بناات البحرين ساعدوني وين محل الكوشات؟؟!

انا اللي اعرفه دان في المحرق

بس نصيحه لوجه الله

الانصاري لاتجربينه يفشل حده

مايخلص شغله لي الاوادم ماتدخل القاعه

الترجية اذا ماعليج امر عندج رقمهم ولا اذا تعرفين مكانهم ؟بكون شاكره لج:o

انا قالوا لي عن الانصاري :ss:

شدعووه مافي ردود :(

انزين تعرفون محل قرية الافراح في وين او عندكم رقمهم.؟

قرية الافراح اظن في المحرق بعد لاست جانس صاير داخل شووية .. عندج بعد المزيونة اللي جنب الانصاري .. الايام في جدعلي .. جندل في بن سلوم بلازا .. عندج محل جنب مجمع جواد في باربار اسمه لا روزا اظن سمعت يمدحون شغله ..و طبعا فيه دان ..ووحدة قالت مسوية كوشتها عند نوال فلاورز .. عندج برميرا استيلوا في البديع ..

مــشـــكـــورة الــغــالــيـــة هــذيــان عــاشــقــة

مـــاقــصــرتـــي الــشـــيــخـــة

حاضرة لج اختي .. على فكرة جندل عنده طريقة يسوي لج الكوشة و هالشغلات بالاقساط بعد..

المزيونه عندهم أشياء حلوه بس حذاااااااااااااااري ثم حذااااااااااري،،، لازم تييب لج شي ناقص،، جم مره مسويه فينا جذي،، المشكله عندها أشياء تينن بس لازم كل مره تأكدين عليها ويوم الحفله تخلين أحد يوقف فوق راسهم ليما يخلصون

وجفت شغل دان بعد حلو

وقرية الأفراح يصير في المحرق مجايل محل شيلاتي اللي عند حلويات طارق

ونسيت أقول لج بعد في محل اسمه لاريسا في بوكواره يسوي بعد كوشات

وجفت محل يديد في جد علي شكله وايد راقي بس مو متذكره اسمه بس هو يصير مجابل محل ألف واثنين تقريبا ذاك الصوب

laleeta الشيخه محل المزيونة جم مره اروح صاكين .. عندج رقمهم ؟
وماقصرتي فديتج تعبتج وياي بشوف بروح هالمحلات..
ويعطيج العافيه ..

اذا تروحين على المغرب بتحصلين فاتحين ان شاء الله

المشكله ماعندي رقمهم بس اللي تشتغل هناك اسمها سكينه

حاضرين لج في أي وقت :)

على خير ان شاءالله اختي ..

خيتو نصيحه لا تسوين كوشه عند اى محل سامعه فيه بس اول جوفي الشغل وتاكدي بنفسج

لانه الناس اذواق ناس يقولون لج حلوو وانتى ما يعجبج وهذا عرس يعنى حلاته كل شي مضبوط ويعجبج

انه انصحج بجندل و دان انه جفت شغلهم روووعه يعنى لا تحاتين انه بكون مب حلوو ولا شي ناقص وااااايد شغلهم حلوو وراقي

هلا اختي بحرينية ,,

اي ان شاءالله لازم اشوف شغلهم ,,

اختي تقدرين تدليني محل دان و لا اذا عندج رقمهم وبكون شاكرة لج ..

انه سويت كوشتي عند دان في المحرق

دان روعه شغلهم عند ثاجبه الشروقي

مايا في جدعلي عند الهرمي

اختي عندج برميرا استيلوو في البديع شغلهم حلو بس عيبهم ايملل عشان ايركبون المسرح يعني لازم اتروحين له الف مرة وعندج محل في جدعلي اسمه هيما صديقتي سوت مسرح ما شاء الله عليه كااااااااااااان وايدد حلو وراقي وكان مثل بحيرة البجع مع الاضاءات وكانت شي ما صار واذا تبين الرقم بسال رفيجتي تعطيني اياه

nazoo الغالية تقدرين تقولين لي وين محلهم ؟؟

صاحبة الظل الخفي اختي وين صار مايا تقريبا ؟؟

الامورة شجن الشيخة اذا ماعليج تقدرين اتيبين رقمهم ؟؟

ويعطيكم العافيه وماقصرتوا

على هالخشم وما طلبتي شي انشاء الله اليوم او باجر بالكثير راح اييب لج الرقم