نداء للي يجذبون
أريج المحرق
22-10-2008
17 رد
1,646 مشاهدة
قوة عروسات منتدى العروس وأشلونكم، الصراحة عندي قضية أبي أطرحها عليكم بس بشرررررررط ما أبيكم تبخلون علي بالردود أبي تفاعلكم بصراحة لأنها مشكلة ، حبايبي الصراحة أنا منصدمة جدددداً تدرون من شنو الصراحة أكتشفت وايد بنات أي عضوات في المنتدى يجذبون ويفاشرون بأشياء أهم الصراحة ما عندهم ، طيب ليش أحنا أهني نفيد ونستفيد الصراحة مو معقولة ، وحدة الله يستر عليها تقول أنا رحت وأنا ييت وأنا جذي ,انا ريلي ، شهالخرع ترى أنا أكتب لأني بالصدفة عرفت النيك نيم حق 4 وحدات من ءلي أعرفهم والباقي كنت حابة أقره مواضيعهم من البداية فشفت كل مشاركاتهم ، ولكن تحفة الصراحة مرض أنتو يايين تفيدون إذا ما عندكم رد لا تردون ، وتجذبون على خلق الله وأنا وايد خايفة من مواضيع ءلي يطرحونها مثال عندكم :
الطبخ
الكريمات ءلي يستخدومنها والزيوت
ترى تصبح الثقة معدومة بينا ولا بنصدقكم
فندائي للي عارفة روحها أصحي وعن الأحلام الوردية وكوني صريحة عشان نثق فيج. أدري كلامي أشوي ثقيل بس والله أني مصدومة. وأنتو أش رايكم من ءلي يدشون ويشلخون.
مالاحظت ان في احد يشلخ وكل وااحد ذنبه على جنبة ماعليج من احد كل وحدة وضميرها
ومايحتاج تدورين مواضيع الغير وتتأكدين اذا اهي صحيحه ولالا اختاري المواضيع اللي منها فايده ويا كثرها هنا بالمنتدى واللي ما يعجبج طنشي ...
مشكورة أختي شمس بس أنا ما أدور على المواضيع أشقالو لج المخبر كونان أنا كنت أطالع موضوع معين قالوا لي عنه وعشان أتأكد بحثت عنه. والصراحة تفاجأت وأكيد كل واحد وضميره بس أنا قصدت مواضيع الكريمات وهالشغلات. وتضاربات في الردود أثناء الحوارات. إن شاء الله فهمتيني
ا
الإمبراطورة لي.لي كوتوموتو
عروس رائعة
22-10-2008 | 08:29 PM
انزين هاي الدنيــــا :)
مافي منتدى مافيه جذابين ..
كل مكان فيه الزين والشين ..
المهم علينا احنا .. إن ناخذ المفيد ونترك اللي مو عاجبنا ..
ولا نهتم بـ ناس ماعندهم هدف ..(f)
تسلمين ..^_^
لاعاد وش كذب وماكذب
ترى انا من زمان اتصفح هالمنتدى وعجبني ولما حسيت اني فعلا محتاجة الرأي سجلت فيه وتركت باقي المنتديات بس للحين مالقيت اي شئ يبين ان فيه كذب والله يهدي اللي تكذب ان شاء الله
القصه يا اختى انها مساله انه الناس اجمالا بالهشكل سوا بالنت او غيره بالحياه حتى على التلفزيون تلاقي اشياء متناقضه المهم الشخص عليه بنفسه ويعرف كيف يختار وما يجرب اى خلطه او اى وصفه يسمعها سواء من النت او غيره ما رح تقدري تمنعى الناس تتكلم الانسان يقدر يحكم بنفسه ويبحث عن الصح والغلط
ا
ام اريام العوبة
عروس مشرقة
22-10-2008 | 09:04 PM
والله يوم دخلت احسب الموضوع عن الجاذبية الشخصية
مو عن الكذب الحمدلله والشكر
مشكورين وعلى قولتكم ناخذالمفيد بس لأني وايد أدقق في المواضيع التي تطرح من جي أنصدمت. والله وضحكتتي أو أربام العوبة . الجاذبية عاد وفي هالقسم؟؟؟؟؟؟؟
صدقتي
وانا لاحظت هالشي بعد ..
اصلا يبين :)
بقولج .. مره كنت داخله منتدى ثاني مب هالمنتدى .. لان ادري ان الكذب في كل مكان ترا .. يعني هاي مب مشكلة منتدى عروس .. الله يسامح هالبنات ..
انزين ..
