ضيوف الغفلة

الحمدالله ماصارلي كذا ابدا لازم اي احد بيزورنا يكون متصل ومعطينا خبر

والله صدقتي ضيوف غفلة

انا عن نفسي ازززعل واقول كان دقيتو تليفون >>>قوية شوووي

لكن والله قهرر الناس لازم يعطوك خبر امكن مو فاضية تعبانه نايمة


يعني لازم من الاحرااااج

خخخخخخخخخخخخخ اكيد صارت لك

بس زوجي يزعل لاعصصصصبت يقولي ريلاكس

وخلاص اهونها وتهون بس في بادئ الامر

ثانكس عالموضوع اللزيز

انا الحمد لله لحين ما صارت لي بس اتوقع اني ما راح افتح الباب لهم خخخخخخخخخخخخ

لازم يكون دايما عندي هذا الشعور او الاستعداد بانه يوم من الايام بيجوني ضيوف على غفله... واحب انوه الى ان بامكان اي وحده تكون مستعده لموقف مثل هذا بحيث اني اكون مسويه شوية معجنات وحاطتهافي الفريزر...المجلس دايما لازم يكون نظيف...في حال ما كان عندي اقدملهم شي بصراحه اطلب من بره شويه شغلات وخلاص.....واتمنى اكون افتدكم

أنا لو حصل معايا حأقولهم كل شوية أرتب و زياد ما شاء الله عليه يخرب ههههههههههههه

اله لايحطنا بهالموقف
انا مايجيني احد بشقتي لأني مع اهل زوجي واستقبلهم بمجلسهم

يا كثر ما تعرضنا لهالموقف
احيانا ما يكون في شي نقدمه اي حد يروح رررررركض للدكان يجيب عصير
او الوالد يروح يشتري الاغراض ويدخلهم من باب المطبخ
بجد نتضايق احيانا ما نكون لابسين لبس مناسب ولا ريحتنا بصل
ولا العاب الاطفال ررررررركض نلمهم و نرميهم في جهة

ههههههههه ضيف الغفلة بسوريا ماشالله بيحوكي الضيوف بدون احم او دستور ولاء ازيدك اذا قلتي لاحد اتصل قبل لا تجي يووووووه يزعللو منك وان هالشي مو من اصول الضيافة ... المهم متعودين اذا ضيوف تقال دم خخخخ منشربه اول شي كازوز هههه بقصد بيبسي او عصير وبعدين فنجان قهوة وبسوريا معروف(( الضيف المنظوم بيشرب القهوة وبيقوم ( بيروح )هههه ))
اما اذا من العايلة الكريمة يييييييييييييه فطور وغدا وعشا اذا بدك وشوية تسالي خخخخ

اما بجدة الكل ماحد بيجي عندك حتى يتصل وياخد موعد كمان ههههه فالحمد لله منكون عاملين حساب
ومشكووووورة ياعسولة وننتظر مواقفك

بقول ليكم سالفتنا أمس ما شفت الا الجرس يدق طبعا احنا عدنا شاشة في الجرس انشوف مين عند الباب
تفاجأت بأنهم أول مرة يزورونا نلتقي احنا بهم بس في بيتنا ولا مرة زارونا ويش أسوي عليي ثياب بيت وقاعدة أكوي ثياب في مكان اللي بقعد فيه النسوان ((لأن بيتنا مو كامل تأثيث ومكيفات في الوقت الحالي ماعدنا الامجلس للرجال ومكان للنساء مو كامل فاضطر أقعدهم في غرفة الجلوس لا أن فيها كنبات بسيطة ))
ورحت شلت الثياب وأني داخلة غرفة النوم سمعت زوجي يقول ليهم تفضلوا دخلوا وقعدوا وأني في هالوقت بسرعة غيرت ملابسي ورحت ليهم سلمت وقعدت وقالوا أنهم كانوا رايحين بيت أحد معارفهم في نفس المنطقة اللي أني فيها معزومين فقالوا بيمرون بيسلمون عليي وبيمشوون فهمت من كلامهم أنهم مستعجلين قمت رحت المطبخ أحوس والمشكلة أن مافي شي كنا طالعين بنشتري أغراض الى البيت في نفس الليلة بعدين تونا ماشين بنتي نامت فرجعنا وقلنا بنخلي الى يوم ثاني العصر
ذكرت أن عندي حلاوة وسويت وياها قهوة ومافي وقت أن زوجي يروح يشتري لأن قاعد مع الرجال لكن انحرجت جدا:o وقلت بتصل بجيب ليهم عشاء طلع أنهم متعشين
بس افرحت لأن البيت كان نظيف وبنتي كانت نايمة فألعابها مرتبة مافي عفستها والبيت طبعا مبخر لأني أبخر البيت يوميا بعد الغذاء بس المشكلة كانت في ويش أقدم خصوصا أنهم أول مرة يزورونا




((تخيلي أختي أنش ماعندش ولاشي في البيت تقدمينه ولا بإمكانش تشترين شي ويش تسويين؟؟؟؟ ))


ولي عودة مع الموقف الثاني....

