يقارن نفسهم بالناس ابشرك ماراح يملي عينك شييي وانتي الي حتتعبي ممكن تحطي شرط من شروطك انو يكمل جامعه وياكثر المتزوجين الي يشتغلو وداخلين الجامعه انتساب تلاقيه ايام الاختبارات جالس هوا وولدو يذاكرو >>>فكرتيني انا وزوجي نتحدى مين يجيب علامات اكثر وله الي يبغاه قولو ماشاء الله انا دايما اجيب علامات اعلى ههههههههه

انتي استخيري واذا مو مرتااحه لاتقبلي

وابدا ابدا لاتقولي اقبل بيه احسن من انو مايجيني

لا ماارتحتي ارفضيه والله يعوضك ان شاء الله وبالنسبه للطيار محد يضمن يجي ولا لأ

ناس يجو ويخطبو وكل شي وفجئه ينسحبو بدون مقدمات

الله يقدم لك الي فيه خيير

عيون الفهد
ب
انا اذا تبغين راي مايهم لا شكله وفلوسه اهم شي يسترك

وانتي اذا كنتي ذكيه بتغيره مليون بلميه الرجال مثل الطفل الصغير ...

وحطي في بالك مستحيل تغيرينه باول الايام

والله يوفقش
ز
هلا اختي نصيحتي لك صلي صلاة الاستخاره والله بيسر امورك

الله يوفقك
ع
بصراحة أنا اذا ما ارتحت للشخص ما أقبل فيه

وهذا رأيي الشخصي فقط

بالنسبة لك ما بعرف أنتو كيف بس اذا مستواه الاجتمااااعي أقل بكثير منكم ومستوى التعليم كماااان
وامه نازلة مدح فيه
طيب أخلافه ؟؟ كيف يصلي ما يصلي يدخن ما يدخن
يعني لو أخلاقه طيبة ممكن الواحد يفكر

لكن ولاشي وانتي مو عاجبك
يااختي من البداية أحسن

لو مو مرتاحة بلاها

ما أظن أنها ظابطة

الله يختر لك الخير
.
والله ياقلبي في هالزمن لا تطالعين في الفلوس والله وانتي راح تغيرين نظرتك هذي للزواج بعد الزواج ..

اهم شيء ,,, الاخلاق الاخلاق والاخلاق .. لا توافقون لما تسالون عنه بكل مكان ..

لانه والله لو راتبه 10000 ريال ومافي دين ولا صلاه ولا اخلاق راح تكون حياتك شيء ثاني

انتي عليك بالاستخاره وان شاء الله اذا فيه خير لك بتلاقين ربي يسهل امورك

الله يسعدك ..
ع
صـلي استخاره

وشوفي اخوانك وش يقولون بعدين قرري انتي

وربي يكتب الللي فيه الخير لك
ص
بقول لش شي صار لي قبل 8 سنوات


تقدم لي واحد خريج متوسط راتبه 3000 ريال اهله محترمين


كان واضح انهم شاريني


اهلي سألوا عن الولد طلع محترم وما يعيبه شي والكل مدحه


وقتها كنت ادرس في الجامعه اول سنه


اوكي وافقت وعالسريع تمت الملكه


وحتى العرس تحدد بعد 4 شهور


تخيلي ويش انصدمت فيه


الولد متخلف حدههههههههههههههههههههه
حتى جوال ما عنده وعشان يكشخ يوم الملكه جايب جوال خاله


سألني عن شي قلت له من النت قال لي يعني ايش النت وفوين يصير ؟؟؟؟؟؟؟؟؟؟؟؟؟؟


وغير ه وغيره كثير من الاسئله والاجوبه اللي صدمتني


طبعا هذا كله يوم الملكه وبعد ما تم العقد


يوم ثاني قال انه ما راح يجي عشان اشتاق له (لعنبوا التفكير ) والمرسول بينا اخته لأن حتى بيتهم ما فيه تلفون


بعدها بيومين جاني


وانا جاتني مثل الحاله النفسيه صرت مكتئبه لأن فرحتي بالخطبه ما تمت


صار يكلمني وانا اطالعه باستقراف هذا الشخص ما يناسبني ما راح يكون ابو عيالي مو الشخص اللي انتظرته


قلت له ممكن تقوم لأن بكره عندي دراسه


طلع والوعد بعد يومين لأني زي ما قلت ما في تلفون


بعد يومين قلت لأمي اني ما اقدر اتحمل وهربت من البيت في الوقت اللي بيجيني فيه ورحت عند صاحبتي وجلست وياها طول اليل اصيح


جا وقالت له امي اني مش وجوده وزعل ويوم ثاني جت اخته تتشكى وامي قالت لها ان البنت ما تبغاكم


