شو اسوي وياه

انتي محتارة اذا هو يحبك واذا هو مايحبك طيب انتي اختبريه سوي نفسك بنت بتتعرف عليه وشوفي اسأليه وحلفيه اذا هو يحب احد واذا قال ايه احب فأكيد انه يحبك واذا قال لا مااحب فهو مستعد انه يكون علاقات مع غيرك ومايعتبرك الا صديقة عادية
جربي مو خسرانة شئ اهم شئ تعرفين وش مشاعره اتجاهك اذا يحبك او لا
لكن بقولك شئ وهو الأكيد ولاتفكرين وتتعبين نفسك... >>إذا مفكرة انه بيرتبط بك ويتزوجك على سنة الله ورسولة فأقولك من ألحين أنسى تراه مايفكر يتزوجك..
لان الحب عن طريق النت مايبين كل شئ
ياشيخة وربي وربي وربي انا حبيت واحد بالمنتدى حق عائلتنا واعجبني اسلوبه وصرت اقرى كل شئ هو يكتبه والله عشقته بعد وناوية اعطيه ايميلي بعد عشان اعرف منهو بالنهاية طلع اخوي ومادريت الا من بنت عمي لما قالت اخوك كاتب كذا وكذا .المشكلة ان اخوي لااسلوب ولاشئ ولاحد يحبه مدري كيف طلع يجنن بالنت..

الله يهديج انتي تستشرينا في شي حرام ؟؟ تدرين لو تبين نصيحة انج تبتي وتبين المساعده من عيني والله ساعدتج بس انتي تبين استشاره في شو تسوين وياه عشان تعرفين هو يحبج او لا

شي غريب الصراحة .. سامحيني اختي ماعندي نصيحه غير انج توبي لله واستري على نفسج واهلج

وباقي البنات لو يبون ينصحون ياريت ينصحون ويخافون الله في نصايحهم يعني ساعدوها ترد للطريق الصحيح مب تزينون لها المشكله وتشجعونها على شي حرام ..

الله يهديج ويستر علينا وعليج

؟؟؟؟؟؟؟ تبغينا نقولك كيف تختبرينه والا تبغينا نساعدك في انك تتركينه ,,,

ما بكثر كلام بقولك بس لو انه غنده اخلاق ومومن ومودب مثل ما تقولين ليه يدخل الشات ؟؟؟؟؟؟

وانتي كمان لا تدخلين مره ثانيه ترى والله ما وراه الا المصايب ,,

الله يهديكي ,,

مشكورة اختي ZeEeNaH عالمساعدة

خلاص مابيي شىء منكم احل مشكلتي بروحي

سموية;7515218:
مشكورة اختي ZeEeNaH عالمساعدة

خلاص مابيي شىء منكم احل مشكلتي بروحي

انا من رأيي ان علاقة عن طريق النت لاتقدم ولا تأخر
يعني حتى لو كان صادق معاش وتزوجش تضمنين انه بعد عشر او12سنه مايحن لهذا الشيء ويرجع له
طبعا بتكون اجابتش لا صح ليه لانه متعود على الشات وصار يسري في دمه وداخل بس يتسلى ونااااااااااااااااااااااااااااااااااااادرا جدا
من يتزوجون عن طريق الشاااااااااااااااااااااااااات
فيا أختي ابتعدي عن هذا الطريق بكره يجيش واااااحد وتتزوجينه ويكتش انه عندش من قبل
ساعتها وش راح اتسويين؟؟؟؟؟
او انه يتقدم لش ويسأل عليش ووووو؟؟؟؟؟؟؟ويدري ويقول هذي مو من ثوبي
ساعتها كيف راح يكون لونك جدام ابوك واهلك بصفة عاااااامه
فكري زين وقرري
عقلج براسج تعرفي خلاصج

علاقات النت اغلبها كذب .. حبيبتي .. الافضل انج تتركينه و اذا هو صادق خله ايي يخطبج ..

وباقي البنات لو يبون ينصحون ياريت ينصحون ويخافون الله في نصايحهم يعني ساعدوها ترد للطريق الصحيح مب تزينون لها المشكله وتشجعونها على شي حرام ..

هي حاطه براسها الولد كيف تقولين لها اتركيه ووو الخ يعني صح هي مشت بطريق غلط وهذا من الناحية الشرعية وانا ماشجعتها على الغلط ولازينت لها المشكلة لكن من الناحية العاطفية صعبة نقول لها اتركي الولد واقطعي علاقتك فيه بسرعة شئ جاء بسهولة صعبة ينتهي بسهولة

انا ابيها تعرف اذا هو فعلا حابها او لا وتعرف بنفسها كون العلاقات بالنت ولو طلبت نصيحتي ماراح ابخل بس انا عارفة لو احكي من اليوم الى نهاية السنة ماراح تاخذ بكلامي وشوفي ردها وانتي تعرفين

عموما معروف مافيه زواجات ناجحة من النت وهالشئ معروف بمجتمعاتنا
والله يستر عليها ويبين لها كل شئ هي ودها تعرفه وهي لها عقل وكلن بعقله راضي

قال رسول الله صلى الله عليه وسلم (من كان يؤمن بالله واليوم الآخر فليقل خيراً أو ليصمت)

الله يهديكي يا بنتي ترى والله نحنا من محبتنا خايفين عليكي وإنتي زي بنتي ترى اللي تعمليه غلط وإيش حيكون موقفك لو أهلك اكتشفوا

اختي .. الكتاب مبين من عنوانه هذا الشخص يبي يلعب ويستانس شوي من جذي يدخل الشات عشان يسولف مع البنات
واذا هو نصيبج ويحبج اكيد راح يخطبج

نصيحتي .. انج ماتردين عليه وحاولي تغيرين من نفسج وهذا كله من عمل الشيطان

لاحول ولا قوة الا بالله ياقلبي والله هذا مو تفكير كيف تمشين في طريق الحرام وتبغينا ننصحك ونقولك كيف تعرفي انه يحبك !!!!!!!!!!!!!!!

