وفسخت الخطوبه يا بنات ..................

heba 017 23-10-2008 123 رد 5,624 مشاهدة
h
اولا السلام عليكم
وحشتونى طبعا كلكم عارفين الازمه اللى كنت فيها والحمد لله مامتى قامت بالسلامه وبخير يارب
قبل عمليه مامتى بحوالى اسبوعين لقيت اللى كانت حماتى وبتتصل وبتقول ان ميشرفهاش ان ابنها يتجوز واحده والدتها ووالدها منفصلين بالمناسبه بابا وماما منفصلين من
17 سنه وماما متجوزتش وهيا اللى بتربينا والحمد لله كله بيحلف بتربيتنا وعايشين الحمد لله فى خير
ف يومها انقهرت وزعلت وادمرت وقلت انا مش عايزاه دول هانونى فى تربيتى وكده وماما زعلت وفضلت مش مبينالى وتعبت وفى العيد مامته جت زارتنا واعتزرت بس انا مش صافيه من نحيتهم
المهم جت عمليه ماما اناا قلت فعلا لو عايزنى هيبقو جنبى والعكس حصل محدش كان جنبى انا كنت لوحدى محدش من قرايبى معايا مع العلم ان كل اخوات خطيبى عايشين فى القاهرة واتنين منهم فى رمسيس و واحده فى يوسف عباس
ولا حته تلفون وبكلمه مبيردش فخت قرارى بالبعد وان الموضوع ينتهى
جه بقى من شهر من يوم مسبنا بعض
صحبتى ومامتها عايزنى لاخوها وجايين يزرونا يوم السبت وطول مكنت فى القاهرة كانو بيسئلو عنى وعن جدتى لانها كانت قاعده فى المنصورة مع اخويا وولاد خالتى الصغنين
كانت يوميا تعمل اكل وتروح لتيته تساعدها وتفضل معاها وانا مش عارفه اعمل ايه انا بقالى شهر بقلهم نأجل الموضوع لما ماما تقوم بالسلامه وماما بالسلامه الحمد والشكر لله
ساعدونى ماليش غيركو
r
كويس انك سبتي الناس دي ونصيحه خودي اللي شاريكي واللي بيحبك احسن ومدام دوا ناس كويسين استخيري ربنا وربنا يهياءلك الخير ومتزعليش نفسك يا حبيبتي
(
حبيبتي .. هذا رزقج من رب العالمين ..
الله سبحانه وتعالي كريم ورحيم بعباده .. ابعد عنج الناس اللي كنتي راح تتضررين منهم لو كملتي معاهم .. ورزقج بناس ثانين طيبين وكويسين .. فليش تحتارين ؟؟ توكلي على الله .. واستخيري .. وادعي ان الله يكتبلج اللي فيه الخير ويرزقج الزوج الصالح .. والله ماراح يردج خائبه :)

