عرايس السلطنة.. عندي مجموعة استفسارات

ل

ليان عمانية

عروس نشيطة

21-10-2008 | 10:22 AM

مرحبا بعرايس السلطنة.. انا عضوة جديدة بالمنتدى وحابة اشارك بمجموعة اسفسارات بخصوص التجهيز للعرايس..
أختي راح تتزوج خلال شهر يناير أو فبراير (الموعد ما تحدد).. وحبيت أعرف أفضل الأماكن للحجوزات التالية:

- قاعة أفراح ...... لو أي وحدة ممكن تفيدني بأسعار قاعات الأفراح في السلطنة بما فيهم الفنادق من انتركونتيننتال لين تحت.

- المكياج ... انا جربت عند زلفى قبل وبنت خالتي تمكيجت عندها بيوم عرسها وطلعت حلوة. أيضا شفت عروس متمكيجة عند سمية الريامي وأيضا طالعة حلوة.. شو رايكن؟ أحسن الماكييرات وأسعارهن.. وياريت تنزلولي صور اذا في.

- الشعر ... شفت عروس مسوية تسريحة عند ايمان اللبنانية بصالون السوسن وكانت التسريحة روعة.. اي اقتراحات أخرى.. والسعر لو سمحتن.

- مانيكيور باديكيور ، فيشال ، حلاوة ، حف ، حمام مغربي .. شو هي أفضل الصالونات لهالأشغال؟

- بعد أدور على دي جي وشاعر يكتب قصايد عطوني اقتراحاتكم..

وشكرا... اتمنى اني ما أكون ثقلت عليكم :)

$

$ عشقي الحلاو $

مطرودة

21-10-2008 | 05:28 PM

هـــلا يـا قلبي أول شي ألف مبروك ع الزواااج مقـدما
وعسى ربي يتمم لج على خيير

s0me0ne-special;7500057:
مرحبا بعرايس السلطنة.. انا عضوة جديدة بالمنتدى وحابة اشارك بمجموعة اسفسارات بخصوص التجهيز للعرايس..
أختي راح تتزوج خلال شهر يناير أو فبراير (الموعد ما تحدد).. وحبيت أعرف أفضل الأماكن للحجوزات التالية:

- قاعة أفراح ...... لو أي وحدة ممكن تفيدني بأسعار قاعات الأفراح في السلطنة بما فيهم الفنادق من انتركونتيننتال لين تحت.

طبعا انتركونتتناتل تقريبا ألف أو أكثر مش متأكدة ..
في قاعات أفراح سعرها اقل
بس يا ريت حددين لي ميزانيتج ..
عسب اعطيج المكان المناسب
قاعة النور واايد حلوة ع 1500 ويا البوفيه
نادي الشفق اذا تعرفين احد عنده عضوية 200 ريال فقط
قاعة الاطلالة 1000 وشوية من دون بوفيه

بس هذول افضل القاعات وانا بصراحة انصحج بقاعة النور
واايد حلوة وكشخة ..
من دون الديكورات شي وفتخيلي لو حطيتي كوشة مناسبة

- المكياج ... انا جربت عند زلفى قبل وبنت خالتي تمكيجت عندها بيوم عرسها وطلعت حلوة. أيضا شفت عروس متمكيجة عند سمية الريامي وأيضا طالعة حلوة.. شو رايكن؟ أحسن الماكييرات وأسعارهن.. وياريت تنزلولي صور اذا في.

يا الغـالية بصراحة حق المكياج انصحج تحجزين عند زلفى
حتى مساعداتها رووعـة
حجزي عند نادية ، او يمنى أو منيرة

وحتى هالة الدوسري رووعـة واايد راقية واسلوبها واايد حبوووبـة

وطبعا مكياج العروس 100 وفووق

- الشعر ... شفت عروس مسوية تسريحة عند ايمان اللبنانية بصالون السوسن وكانت التسريحة روعة.. اي اقتراحات أخرى.. والسعر لو سمحتن.

الشعر لي الحين ما في كوافيرة تتحدى فادية اللي في صالون جلامور والسعر على حسب طول شعرج والتسريحة اللي تبينها

- مانيكيور باديكيور ، فيشال ، حلاوة ، حف ، حمام مغربي .. شو هي أفضل الصالونات لهالأشغال؟

هذي السوالف انصحج في الجراند سبا أو مركز منال للتجميل

- بعد أدور على دي جي وشاعر يكتب قصايد عطوني اقتراحاتكم..

طبعا الديجي
ديجي ابو شهاب حلو وأغانيهم حلوة
ديجي الدانة اللي بزاخر هم حلو

اما الشعراء عندج خميس المقيمي بس أسعاره اشوي مرتفعة ولازم تخبيرنه قبل فترة شهرين من الموعد

وفي شاعر ثاني ماني ذاكرة اسمه واذا تبين رقمه انا حاظرة

وشكرا... اتمنى اني ما أكون ثقلت عليكم :)

لا يا الغـلا ولوووو ما سااويينا شييي
عسى الوناسة ما تفارق محياج

والسموحـة

^.^

ل

ليان عمانية

عروس نشيطة

22-10-2008 | 07:01 AM

تسلمييييييييييييييييييييييين يالغلا على ردج وما قصرتي.. أنا توقعت قاعة النور أغلى من جذي! توقعت بحدود 2500 عالأقل.. وما دريت انه مع البوفيه.. بس لو كان سعره ب 1500 فيا بلااااش بصراحة.. علطول بروح أحجز!

حبيت أعرف وين موقع جراند سبا ومنال للتجميل؟

ولو تسمحين تطرشين لي رقم خميس المقيمي والشاعر اللي جلتي عنه.

وتسلمين حبيبتي مرة ثانية :)

س

سارونة عمانية

عروس رائعة

22-10-2008 | 07:53 AM

سلام اختي.. ربي يتمملج بألف خير و تتهني.. حبيت بس اصححلك معلومة

قاعة النور في الايام العادية ب1500 و الويك اند 1600 و كله بدون البوفيه.. اذا بغيتي البوفيه من عندهم ياخذوا 5 ريالات على كل شخص..

اختي تفضلي زورينا في موضوع تجهيزات عرائس السلطنة و ان شاءالله بتلاقين كل الاجابات اللي تدورينها و اكثر بعد

حياج الله

ل

ليان عمانية

عروس نشيطة

22-10-2008 | 10:03 AM

سارونة عمانية;7510021:
سلام اختي.. ربي يتمملج بألف خير و تتهني.. حبيت بس اصححلك معلومة

قاعة النور في الايام العادية ب1500 و الويك اند 1600 و كله بدون البوفيه.. اذا بغيتي البوفيه من عندهم ياخذوا 5 ريالات على كل شخص..

اختي تفضلي زورينا في موضوع تجهيزات عرائس السلطنة و ان شاءالله بتلاقين كل الاجابات اللي تدورينها و اكثر بعد

حياج الله

تسلميييييييين سارونة انا حسيت ان 1500 ريال شي خياااال مو معقولة يعني! بس هل البوفيه لازم يكون من عندهم ولا ممكن نطلب أكل من برة؟ ولو عندج رقمهم ياليت تطرشيه لي لو ماعليج كلافة.

وانا زرت الموضوع اللي ذكرتيه وواصلة للصفحة 33 ووايد استفدت من شغلات كثيرة.. ودريت انج بتعرسين جريب... بالبركة ان شاء الله و اتمنالج ليلة تكون فعلا ليلة العمر وحياة كلها سعااااادة وهنااااااا والفاااااااااااال لي ان شاء الله بعد أختي (ادعووووووووولي) :tongue:

س

سارونة عمانية

عروس رائعة

22-10-2008 | 12:38 PM

تسلمين حبيبتي الله يبارك بعمرج و انشالله نفرح فيج قريبا جدا:) عادي تقدرين تطلبين اكل من بره و الرقم الحين بطرشه لج حاضرين للطيبين

تحياتي

د

دانة مامي

عروس جديدة

23-10-2008 | 01:34 PM

السلام عليكم اعضاء منتدى عروس
الف الف الف شكر على هالمنتدى الراقي جد استفدنا وايد منه
وايد اشيا كنت ابحث عنها وحصلتها هني

والف شكر لك اختي عشقي على هالمعلومات الطيبه
كفيتي ووفيتي _ أنا كان فخاطري اسأل عن كل اللي سألت عنه الأخت من شعر وميك أب وقاعه وبوفيه واستفدت من ردودك
بس عندي سؤال واحد بخصوص الشعر ياريت تخبريني بيكون بصوت الشاعر المقيمي أو فقط من أشعاره وبصوت ثاني؟ اسموحه انا جاهله في هالأمور
وابغي اعرف اسعاره بحدود جم تقريبا؟
واذا تقدرين تحصلين رقمه ياريت بأسرع وقت وربي مابقي وقت واكون شاكره لج

اعذروني على الإطاله

د

درصاف

عروس جديدة

25-01-2009 | 05:00 PM

حبيباتي المقبلات على الزواج او اللي متزوجه وتحب دايما تكون عروس
أنا أأجر أزياء عمانيه مطوره وبأسعار جدا مناسبه
اللي حابه تستأجر تراسلني عالخاص