بداية رحلتي

بسم الله الرحمن الرحيم
اللهم صل وسلم وزد وبارك على محمد وآل محمد

السلام عليكم والرحمة والإكرام

اخواتي العزيزات .. انا في بداية رحلتي مع الحقن المجهري
وبكون معكم خطوة بخطوة وكونوا معاي وادعولي..
ومثل ماقلت لكم قبل ان المشكلة عند زوجي العدد والحركة
وانا عندي تكيس والحين بكمل السنتين في انتظار الحمل والحمدلله رب العالمين ..

بدايتي .. رحت عند الدكتور احمد بركات وكانت اخر دورة عندي تاريخ 21/8/2008
ولحد زيارتي للدكتور الي هو تاريخ 20/10/2008 مانزلت الدورة وبما ان قرارنا
نسوي العملية ..الحقن المجهري.. فكان لازم انزلها رغم انها قبل منتظمة بس هالمرة عناد
والحمدلله رب العالمين..

عطاني الدكتور حبوب انزل الدورة لمدة ثلاث ايام حبتين في اليوم
وامس كان اخر يوم اخذت فيه هالحبوب
والحين انتظر الهانم تشرف واحس بآلامها يعني اليوم ولا بكرة تشرف ست الحسن :)
وعطاني بعد حبوب اول ماتنزل الدورة استخدمه حبة في اليوم وأوقف عنه تاريخ 14/11/2008
وترد تنزل الدورة

وبعد عطاني الجلوكوفاج اوردي من قبل استخدمه بس قالي استمر عليه ثلاث حبات باليوم
علشان التكيس طبعا ..
وعطاني حبوب منع الحمل كل يوم حبة وحدة
وفيتامين حبة وحدة في اليوم
وحمض الفوليك حبة وحدة في اليوم

وتاريخ 11/11/2008 اروح اخذ ابر تحت العضل

وعندي معاه موعد تاريخ 20/11/2008

وهذا كل اللي صار معاي بالتفصيل واخبركم بالبقية ان شاء الله

...

والحين اخواتي اللي تعرف تجاوبني على استفساراتي

_جم مدة العملية كاملة شهر ولا اكثر؟
_والأبر تألم ولا لا ؟؟ وجم ابر بتكون ؟؟
_وشنو الخطوات الجاية ؟


تعب صمتي