والحمدلله على سلامة الوالده (f)
h
هبة ربنا يعوضك خير انشاء الله و كل حاجة من عندنا ربنا خير لينا و احمدى ربنا ان ده محصلش بعد ما لو كنتم اتجوزتم و اهم حاجة تدعى ربنا ان يعوضك خير انشاء الله و قولى دايما اللهم أجرنى فى مصيبتى و اخلف لى خيرا منها و قولى كمان وأفوض أمري إلى الله إن الله بصير بالعباد
وانا من رأى رورو كات استخيرى ربنا يا جميل و ربنا معاكى انشاء الله و ربنا يرزقك بالزوج الصالح اللى يستهلك
و حمدالله على سلامة مامتك و ربنا يقومها السلامة يا رب يا رب
h
ايوة يا جماعه بس انا مش عارفه ايه الرد اللى ارده لصحبتى ومامتها وهما ناس محترمين جدا وفى حالهم محتارة وخايفه اكون بظلم اى حد معاياا
L
بصى يا هوبا يا قمر كون أن أهلك منفصلين ده مايعبكيش بس تقريبا أنت كنت مرتبطة بناس مش أصيلة ودول بقى يا حبيبتى كانو هيطلعو عينك.
لو مش كان فيه مشاعر يبقى خلاص أنسى اللى حصلك وشوفى الناس اللى شارينك وماتخافيش من التجربة الجديدة وبردو أستخيرى .
لو فى مشاعر للقديم يبقى خدى وقتك وأنسيه انا بقول أنسيه يعنى لازم لأنه مش كويس
وربنا يعملك اللى فيه الخير.
المهم أن ماما زى الفل ربنا يباركلك فيها
د
الف مليون سلامة على مامتك وربنا يخليهالك يارب ويفرحها بيكى عن قريب انا لو كنت مكانك هحمد ربنا ليل ونهار انى ماتجوزتش الانسان ده لان واحنا مخطوبين بيعمل كده هو واهله امال بعد الجاز هيعمل ايه ...المهم ماتزعليش وعلى فكرة انتى بجد ربنا بيحبك ومامتك بتدعى لك وبالنسبة لموضوع العريس التانى والله استخيرى ومشى الموضوع عادى ولو ارتحتى وفيه خير ان شاء الله ربنا هيسهل لك امورك وعليك باللاستغفاااااااااار والدعااااااااااااء
t
هبة يا حبيبتى انا ماما و بابا برضه منفصلين من 23 سنة و برضه ماما و جدتى الله يرحمها هما اللى ربونا و الحمد لله رب العالمين اخلاقنا كله بيشهد فيها و الحمد لله انا برضه سعيدة انى اتربيت فى الظروف دى انا و اخواتى و طلعنا الحمد لله يا رب بالاخلاق دى بعكس شباب و فتايات كتير متربين وسط اهلهم و للاسف الشديد اخلاقهم فاسدة و طبعا طبعا مش كلهم بس فى فعلا عائلات كدة المهم يا حبيبتى مامت الولاد طالما طلع منها الكلام دة يبقى دى من طبعها و شخصيتها انها مش بتحب البنت اللى اهلها منفصلين فايبنتى خدى اللى شريكى و غير كدة حتى مع ازمة مامتك ربنا يديها الصحة معملوش اى حاجة و لا حتى اتصال
د
اللهم اجرها في مصيبتها واخلف لها خيرا منه
س
انفصال امك عن ابوكى شىء لا يعيبك انتى
دى شانهم هما مش حد ثانى
الى يعيبك انتى هو تربيتك سلوكك
وسلوكهم هما كمان اقصد امك فى مجتمع رجولى ظالم زى مجتمعنا دى حسب المجتمع الى بيمشى قانونة علينا
وقالوا فى الامثال
كل واحد بيتعلق من عرقوبة

وكمان قالوا

كثر خيرك يا ازمة عرفتينى الصاحب من ,,,,,
وبقولوا كمان خدى الى شاريكى ولا الى انتى شرياة

بس انتى الان فى وقت صعب علشان حالة مامتك ومصدومة من موقف الناس دول
بردة استنى شوية دى مش الوقت المناسب انك تاخدى قرار زى دة
وكمان موقف ر صاحبتك دة اى حد عندة دم ويعرفكم وعندة قلب وجدع يعملة
يا بنتى احنا بنادمين بنحس بوجيعة الناس
ست عجوزة مهما كان صحتها على قدها بنتها حتة منها فى مستشفى فى حاجة مش سهلة بعيدة عنها ومعها اطفال مسؤلة عنهم شىء صعب بجد
صحبتك دى جدعة ولازم تحتفظى بيها ديما
دى لو كانت عاملةدة لوجة اللة انسانية منها لكن لو كان دة علشان ترضى باخوها فلا والف لا مينفعش يا بنتى

