ولدت بالسلامة وهذي قصتي

السلام عليكم ورحمة الله وبركاته

كيف حالكم وكيف حال البيبيات؟؟

موعد الولادة كان تاريخ 11\9\2008 م وبتاريخ 15\8\2008م نزل عندي دم مع الالام بسيطه رحت المستشفى وقالت لي الرحم فاتح 1سم وفي طلق خفيف وقالت لي احتمال كبير هذا اللاسبوع تولدين وعدت خمس ايام ولا ولدت وبعدين رجعت الالام اكثر من قبل ورحت المستشفى قالت لي 2 سم وضليت على الالام تزيد والرحم ما يفتح ولا سم لحد يوم الاربعاء 10\9\2008م وانا امشي في المجمع نزل عندي افرازات مع دم وطنشت قلت كالعاده بروح المستشفى بيقولون 2 سم هذا الكلام كان بالليل وبعد صلاة الفجر ابتدت عندي الالام وكل ما لها وتزيد وما قدرت انام من الالام احس ظهري يتقطع من الم وزوجي يقول قومي اوديك المستشفى وانا اقول له ما ابقى اروح بيقولون لي نفس الكلام والظهر يوم الخميس خلاص ما قدرت استحمل الم وجلست زوجي وودوني المستشفى وقالت لي 3 سم وعلى طول رحت المستشفى اللي بولد فيه ولمن وصلت انفتح 5 سم وعلى طول جهزوني للولادة وصعدوني قسم الولادة غرف ما قبل الولادة وكانت الساعه 3 الظهر وعلى الساعه 3.30 العصر انفتح 7.30 سم وعلى طول افتحت الماي ولمن افتحت الماي الالام زادت بشكل مو طبيغي وعلى الساعه 4.15 العصر انفتح 9 سم وانا اقول لها ابقى ادخل الحمام واهي تقول لي لا هذا على شان البيبي بيطلع وقالت لي اذا حسيتي بالطلق ادفعي وصرت كل ما اجس بالطلق ادفع لحد ما فتح 10 سم بعدها ودوني غرفة الولادة وقالوا لي كل ما جات الطلقه ادفع وانا خلاص ما فيني حيل ادفع بقوه وادفع اشوي واوقف واهم يصرخون على ادفعي بقوة عشان البيبي يطلع وصرت ادفع بقوة تقريبا 4 او 5 دفعات وبعدها قالوا لي خلاص بيبي طلع لاني كنت طول الوقت مسكر عيوني من الم وفتحت وشفته بعد قلبي قمر يا ربي حسيت كل هالتعب راح وسمعت صوته خلاص ارتحت وجابوه حطوه على صدري عشان ما احس لمن تطلع المشيمه وجات بعدها دكتورة الخياطة وخيطتني كلن في كف والخياطه في كف ثاني من دون بنج او اي شيء ومو راضيه حتى اقول اااه او اتكلم وخلصت الخياطه ونظفوا من داخل غير كذا ما خيطتي عدل واليوم رحت لدكتورتي وفتحت من الجرح ورجعت كاني توني والد بس الالام اخف


واجى عبد الرحمن تاريخ 11\9\2008 م الساعه : 5.18 عصرا

والله يسهل على كل وحده حامل ولا تتعذبون مثلي

دعواتكم