اتقى الله وخافيه ولاتسيء لسمعة اهلك وراعي الثقه اللي اهلك حطوها فيك
وتبغيه يفكر في الزواج منك هذا مستحيل لان اللي خانت ثقة اهلها راح تخون ثقة زوجها وهذا شيء معروف ومن استسهلت طريق الحرام هان عليها تكرار المعصيه
ياحبيبتي حكمي عقلك مو عاطفتك لان العاطفه ماراح تجيب نتيجه
انت ترضي لو زوجك يكلم بنات أواخوك يكلم بنات؟ طبعا لا وهذا الشيء اللي يقوله كل عاقل
طيب الجزاء من جنس العمل ومن دق باب الناس دقو الناس بابه
ثقي اللي انتي تسويه اذا ماتبتي راح يسوي زوجك نفس الشيء
اتمنى اكون افدتك ولو بشيء يسير
دمتي بخير
ابعد الله الحرام عنك ورزقك بالزوج الصالح

عزيزتي المكتوب باين من عنوانه ولم الحيره والاجابه موجوده هو يتسلي وباين انه مايحبك وانه يتسلي لو فعلا تهميه كان خطبك من اهلك ارجوكي ابتعدي عنه قبل تتورطي معاه ونصيحتي لك ان تنتبهي لنفسك وان شاءالله ياتي ابن الحلال من الباب وليس عبر سماعه التيلفون .

لاحول ولا قوة الا بالله ..

مشكله ؟!؟

شهالمشكله الله يهديج بس ..

اختي المشكله الحقيقه مب في الكلام اللي قلتيه لا ..

المشكله في الشات + المكالمات ..

اختي حبيبتي.. لايقص عليج الشيطان ويغويج ويزينلج طريق المعاصي والفتن .. والله هالاشياء كلها غلط وحرام .. ارجعي الى الله واستغفري ..

الله يهديج ويغفرلج ذنوبج .. ويبعد الشيطان الرجيم ومعاصيه عنج (f)

وبعدين ليش زعلتي من كلام البنات .. ترا والله كلامهم صح واذا هم مايحبونج .. كانو ماهتمو فيج ولانصحوج وقالو كيفها .. :(

ZeEeNaH;7515621:


هي حاطه براسها الولد كيف تقولين لها اتركيه ووو الخ يعني صح هي مشت بطريق غلط وهذا من الناحية الشرعية وانا ماشجعتها على الغلط ولازينت لها المشكلة لكن من الناحية العاطفية صعبة نقول لها اتركي الولد واقطعي علاقتك فيه بسرعة شئ جاء بسهولة صعبة ينتهي بسهولة

انا ابيها تعرف اذا هو فعلا حابها او لا وتعرف بنفسها كون العلاقات بالنت ولو طلبت نصيحتي ماراح ابخل بس انا عارفة لو احكي من اليوم الى نهاية السنة ماراح تاخذ بكلامي وشوفي ردها وانتي تعرفين

عموما معروف مافيه زواجات ناجحة من النت وهالشئ معروف بمجتمعاتنا
والله يستر عليها ويبين لها كل شئ هي ودها تعرفه وهي لها عقل وكلن بعقله راضي

مافي عاطفه ومافي زواجات من النت .. اصلا كلها خرابيط وسوء تصرف .. وكل واحد يمشي ورا هواه .. والشيطان مايقصر بعد ..

والله سبحانه وتعالى قال حق الرسول صلى الله عليه وسلم:
{ ولا تتبع الهوى فيضلك عن سبيل الله } : فيميل بك اتباعك هواك في قضائك على العدل والعمل بالحق عن طريق الله الذي جعله لأهل الإيمان فيه , فتكون من الهالكين بضلالك عن سبيل الله

مسا الخير عالجميع
أقسم بالله يا أختي انه كذاب ويتسلى فيج مع ولد خاله لويحبج صج مارضى حد يكلمج لو كان أخوه حتى اشلون ولد خاله
ولوصاج معج ماسد بابه وتلفونه بويهج اللي يحب يفتح قلبه وبابه وكل طريق توصله للي يحب وفي كل الاحوال ومهماكان
هذا ادعى الحب وانتى اندفعتي وصدقتيه وفتحتي له قلبج وبابج ولمامل منج وضاق حولج ع ولدخاله لاجل يتسلى فيج الثاني لاتزعلين من كلامي اناوالله أحبج وايدكأخت وانصحج لله هالطريج حرام وهالانسان مع احترامي لمشاعرج كذاب تركيه ولاتفتحين له أي مجال أهو أوغيره وخليج عزيزةنفس وصوني كرامتج وكرامةأهلج وحافظي ع رضا ربج أهم شي ورضا أهلج لاجل تسعدين بحياتج وتتوفقين وتذكري شغلة قلبج أمانةغالية بتنسألين عنهايوم الحساب
اعذريني إذا ضايقج كلامي أوصدر مني أي غلط والسموحةمنج

مبين انو مايحبج اصلا من كلامك كيف في الشهر مره وين صارت دي؟

الله يهديكي

الاخت الكريمه

ان كنتي تريدين النصح في علاقه حرام.. فلن تجدي الرد هنا... يغلق الموضوع لمخالفته.

تعرفتي عليه بالشات ..
الله اعلم كيف حصلتي على رقم ولد خالته !!

الرد باختصار .. زواج ما بتزوجك ...

واستري على نفسك وخافي على سمعه اهلك وشرفهم ...

تحياتي

ام جنى