أحس روحي متعقدة نفسيا

هلا بنات عروس..

لحقوني تراني جريب واستخف من التخيلات الي اتخيلها كل يوم.. اكيد انتو تعرفون اني انا فقدت ولدي الاولي في الشهر الخامس جريب السادس..

وهالحمله هذي سوو لي عمليه ربط علشان ما يتكرر الي حدث لي مع الطفل الاول..

بس انا اعاني وايد .. فيني خوف مو طبيعي .. تصوروا اني كل يوم اتوقع ان جنيني مات .. او ان بيطيح .. لدرجه اني اغيب وايد عن الدوام.. مو بس جذي.. من احس بألم او افرازات .. اصيح واقول بيروح هلياهل .. تعبت وتعب ريلي وياي من كثر ما اقوله هلكلام.. انا وايد خايفه..


انا الحين بالاسبوع ال15 يعني توها الناس علي .. في الشهر الرابع.. وانا فقدت ولدي القبلي في الاسبوع 22 .. مدري شسوي .. تعبانه لدرجه ان حتى صداع يصيدني من كثره التفكير ..

الصراحه ما احس بحركه واضحه حق الجنين ومادري هل طبيعي ان في الاسبوع ال15 للحين ما في حركه ..

متى يتحرك الياهل ؟؟ بليز قولولي..

وادعولي هلمره يتم هلياهل وافرح فيه ..

الله المستعان