لكن بردة مش علشان هما ناس طيبين يبقى شرط تتجوزى ابنهم
ومش شرط انك تتفقى معاة وتعرفى تعيشى معاة
ادى نفسك وقت
شمى نفسك مش من دة لدة
العمر امامك وكل حاجة دايما لازم تفتكرى كل حاجة محسوبة عليكى انتى بس
سيبك من المشجعين والمهليلين

وقت الجد انتى بس الى هاتدفعى من اعصابك على اقل تقدير
ودى فكرة عندى
b
استخيري يا هوبه
و علي فكره مهما كان الانسان بيحبك و بتحبيه المهم اهله
لانهم هيبقوا اهلك و هتبقي واحده منهم لازم يكونوا شاريينك و حابينك و متشرفين بيكي كمان

بالنسبه للموضوع التاني استخيري و امشي فيه بهدوء
يعني اعدي معاه مره و بعد اسبوع مره و الاهل تتكلم في التفاصيل مره كده حوالي شهر
تختبري مشاعرك و ارتياحك ليه و الاهل
و ربنا يوفققك و يقدملك اللي فيه الخير

و استعيني بالصبر و الصلاه
و ابقي طمنينا عليكي و علي ماما
d
هبه
الحمد لله ان ربنا وضح لكى نفسيه الناس دول واستخيرى ربنا ممكن يكون العريس الجديد دا رزق وتعويض من ربنا ليكى صلى صلاه استخاره واطلبى من ربنا بنيه صافيه يوضح ليكى المستور
وان شاء الله نفرح بيكى قريب وبالراجل الصالح اللى يحبك ويحترمك انتى واهلك
h
والله يا بنات عمليه ماما قالو نعمل كتب كتاب وشبكه وانا رفضت وكله عارضنى بس كنت عايزة اطمن على ماما وسبحان الله على اللى كان بانو على الحقيقه والحمد والشكر لله انى مكتبتش الكتب كتاب
ط
هبة حبيبتى حمد الله على سلامة ماما ربنا يخلهالك يارب انا مش هقدر اقولك رائ بصراحة لانى معرفش هل انتى متعلقة بخطيبك ولالا يعنى فى بنكم قصة حب ؟بس الى حصل وعدم وقوفو جمبك دة صعب الانسان الكويس بيبان وقت الازمة نصيحتى ليكى تعملى استخارة دة بالنسبة لاخوة صحبتك وتدعيى ربنا يقدملك الخير ربنا يوفقك
L
سبحان الله كويس انك مش كتبتى الكتاب بردو خدى وقتك براحه خالص وان شاء الله ربنا يكرمك
وفكرى كويس جدا فى الشخص الجديد وخدى وقتك فى التفكير
لا يلدغ المؤمن من جحره مرتين
h
بصى يا طمطم اه كانت قصه حب بتاع 10 شهور وقرايه فتحه بس الحمد لله على كل حال بس اخو صحبتى عارفاه من حوالى 6 سنين وعمرى مفكرت انه يكون قريب منى كان اخرنا ازيك الحمد لله بس مش اكتر لكن انا مخدوعه فى انسان حبيته واديته حجم كبييير وسط اهلى وو سط الناس كلها
م
هبة حمدالله على سلامة والدتك
عليكى بالصلاة والدعاء اللهم اجرنى فى مصيبتى واخلف لى خيرا منها وعن تجرببببة فعلا الله رحيم هايعينك تطلعى من اللى انتى فيه دا ربنا يفك كربك حبيبتى

بالنسبة بأة لردك على صاحبتك
اكيد صاحبتك عارفة بموضوع فسخ خطوبتك صح ؟
ماتحملى نفسك فوق طاقتها حبيبتى وهونى على نفسك
ببساطة جدااااااا قوليلها ( بود كده بما انكم اصدقاء ) انك لسة مافوقتيش من اللى انتى كنتى فيه - يعنى تعب ماما وموضوعك - قوليلها احساسك بجد وهيا اكيد هاتتفهم دا من غير زعل ولا احراج
انك محتاجة وقت تعيدى حساباتك وتلمى نفسك وتراجعى افكارك من اول وجديد
انك محتاجة شوية وقت عشان تتخلصى من الرواسب او الذكريات اللى اكيد مؤلمة ليكى
انك محتاجة وقت عشان ترجعى لحياتك الطبيعية
ودا مش عدم قبول او رفض للعريس القادم - ولعله الخير ليكى ان شاء الله - ولكن ....
مجرد هدنة مع نفسك ومع اللى حواليكى عشان ماتظلميش نفسك اولا ولاتظلميه هوا ثانيا ان حصل نصيب والتوفيق من عند الله اولا واخيرا