في تاجره في موقع ثاني .. الله يستر عليها .. حاطه موضوع عن زيت حق الشعر .. والبنات رادين عليه .. اشكثر ردود .. وهي طبعاً مادحه الزيت .. وحاطه اقتباسات من كلام بنات وتجاربهم انهم يمدحون الزيت .. وكاتبه ان هالبنات من منتدى ثاني بدون ذكر اسم المنتدى الثاني ومثل ماقلت البنات يمدحون ويقولون كلام عجيب عن الزيت .. المهم .. قعدت اشوف ردود البنات عليها في الموضوع الجديد اللي حاطته ومسويه اعلان حق زيتها فيه.. حصلت كلهم يسألونها عن الزيت والموضوع مب جديد يعني من كم شهر وشدعوه ولا وحده كاتبه تجربتها ولا كاتبه هل هو صج ولا لا؟؟ انا استغربت شوي يعني .. المهم .. مادري شلون جي نزل علي الوحي .. قلت خلني اسوي كوبي حق واحد من الاقتباسات واحطه في قوقل واشوف هي عارضه الزيت في اي منتدى بعد .. والله مجرد فضول وبحسن نيه .. ماكنت مشككه فيها .. تصدقين شصار ؟؟ طلعلي في قوقل نتيجه وحده بس .. اللي هي رابط المنتدى اللي كاتبه في الموضوع ..
يعني الاقتباسات والمدح ووو الخ كله تأليف في تأليف :) عشان تمشي بضاعتها ..
اي مصداقيه اي خرابيط .. مب بس هالشي .. وحتى في طرح المشاكل .. في ناس تبالغ .. بس يبالغون اهون علي من انهم يجذبون .. في ناس تألف قصص اصلا .. وتحطلج اشياء خياليه .. اشكره يعني يبين ..
عيب والله .. الله يهديهم ان شاء الله ..
عن نفسي .. الحمدلله وبفضل رب العالمين .. ماحب هالصفه وماحب ابالغ ولا اجذب .. وماكتب عن نفسي ومواقفي الا الصج والله الشاهد .. وان بالغت بالغلط يمكن نسبة المبالغه 1% وبالغلط مب 100% وعن قصد
:)
لا حول ولا قوة إلا بالله
معقوله في بنات جذي !!!!!!!!!!!
الله يهديهم احنا هني كلنا خوات لازم نفيد ونستفيد ..
مو جذب على بعض بالله بجذبتج هذه سويتي شئ بالبنت شنو بتستفيدين ..
الله يهدي الجميع
والخطر كبير من هالحركة تقعد تمدح في الخلطة اللي جابتها وهي ماتدري عن السالفه
و الانكى و الامر انها تقول مجربتها وتغري في هالبنات و هي مب حاسة عن الكارثه اللي ممكن تصير من ورى خلطاتها
و الله يوفقك الجميع
ا
المشتاقه للجنه
عروس مشاركة
24-10-2008 | 06:32 AM
اخواتي العزيزات مو كل شي ينكتب في النت صحيح والي بتكتب تتقي الله في كتابتها وسوف تحاسب عنها لان فيه ناس بتصدق كل شي وتجرب والواحد مو ناقص يكسب ذنوب في ناس مايعرفهم يكفي الواحد ذنوبه وهدى الله الجميع لما يحب ويرضى
يااختي الكذب والمفاشره بشي ماعندهم هذا مرض واكيد عقدة نفسية سببها الاحساس بالنقص
انتي يااختي لا تهتمي بهذا الشي
دخلي لمواضيع لي راح تفيدك
وحاولي انتي بعد تفيدي باشياء لي عندك
وابتعدي على الناس لي يحاولون يكذبون وانا عندي وانا وانا واناا
وخلاص
فديت اهل المحرق كلهم
م
مشآعر إغترآبـ
عروس برونزية
24-10-2008 | 02:16 PM
فعلا انا بعد ملاحظه
والمفروض انت المراقبات والمشرفات على المنتدى يحذفون المشاركات المشبوهه يعني مثلا الخلطات اللي فيها مواد غريبه واول مره الناس تسمع عنها طبعا مااقصد المواد الطبيعيه اللي من مطبخ البيت انا اقصد التركيبات الكيميائيه وبعض الكريمات اللي حذرت منها وزارة الصحه والدكتور جابر انبح صوته وهو يحذر منها وانا قبل فتره قريت مثلا وحده حاطه خلطه تقول شافت نتائجها على رفيقتها السمرا وتمدحها وانها صارت نجفه من البياض وانه من زود البياض اللى جاها صبغت شعرها اشقر وتحمست معها ابي اعرف السر وانا مندمجه واقرا خلطتها طلع فيها كريم ديانا مدري روز المهم لوكنت انا جاهله وماعندي خلفيه عن الموضوع كانت لي علوم
بس كل وحده عقلها براسها وتعرف خلاصها
مشكورين خواتي على ردودكم
وشكر خاص حق ا لأخت جوكرة وشكلنا غالين عليج فديتج والله وسلامي لأهل المغرب
والله حتى انا على بالي الجاذبية !!!!!!!!!!!!!!!!!!!
التناقض شيء طبيعي لأنو الناس تختلف
و الي يمشي مع وحدة مش ضروري يمشي مع الثانية
والله اعتقد انه شيء طيبعي بالنسبه لشعبية وانتشار المنتدى
وكل مجتمع فيه الصالح والطالح مهما كان صغره وشلون منتدى عالمي وشعبي مثل منتدانا الغالي