جامعيه بحرينيه بكالرويوس علم اجتماع/علم نفس..

بالتوفيق ان شاء الله ودي لو اساعدك بس ماعندي فكرة

حبيبتي جامعية بحرينية
حااااااااااااااااسة فيج و عارفة شعورج.... بس لا تستعجلين على رزقج كل شي بوقته حلو..انا صار لي 3 سنين انطر و لا اتنازل مع انهم اتصلوا لي يبوني قطاع خاص بس ما وافقت
نصيحتي لج لا تروحين تتوظفين في مكان غير الوزارات، لأن ميزاتها احسن بواااايد من القطاع الخاص.
أقلها بيحطونج في مكان يناسب تخصصج هذا غير الرتب و العلاوات و المكافآت و الاجازات ...

قدمي حق وزارة العدل و شوفي يمكن تحصل لج فايدة، و طبعا لا تنسين تقدمين على وزارة العمل و ديوان الخدمة المدنية... أدري أن الظروف في البلد ما تشجع و تيأس و تحبط بس اصبري اللي يصبر ينول.
و عن الملل اخذي لج دورات طوري نفسج في اي مجال انجليزي او حتى تثقفي زيادة في الكمبيوتر.. و دوري لج على وظيفة نص دوام ( part time ) اشغلي نفسج فيها...
و الله يوفقج و يوظفونا جميع

مراوي تسلم والله ..

حبيبتي حنين .. والله احس الوزاره غسلت يدي منها تخصصنا لين الحين ما نادوه وهذي حالتنا قعده بالبيت جامعيات نتخرج وبالنهايه ...............!!!؟؟ فراغ قاتل

والله حتى لو دخلت لي دورات بس شنو الفايده .. انا تخرجت وابي وظيفه تعبت من الدراسه :(

والله يوفقني ويوفقج واللي عطاهم يعطينا :(

انا اشوف تقدمين على اي شغله وخلاص بدل قعدتج بالبيت انا عندي بكالريوس واقدم على حتى سكرتيرة لانه احسن لي من قعده البيت
قدمي دار الايتام ورعايه المسنين جنه ياخذون تخصصكم

بنات وين نقدر انقدم احنا تخصص العلوم الانسانية فانا تخصصي علم نفس ذكرو اماكن حتى اقدم

ختي جامعية
لا تشغلين بالج بكرة الظروف ان شاء الله تتغير و يوظفونا غصبا عن خشومهم،، لا تخلين اليأس يقتلج هذا رايي، و انت حرة لأني احس انو حررررررررررررررررام 4 سنين ادرس تخصص و بعدين اصير سكرتيرة لو أدري ما تعبت حالي ادرس 4 سنين بكالوريوس أخذت دبلوم و افتكيت
حبيبتي سواحل شوفي اللي قالته كتكوتة زرقة ما تقصر و مشكورة بس طبعا روحي قدمي في الوزارات اولو موفقين جميع ان شاء الله وهي قالت:
(انا اشوف تقدمين على اي شغله وخلاص بدل قعدتج بالبيت انا عندي بكالريوس واقدم على حتى سكرتيرة لانه احسن لي من قعده البيت
قدمي دار الايتام ورعايه المسنين جنه ياخذون تخصصكم)

بنات أنا من وجهة نظري تشتغلون أي شي إلى أن تحصلون وظيفة في الوزارة

قدموا أوراقكم في كل المدارس الخاصة و الله يوفقكم

حبيبتي أنا مثلج خدمه اجتماعية علم نفس وصار لي سنتين متخرجه ومتوكله على الله
سمعي نصيحتي ولا تعتمدين على المدارس والأماكن أللي ضمن تخصصنا بس خلي نطاقج واسع وفكري كل ابفرص المتاحه ولا تحطين ولو لمرة فكرة اليأس في راسج لأن مجرد تفكرين فيه كل طموحج بتتلاشه شيء فشيء

قدمي في كل مكان والله كريم

تصدقين في بعض البنات والشباب أللي نادتهم وزارة التربية يشتغلون مو مخليين نفسهم وألحين شوفي الفرصه ياتهم والحمدلله توظفوا وإنشاءالله يرتاحون في وظايفهم اليديده

يا بنات الحياة اللي نعيشها تخلي الواحد فعلا يصيده الاكتئاب واليأس . معظم الوظايف اللي حصلت لي مجال فيها أني اشتغل وظايف كانت تحز بنفسي مجرد ما أفكر إني اشتغل فيها تخليني أفكر إني يمكن لو ما درست حالي راح أيكوون أحسن ... درست حتى اكوون في مكان يناسب مؤهلاتي ولكن اللي اجوفة أي مؤهلات ذي اللي أتكلم عنها في زمن يتعامل فيه بلغة الهوامير والواسطة في زمن يخلو من الضمير إذا اتجووف عيال بلدك هم أول أعدائك فماذا عساك أن تفعل . ولا وازيد لكم من الشعر بيت لا املك سيارة مثل غيري حتى اقدر اقدم في اماكن اوسع ولكن على كل هذا الا إني ما بقول لكم متفائلة أبدا أي تفائل ذي ولكن أحاول بكل مجهوودي اني اشتغل ( وإذا احد يعرف ارقام ناس توصل فبلييز طرشو لي على الخاص )