قوليلها انا محتاجة وقت واخد فرصتى انى الاقى نفسى ببببببببببجد

معلش طولت عليكى بس بجد انا حطيت نفسى مكانك وحسيت ان دا كله هايبقى شعورى تجاه موقف زى دا - ماتزعليش منى لو فيه حاجة دايقتك من كلامى - ربنا يوفقك بحياتك ويسعد قلبك

ع فكرة والدتك وانتى واهلك عشان بجد انتوا ناس محترمين وعارفين ربنا هوا نجاكى من اللى كنتى هاتقدمى عليه - الله يعلم متقلبكم ونجواكم -

تحياتى ودعواتى لكى
L
heba 017;7522792:
بصى يا طمطم اه كانت قصه حب بتاع 10 شهور وقرايه فتحه بس الحمد لله على كل حال بس اخو صحبتى عارفاه من حوالى 6 سنين وعمرى مفكرت انه يكون قريب منى كان اخرنا ازيك الحمد لله بس مش اكتر لكن انا مخدوعه فى انسان حبيته واديته حجم كبييير وسط اهلى وو سط الناس كلها


وهو ماحاولش يبررلك خالص ولا يدافع عن نفسه ايه الرجالة دى
يا بنتى أنسيه مش هاقول انه مش بيحبك هو ممكن يكون فعلا بيحبك بس دى أخلاقة ومواقفه والجواز مش حب بس
س
الرد انا مقدرة قوى يا طنط وقفتكم جنبى
بس انا خارجة مش حكاية صدمانى بجد
انا لا عايزة اظلمكم ولا اظلم نفسى
انا لسة امامى وقت على ما ستريح رواارطبت ثانى
انا عايزة اهتم بماما
ماما الى اعطيتنا حياتها محتاجة رعاينا
انا مركزة بس فى ماما
انتى لاتتخيلى انا كنت هاموت من القلق على ماما ازاى
انا عارفة انى بثقل عليكم لكن انا بجد مش قادرة

وبعدين الى فية الخير يقدمة ربنا

انتى لا تقطعى وتخسرى ناس جوابهم بيقو انتهم طيبين
ولا تدبسى نفسك فى حكاية انتى لسة مش مستعدة ليها

ودى فكرة عندى وانتى ليكى الراى النهائى
h
سارة المزعورة;7522832:
الرد انا مقدرة قوى يا طنط وقفتكم جنبى
بس انا خارجة مش حكاية صدمانى بجد
انا لا عايزة اظلمكم ولا اظلم نفسى
انا لسة امامى وقت على ما ستريح رواارطبت ثانى
انا عايزة اهتم بماما
ماما الى اعطيتنا حياتها محتاجة رعاينا
انا مركزة بس فى ماما
انتى لاتتخيلى انا كنت هاموت من القلق على ماما ازاى
انا عارفة انى بثقل عليكم لكن انا بجد مش قادرة

وبعدين الى فية الخير يقدمة ربنا

انتى لا تقطعى وتخسرى ناس جوابهم بيقو انتهم طيبين
ولا تدبسى نفسك فى حكاية انتى لسة مش مستعدة ليها

ودى فكرة عندى وانتى ليكى الراى النهائى



انا هعمل كده يا سارة وهصبر على اللى كان خطيبى جايز يندم ويحس بغلطه انا عندى امل لانه بحبه بجد والله
X