مرحبا بنات شخباركم انا اول مره اشارك معكم وضيفه بعد جديده عليكم .........:21_209:
شدتني مواضيعكم عن الحمل وقلت يالله يابنت اكتبي تجربتك ومعااااناااتك مع الحمل .
انا اول ماتزوجت حمل بعد تسعه شهور وبعد شهرين تقريبا سقطت لاني كنت اشتغل بعشاء زوجي وحييييييل تعبت ذيك الليله وصار معي نزبف ثلاث ايام ونزل بس الحمدلله على كل حال .
بعد سنه تقريبا بدت رحلة العذاب اقصد العلاج تعرفون الناس ماتخلي احد بحالها هذي وش فيها ماتحمل هاذي اكيد فيها بلى ومن هالكلام بس الحمدلله اللي مصبرني على هذا كله زوجي الله يخليه لي كاااان حيل متفهم وكان يقولي متى ماجبتي جبتي هذا شي بيد الله ....:clap:
المهم بديت اراااجع عند مستشفى خاااص
والله يابنااات اكلتنا اكل دايما تقولي الهرمون مرتفع وكولي من الحبووووووووووووب لحد مازااااد جسمي وفووق هذا المصاريف تسحب اللي معنا كللله والله احيانا نتسلف عشان نروحلها والله يابنات كل شهر سونار وابر تفجيريه وعلى هالحال كل شهر قسم بالله ان وركي يابنات صار اسود من الابر وصرت حتى ماداني اجلس كثير لانها تعورني :cry:
وبعد سنتين تركتها لانه ماصاااار شي قلت يالله يابنت الطب الشعبي ومن حرمه الى حرمه ولاصار شي والله يابنات اني اتقرف اذا اكلت ادويتهم جد طعم فضيييييييييييييع
وكل وحدهتقولي كلااام مختلف عن الثانيه وعععععععععععع واللله قرف بس وش اسوي:sm215:
والله يابنات نفسيتي حيل تعبت وجتني الضيقه وصرت ماحب اطلع ولا اروح لاحد يادوب اهلي ابهج من نضرات الناس لي خصوصا ان اخوه اللي اصغر منه تزوج بعدنا بسنه وماشاء الله لا الاه الا الله ان زوجته على طوول حملت وجابت ولد
وتعرفون هرج الناس مايرحم احد
المهم زوجي انقرف من هالحريم وقاااال ابوديك لدكتور متخصص معروف اسمه حمد الصفيان بالرياض
والله يابنات ثم والله من اول مره حملت عنده
رحت يمه طبعا اول شي سوالي تحاليل لي ولزوجي
وطلعنا كلنا سليمين مافينا اي شي وانهبلنا قلنا كيف ماصار حمل؟؟؟؟
انا من غبائي كانت الدكتوره معطتني حبوب الهرمون نص الصبح ونص في الليل وطووووول هالسنين وانا ابلعهن من لحاااالي وقلت للدكتور وانهبل الدكتور طلعتهم من شنطتي ورماهم في الزباله
وعطاني كلوميد وابره تفجيريه جاء الشهر الجاااي الا انا حامل والحمدللله قالي الحبوب اصلا غلط من الدكتوره هي بس ثلاث شهور وتوقفينها قلتلها ماادري هي خلتني اكلها حوالي سنتين يقول هي اللي رااافعه الهرمون عندك يعني لو كنتي تاركتها كان حملتي
وياربي لك الحمد والشكر انا اللحين عندي ولد عمره سنتين وستة شهور وبنتي جبتها بعد الحمدلله لا مستشفيات ولا غيره وعمرها خمسة شهور يارب تحفضهم لي
وهذي تجربتي عشان تستفيدون يابنات كل شي بيد رب العالمين :21_112:
