للبحرينات فقط ’’’ تفضلو معي
الفارع
20-10-2008
16 رد
6,517 مشاهدة
اخباركم عرايس
حبيت اخذ معلوماتكم وافادتكم على بعض الماكيراات المشهورين لان بصراحه احترت
فيهم واغلبهم او مشغول او حجزز طبعاا المشكله هي انا ابي اعرف نوعيه شغلهم وطريقته
بالتعامل
هل ينكبون؟؟ او يطشنون المواعيد
كيف شغلهم ونوعيه الميك اب ...
لاني احترت وعورني راسي وفيه بعض الارقام ماهي موجوده عندي وشوفوو انا وش معلوماتي
اللي ابي استفسر عنهااا
صالون أشرقت ( مكياج نورة الكعبـي ) - الرفاع
صالون سيلينا ( مكياج شريفة فولاذ ) - بوكواره
صالون نهلة ( مكياج أميرة آل مبارك ) - الزنج
صالون أزاليا ( مكياج لمياء القلاف ) - عالي
صالون نادرة ( مكياج نادرة ) - توبلي
صالون سلوى ( مكياج سلوى - شعر نورية ) صالون إيلاف ( مكياج فردوس الحلواجي - شعر بدور )
صالون الرونق ( مكياج عايشة البلوشي - شعر وحيدة & فتحية )
منيرة سبت للمكياج والشعر فاطمه فكري او زكيه في صالون فاطمه شويطر
صالون انسه البحرين في ستره
الي تمكيج امل والشعر خديجه
هذا اللي عرفته وابي اي معلومات وافائده عنهم
ياليت اللي عندها رقم وحيده للشعر تعطيني اياه خاص
وانا سمعت عن وحيده ان اختها معاها واختها افضل
منهاا ياليت تنصحوني وتقولون ارائكم بكل مصداقيه
ابي الارقام فديتكم بنات
السلام عليكم
والله اختي انا بعطيج رايي في بعض اللي قلتيهم وبذكر اي شي اضافي من عندي
صالون سيلينا بالنسبة لشريفة انا شفت لها مكياج عجبني بسيط وناعم وفخم بسس بصراحة ما جربت بنفسي ولكن سمعت وايد يمدحون فيه
صالون نهلة انا تعاملت معاهم فعلاً ذووق وتعامل راقي جداً وشغل حلوو وترى كل شي عندها ماركات زينة ما تستخدم اي ماركة .. والشعر بعد مضبوووط
صالون نادرة انا جربت شغلهم بالنسبة للشعر شغلهم كلشش بطيئ ومو وايد مرتب وبالنسبة للمكياج معقول بسس بصراحة مو مميز
صالون سلوى الشعر زين ولكن المكياج احيان رووعة واحيان كلش كلش مأساوي
صالون ايلاف مكياج فردوس حلوووو ومضبوط بسس الالوان اللي تحطها بسيطة يعني للي يحبون الناعم اوكو بسس للي يحبون الوان ودمج وابداعات ما احس بيعجبهم
صالون انسة البحرين ما انصح احد يروح لان المكان حالته حالة ولا في حتى غرفة للعرايس يرتاحون فيها وحتى الحمامات وانتو بكرامة مو داخل الصالون وتعاملهم زفت جداً وفوق هذا كله يبون الناس تروح من 6 الصبح
وعندج صالون نجلاء انا اتعامل معاهم شغلهم حلووو في الشعر والمكياج
اتمنى افدتج
تحياتي
الله يوفقك دنيا واخره حياتي وانتظر باقي خواتي
صالون اشرقت خالتي وخوات ريلها راحو عند نورة الكعبي وسو مكياج بصراحه المكياج كان اكثر من عادي وخذت عليهم مبلغ محترم يعني بصراحه ماعجبني كلش وللامانه في ناس من قبل رايحين لهم ومدحوها بس مادري ليش سوت لهم جذي
وصالون سلوى شعر مضبوط وحلو اما المكياج اذا سلوى نفسها اوكي وسلوى ماتسوي الا حق العرايس بس شغلها ممتاز اما اذا وحده ثانيه لا مايمدحونهم بس مره وحده راحت تحجز حق مرت اخوها يوم عرسها قالت لها سلوى انه عندها وايد فالبنات بمكيجونها ورفجتي شافت شغل البنات لانه تقول كانت في عروسها البنات مكيجينها وعجبها بس مادري ماباقول اي تعليق اخاف يطلع العكس بس مكياج سلوى بنفسها لايعلى عليه
وعندج بعد رونق شعر يسون لج روووووووووووووعه بس مكياجهم لبناني حلو اما الثقيل ماشفت صراحه اي حد سوى ويمكن حلو بس لبناني مرتب وناعم وحل
صالون نهله بعد يمدحونه بس الله اعلم
وبس وباقي الصالونات مادري عنهم بس الي لفت انتباهي سالون سيلينا الي في بو كواره ماخبر فيه معروف لا في شي شلون مدحو لج اياه الله اعلم
اني الصراحه شفت مكياج نورةالكعبي نفس ما قلته اختي دقة القلوب اقل من عادي وتأخذ مبلغ كبير عليه ما يستاهل ومكياج فاطمة وصفيه شويطر بعد ما عجبني كلش ناعم كلش مافي زهوه عروس عجبني صالون ايلاف ناعم وبالنفس الوقت زاهي عجيب انصحش تروحين اليهم وتساريحهم بعد رووعه نفس تساريح الرونق تقريباً
فديتكم يالغاليات ممكن احديعطيني رقم فتحيه اللي معااا وحيده للشعر وش رايكم فيهاا
شدوو الهمه فديتكم
ص
صاحبة الظل الخفي
عروس ماسية
22-10-2008 | 03:12 AM
فتحيه اهيه اخت وحيده انه حجزتها لزواجي بدزلج رقم الصالون وحجزيها لان مايرضون يعطون ارقام مصففات الشعر والمكياج حجزت عايشه البلوشي
مادري وش رايكم بسلوى بنات وكيف اغراضها ماركات معروفه مثل عايشه البلوشي
مرحبا الغاليات
انا انصحج بمكياج اميره ال مبارك الصراحه البنت ذوق واخلاق ووااااااااايد صبوره مع الناس
ومكياجها مثل ما قالت الاخت ان كله ماركات ابدا ما شفت عندها شي عادي
صالون الرونق احس وحده طبعا هي وحيده لايعلى عليها وخواتها طلعو من تحت ايدها يعني اكيد حلو
الشعر عندج بعد دانه المتروك هي مع اميره الا مبارك
الصراحه روعه
بالنسبه الى ميساء ناس قالو حلو وناس ذمت فيه بس اللي اعرفه انه ناعم بس محد مدح كريم الاساس مالتها
واذا تبين رقم اي وحده راسليني عالخاص
مشكوره حبيبتي انا بصراحه اول مرره اسمع في اميره ودانه وياليت ترسلين ارقامهم خاااص
ترا انا ماحب الثقيل الخليجي احب الناعم المميز اللي مايشوه العروس
طيب يعني كيف شغلم حلوو نفس البلوشي وسميره شكر
نفس الشي حصل معاي حق خطوبتي رحت اشرقت عشان احجز عند نوره شفت وحده لابسه ستايل هندي سألتها حاطت لك نوره قالت لا عبير وسعر 20 وشفت عروس عند نوره كلش ماعجبني سعره 50 ففضلت عند عبير لان وايد في فرق وما خذلتني عبير صرت قمر بشهادة الجميع ومكياجها شفته كله ماركات
أنا جربت اللي في صالون نهلة
روعة فظيييييييعة تعرف تطلعج قمر
واختي يوم خطوبتها راح الرونق وبعد طلعوها تجنن اهي حطت عند وحيدة
يوم خطوبتي كان عند عبير 15 زبونه وعند نوره 4 وايد استغربت وكان رقمي 7 وكل زبونه طلعت من عندها ستايلها غير حتى مكياج بو 10 حطت حق صديقتي حده راقي وكله اسمع الزباين يتصلون او ايو ن يحجزون عندها كلش بشوشه تقعدين عندها تحسين انك تعرفينها من زمان بس كله مريضه عيني عليك بارده يا عبير احس انها محسوده الله يشفيك ويبعد عنك الحساد قولوا آمين
ربي يوفق الجميع مشكورين يالغاليات واتمنى اشوف واقرااا اكثر وش رايكم بسلوى الجودر
طيب هذي وين احصلهااا بس اسمهااا عبير كذاااا وفي اي مشغل بالضبط وكيف ميك اب تبعهااا ناعم او ثقيل
ر
رومانسيه جذابه
عروس برونزية
15-07-2009 | 10:29 PM
حبيبتي احلى مكياج طبعا صالون ايلاف فردوس مكياجها روووووووووووووووووووعه وكلاس وناعم تحسينه لبناني
انا في حفلتي تمكيجت عنده لاني ماحب الشي الدفش والاوفر والكل عجبه وسألني عنه
حته الشعر عندهم حلو بس طبعا مافي على وحيده في الشعر في البحرين كلها وحيده التووووووب!!
اما اشرقت نوره الكعبي سوري يعني بس مكياجها لوعه وتكرهج وتطلع كأنج وحش!!! والشعر مأساه اقل من العادي بعد!!!
يعني الزبده اذا تحبين تطلعين نعومه وكلاس وستايل لبناني روحي لفردوس وانتي مغمضه صج بتتغيرين بس للأحلى والشعر طبعا وحيده!!!
وفردوس ووحيده يلتزمون بمواعيدهم اذا دفعتي لهم عربون....
بس اذا تحبين المكياج الاوفر الخليجي روحي لأشرقت!!
وهذي الأرقام الي طلبتيها
ايلاف 00973
17260888
الرونق 00973
17700142
اشرقت 00973
177772646
سلوى
17414453
مشكوره حياتي الله يوفقك لكن انا ابي نظام اوربي لابعد درجه يعجبني الناعم وابي الشعر يكون تسريحات رومانيه لانهاا تهبل ولااادري من اجيب الاراء كثير والاذواق تختلف