عضوة يديدة وعروس نص يديدة >>> قصتي من يوم عرسي

السلم عليكم ورحمة الله وبركاته

انه عضوة يديدة وياكم في المنتدى

وعروس نص يديدة يعني 14 من شهر ديسمبر اخلص سنة

طبعا الحمدلله بعد شهر العسل صرت مثل كل عروووس يديدة

دخلت قفص الزوجية الاصلي اللي الناس كلها تتكلم عنه

والحمدلله الله سخر لي ام زوج مثل طيبة امي

وبو زوج مثل حنية ابوي

صج محد يحل محل امي وابوي الغاليين

بس يسدون لو ربع الربع من الفراغ اللي صادني بعد الزواج

من اول العرس اعتفست عليّ الدورة

بس كااانت دورتي اذا بتتأخر اكثر شي تتأخر عليّ امممم جي يمكن 20 يوم

وطبعا كنت مثل اي عروووس من تتأخر يووم اقول ن شاء الله حااامل ومايصير

وبعد شهرين من الزواج رحت اسوي تحاليل دم كاااملة مو عشان شي بس اتطمن على الكولسترول وهالاشياء

وفي هالفترة كنت وايد امتن واذا اشتكي لاي احد يقولون لي شي عادي للعروس تمتن تغيّر هرمونات شي عادي

وانه اصدق

وبعد النتائج طلع عندي كولسترول مرتفع والغدة الدرغية خمووول

والحمدلله على كل حااال

في هذي الفترة كانت ماما الغالية في مكة ويا بابا حبيبي

وقلت لها عشان تدعيلي فديتها

الموووهم تميت اخذ حبوب الكولسترول وحبوب الغدة

بعد شهر ونص او شهرين رحت اسوي تحاليل الحمدلله رب العالمين الكولسترول صاااار عاااادي

ولله الحمد والمنة والغدة طبعا خمول فضليت أواصل على حبوب الغدة

وطبعاً الاكل تغير عندي

وظلت الدورة عندي شوي متخربطة صااارت اذا كلش كلش بتتأخر اتيني بعد 10 ايام

والمهم كانت دورتي في شهر اغسطس اليوم السابع

وبعد ماجاء الشهر الكريم شهر رمضان
صرت ماعرف انظم اكلي حق حبوب الغدة فقطعته بعد الاسبوع الاول في رمضان

وانه طبعا ادري من الدكتورة قالت لي اذا لاغدة متخربطة تخربط الدورة

فكنت ادري انه يمكن ماتيني الدورة في رمضان

فبعد رمضان يعني بتاريخ 30 سبتمبر تميت اكل الحبوب

وكنت متوقعة ان اتيني في شهر عشرة (اكتوبر)

لكن ليما اليحين مايايت

وبعد تقريبا شهرين و15 يوم رحت المستشفى حق تحليل حمل

قلت يمكن اكون حامل وانه مو حاسة بشي

لا لوعة وانتم بكرامة ولا دوخة ولا شي

وللأسف طلع التحليل نقتف (سلبي)

أول مرة تتأخر عليّ شهرين

ليش مو عارفة ؟!؟!



ادري طولت عليكم

بس ابي اعرف شنو نصيحتكم

شنو اسوي ؟ وين اروح ؟

انتظر ؟ اروح اتعالج ؟

شي عادي ؟ والا فيني شي ؟

من مجربة هالشي في بداية العرس ؟

افيدووووووني

مع العلم اني ماحب روحة المستشفياااات