وصار اللي صار



انا ما قلت سالفتي عشان اقول لش لا تاخذيه


لااااااااااااااااااااااااااااااااااااااااااااااااااااااااااااااااااا


بس قبل لاتاخذيه تأكدي من طريقة تفكيره هل تناسبش والا لا ؟؟؟؟؟؟؟؟؟؟


على فكره اختي توها ملكت على خريج ثانويه واختي ما شاء الله محاسبه واشوفها مرتاحه وياه


سالفتي مو قاعده بس تقدري تاخذي منها عبره


لا تاخذيه على افتراض انش بتغيرين فيه بعدين


تأكدي بطريقه او بأخرى قبل لا يطيح الفاس بالراس


هذا عرس مو حقل تجارب تكفين لا تطيحي في اللي طحت فيه
ب
انتي بعدك ما عرفتي الاشيا المهمه عن اخلاقه وتعامله واهم شي دينه
اما مسأله انه عادي فانا برايي انك الاحسن تاخذين احد من مستوى اخوانك وازواج خواتك
عساس لا تحسين بالنقص
استخيري والله يكتب اللي فيه الخير
l
صلى صلاة الاستخارة و ادعى
ح
السلام عليكم
انا بقولج رايي :D
اول شي انا عندي مثل دائما يكون في المقدمه الجمال جمال الروح والاخلاق
والشكل عندي مب مهم الاهم اهو الاخلاق والطيب
وعلى الراتب اذا اهو الحين 4000 ريال حمدالله نعمه من رب العالمين واكيد ماراح اتم على
هال 4000 ريال اكيد راح تزيد اكيد راح يحصل على ترقيات وهم انتي باسلوبج لما تاخذينه
اكيد راح تخلينه يتطور راح يسوي له مشروع شي من هالقبيل ومثلي الثاني اخذوه فقراء يغنيكم الله وهم اذا بتطالعي في شهاده اخوانج او زوج اختج راح تتعبين لا تطالعين غيرج
يمكن الله راح يفتح لكم باب رزق ما نعلم الغيب يمكن الي عندهم شهاده ما يفهمون شي بدنيا يمكن هذا يكون افضل وفي هالزمن الناس تشتري الشهادات بفلوس يعني صاره الشهاده شي عادي كلش وبنسبه الى الطيار اشلون تعلقين روحج على امله انه ايي يمكن اهو ايي
ويتقدم ومثلا ما يعجبج شكله او اهو ما تعجبينه اهنيه راح تضيعين عليج الفرص ولا تفكرين انه راتبه 9000 ريال راح تعيشين بسعاده وراحه يمكن اهو بخيل ؟ لازم تحطين الف فكره بالج وتحطين احتمالات لاتفكرين تدورين على اعلى راتب او على اعلى شهاده دوري على شخص
طيب خلوووق وناس تمدح فيه
اختي لاتزعلين من كلامي بس هذي وجهه نظري
واتمنى انج ما تزعلين
وقبل كل شي انتي صلي استخاره
س
اهم شئ استخيري قبل لأن بصارحه موقفك محيررر جداً خاصه اني اعرف المجتمع ونظراتهم وش جااب الطيار لذا مع أحترامي للكل بس المجتمع اعوذ بالله منه ومن اسلوووبه

واقولك انا اذا كنت مكانك ابرفض بعد مأستخير طبعاً لأن عمري لسا صغير اللي هو 20 سنه وان ماجاني لاهو ولا الطيار فعمري صغير وتوني على العرس

لــكن ان كنتي من الخمس وعشرين وفوق اتوقع توافقين عليه أفضل لأنه ماهو شــين ابد وأحسن لك تنسترين

اهم شئ استخيري قبل اي شئ وفكــري وشاوري أهلك وأخوانك وخواتك الكبار

وأدعي ربك بأن يسهل لك امورك ويرزقني ويرزقك الزوج الصالح ذو مال ونسب :)


الله يوفقك ويشرح صدرك ويسهل أمــرك ..
ن
تبغي الصراحة اختي بس ماتزعلي

حسيت من كلامك بالبداية انك شايفة نفسك عليهم وان المظاهر تهمك زي السكسوكة والبياض
والام مررررة سمرة ومادري كيف

اذا مو عاجبك من البداية لا هو ولا امه ولا شهادته لاتوافقي لكن لا تنظري لهم نظررة اقل منك

سامحيني على صراحتي الزايدة بس برايي ماضيع البنات الا هذا الكلام
ر
مثل العسل55......عيون الفهد .........بياض الماء.......زوجة 1.......fatafeat.........s4everk.......عنفوان أنثى.

انا ان شاء الله راح استخير ثانية وثالثة ومليوووون ومشكورات ياحبايبي على النصائح
ر

سألني عن شي قلت له من النت قال لي يعني ايش النت وفوين يصير ؟؟؟؟؟؟؟؟؟؟؟؟؟؟

هههههههههههههههههههههه<شر البلية مايضحك وربي
حبيبتي مو لهالدرجة انا اباخذ واحد متخلف مو من هالزمن هههه لالا اكيد بنسأل هل هو مواكب لعصرنا او انه من عصور متخلفة وش دعوى عاد
X