بتصير عنا كتير

يا كتر ضيوف الغفله

يعني الواحد بنقهر خصوصاً لما يكون عم بشتغل بالبيت

بس لا مفر مجبورين نتأقلم مع الوضع الموجود

احنا عادةً بنكون مخزنين كعك بالفريزا وبس بحمره بالفرن عالسريع

وقهوة (اكيد بتخلصش)

وازا مش موجوده بالغلط شاي

فواكه

وعلى طول بكون في بسكوت على جنب ومكسرات وهاي القصص

هدول امي بتعمل حسابها انهن يكونو لحال لما يجينا حدا عغفله

وبثث

في بيت الوالدة دايم يتواجد الفواكه والحلويات لأن البيت مفتوح وتجي الأهل والمعارف شبه يومي فتحاسب الوالدة اذا خلص شي تجيب بس أني في بيت بروحي ومافي ألا أني وزوجي وبنتي وأني مو من النوع اللي آكل فواكه بكثرة يعني ساعات تظل وتخترب وارميها


الموقف الثاني
مرة كنا بنطلع قاعدة اتجهز الا عمتي متصلة الى زوجي وسألته أنت في وين قال ليها في البيت قالت احنا في الطريق
وأهل زوجي من النوع اللي مايقعدون في مكانهم لازم يدخلون في مكان ويطلعون في مكان
وماكان عندي الا شويت فواكه وتخيلو ويش حطيت فيها طماطم بدون ما أدري عبالي تفاح


أخذت درس أن لازم يكون عند شي في البيت الى هذي الأوقات
امس رحت السوبر ماركت وأخذت معلبات ((أناناس وخوخ)) وأخذت حلاوة بأنواع متعددة ((كيك الجلكسي ورهش وكاكو صغير))


ويش الأشياء اللي تظل الى فترة طويلة وماتخرب ؟؟؟؟((عشان أخزنها عندي ...منصادة:D

ههههههههه ضحكتيني بس عن جد فشلة والله طماطم قويييييييييييية واهل زوجك اووووووووووووه صعبة
بتعرفي انا بجدة اذا جايني ضيوف واتصلو قبل ساعة على طووووول بعمل كاتو وبريح راسي وقهوة وعصير حتى لو فيمتو

_بس بتعرفي ممكن انك تجيبي مثلا علب بسكويت كوكيز وتحطيها احتياط تنفع مع القهوة او الشاي
_وكمان انا احيانا بجيب علب كيك جاهز بتعرفي يخاف الواحد يكون ماعنده شي من حاجات الكيك الاساسية
وكمان احسن حل عندي مرة اجوني اخوات زوجي على طول طلعت من الفريزر بف باستري وحشيت نصف الكمية قشطة ونصف الكمية (( بشرت تفاحة وخلطتها بقرفة وسكر )) وحشيت الباقي وبالفرن 10 دقائق
وبس تخلصي خبزهم بتحطي فوقهم عالماشي يعني شيرة ( قطر ) او حتى عسل اذا ماعندك شيرة
_ فخللي عندك احتياط من البف باتيسري

ان جيتــي للجد انا ماحب هالمواقف ابدا

بصراحه مع احترامي ماعندهم ذوق اللي يسوون هالحركه ههههههه

انا عن نفسي كلن عارفني .. قبل لايجون يخبروني قبلها بيوم على الاقل




مابعد حصل لي هالموقف

والله لايقوله لاصار بخبركم

والله انا وااااااااااااااااااااااااااااااااااااااااااايد اتصيدني هالمواقف يعني في بيت الوالدة يعني ايجون بيتنا على غفلة ولا احنا مثلا بثياب البيت او شي من هالقبيل وعفسة ولد اختي الصغير في المجلس لان يوميا اختي اتجيبه حق امي قبل الدوام المهم كذا مرة اتصيدنا وانكون مثلا مجهزين روحنا او شي او ايكون للحين ما شرينا اغراض البيت فنقوم نطلب لهم شي على السريع يعني فطاير ومعجنات وشي من هالقبيل ونروح البرادة ركيض نشتري الكيك اللي فوقه كريمة ما اعرف شنو ايسمونه ونسوي لهم قهوة وشاي وكان السلام ، بس تدرون سااااعات انقهر من هالناس اللي جذي لان مرة صادني موقف كلش محرج واضطريت اني اتاخر عن موعد الجامعة وكان عندي امتحان يومها وكل اقوم اروح ايجون ناس ازيادة وايشوفوني عند الباب فاضطر ادخل وغير هذا بعد كل ما اجي استئذن عشان اقوم اروح الا انحرج وياهم وايقولون لي اي ما تبين تقعدين ويانا كبر راسج لانج تشتغلين مساعد مدير وانا انحرج اقولهم لا والله بس عندي جامعة ويقعدون ايقول اي جامعة والله موعد مع الغرام يقصدون خطيبي وانا من داخلي اشوي وانفجر لاني اقول واذا كان وي خطيبي شدخلكم ، والقهر انه يومها كان عندي امتحان منتصف وما رحت اقدمه بس ربكم ستر وتاجل الامتحان لبعد اسبوع لان كان يومها الدكتور مريض لكن اقولكم الصراحة من جد قهر لان يومها اشوي واصيح ابيهم يطلعون لاني كنت قاتلة عمري في هالمادة لانها وايد صعبة وابي افتك من الخوف والمحاتاه اللي كان معاي بسببها ، وهذي المواقف اللي صارت معانا في بيت امي وقررت والله من يومها انه اذا تزوجت لازم يتصلون قبل لان الصراحة وهقة وفشلة واهما مجبورين ايسوون هالحركة لان انا في بيت عمي ومدخلنا ايكون معاهم فجذي وايد احسن لنا على الاقل نجهز روحنا حقهم<<< سوري هذرت واااااااايد بس حبيت اقولكم المواقف كاملة