تنظيم الميزانيه

لي رجعة للموضوع بكتب لج اشلون اوزع الراتب على المصروفات والاشياء اللي ابغيها

هلا خيو ............ اني شهريا زوجي من ينزل المعاش يسحب من البنك فقط 200 دينار ويعطيني اياهم في ايديي طبعا قبل ما كنا جذي نصرف وبس بس من كم شهر قعدت اخطط واتفقت مع زوجي على التخطيي اللي سويته وقلنا تجربه بنشوف كم يبقى لنا اخر الشهر من المعاش

قبل هالمخطط اللي سويته ما يبقى من معاشنا شي ما ينزل الراتب اللي بعده الا احنا ميتيين

المهم قصيت قصة حياتي ههههههههههههههههههههههههه

وهذا مخططي الشهري لمعاشنا مبلغ 200 دينار:

20 دينار جمعية ___________ اني مشتركة بجمعيتين كل وحده غير عن الثانيه وحده مع ناس ووحده في احدى الجمعيات للدخار والتسليف اجمع لبيت المستقبل او شقة المستقبل الله اعلم
20 دينار بترول ____________ قبل كان زوجي يصرف ازيد من 20 على البترول بس بعض محطات البترول يبيعون دفاتر مثل دفتر الشيكات بس الدفتر للبترول جربنا شهر واحد اخذنا دفتر ابو 20دينار كل مرة يبغي يشحن بترول انروح ونعطيهم ورقة من الدفتر مدفوعة القيمة مسبقا وكل ورقة فيها 2دينار يعني كل مرة نشحن بدينارين ولقينا ان هالطريقة فادتنا ووفرت علينا في نفس الوقت فشهريا للبترول 20دينار لا اكثر
40د ينار فواتير الهواتف فقط ___________بدون الكهرباء والماء
80دينار سوبرماركت ________ احتياجاتنا ما تزيد عن 80دينار والباقي من الثمانين اخليهم بروحهم للعشيات اذا بنطلب من برا
20دينار أمي ___________ متعوده شهريا زوجي يعطي امي 10 دينار لان امي محد لها غيرنا وابوي متوفي وما عندي اخوان فيعطيها عشرة دينار والعشرة الثانية يدفعها لبيل تلفون البيت حسبتها مع الاربعين مالت الابيال
4دينار للحصالة ____________ شرييت حصالتيين حصاله لبنتي احط فيها 2دينار وحصالة للايام السوده او مستقبلا اذا احتجناها احط فيها 2دينار فالمجموع صار 4 ....... ايام الخطوبة بعد سويت حصالة وفادتني واجد في ولادتي لان ما فتحتها ا الا يوم قريب بولد شريت حاجيات البيبي
15دينار متفرقات ___________ هذي ال 15 خليت كل خمس دينار في ضرف مكتوب عليه اسم كل واحد منا....... واحد لبنتي وواحد حقي وواحد لزوجي عشان اذا بغيت شي الا عندي مبلغ حتى لو بسيط لكن موجود... قبل اتصيدنا انتكاسة وقت الصيف نبغي ملابس لبنتا وزوجي يبغي مثلا بنطلونات وانا ابغي ومافي فلوس هالفكرة احسن شي طبعا انزيد عليهم اذا المبلغ ما يكفي ............وهالفكرة واجد فادتنا
10_________ لبنتي لحساب التوفير بالبنك .........زفتحنا لها حساب وقام البنك من ينزل الراتب يسحب ويخلي بحسابها بس بعدها غيرنا البنك عشان القروض اللي ما نستغني عنها فصار حسابها ما ينحط فيه شي فسويت جذي اجمع لها بروحهم في ضرف غير الخمسه اللي فوق لما يصير مبلغ زين بنوديه البنك في حسابها
1دينار_________ يبقى من ال 200 دينار دينار واحد فقررت ان اخليه صدقه .........الخرده اللي تبقى بعد مثلا من عشاء او غيره نجمعهم بعدين اوزعهم نص بالحصالات ونص الباقي صدقه
فالمجموع كامل 200 دينار

50دينار اللي ينزلونها مالت الغلاء هذي نوزعها على السلفات اللي علينا

جذي مرتاحين وما نحاتي شي

طبعا باقي المعاش اللي يضل بالبنك زوجي يسحب منه اذا احتاج شي بالشغل واذا لاسمح الله احد منا مرض نوديه العياده وفلوس الادوية واذا بقى منه شي ونزل المعاش الثاني وفيه بالحساب من المعاش القبلي 20 او 10 دينار نسحبهم ونخليهم في ضرف بروحهم عشان نجمع للسفر خاطرنا نسافر لان .

وانتين شوفي حاجياتكم الشهرية الثابتة وكم تصرفون ووزعي وشوفي المجموع النهائي

[grade="00008B FF6347 008000 4B0082"]
[GRADE="FF6347 DC143C 0000FF"]
مشكووووووووووورة خيو ما قصرتين وجزاك الله الف خير بحاول انظم ميزانيتي على طريقتك وانشالله نقدر نوفر لان زوجي من اول يوم ينزل الراتب تطلع ليه الف شغله ويطير المعاش

انزين خيو عندي اسفسار جمعيه الادخار وين تكون ؟؟؟
[/GRADE][/grade]

طيب اختي كم راتب زوجك؟؟

مشكورة خيو راتب زوجي 300 دينار يعني 3000 ريال بالاضافه لعلاوة السكن 100 دينار و50 علاوة الغلاء يعني يصير كامل 4500 ريال

[GRADE="00008B FF6347 008000 4B0082"]
[GRADE="00008B FF6347 008000 4B0082"]
يا جماعه وينكم؟؟؟؟؟؟؟؟؟؟
[/GRADE][/GRADE]

اهم شى التخطيط المسابق ووضع الجدول لذلك
المعاشة(مواد غذئية)
الفواتير مبلغ معين كل شهرمثلا
150 هاتف_150 جوال -ماء كوبونات مسبقة الدفع من نستله والتوصل الى البيت-كهرباء
الفسط
طوارى ضيوف مثلا400
مستشفى
جربدة100
مصروف شخصى
سيارة(بترول-صيانة)
مصروف مدرسى الاطفال
تصليح فى البيت 200
تبرع او كفالة يتيمى 135
الوالده 200
هدايا100
عشاء بر البيت مرة فى الشهر فقط على حسب الوضع
مصروف الاسرة لسوق مبلغ شهريا حتى يكون مبلغ حلو
الايجار
اذخار
التقسيم على حسب الراتب كم
وكل شى فى ظرف لوحده
ويوضع جدول واخر الشهر ننظر الى الفا ئض والجوانب الى فيه ناقص
النتج تكون بعد الاستمرار على الجدول لمدة 4شهور ثم يعتمد الابد

ا

الوحدة لازم توفر....محد يدري شو مكتوب لنا في المستقبل
أنا بقول لكم عن توفيري

أنا ريلي يعطيني كل شهر 3000 درهم
أنا مسوية ظروف وكل ظرف كاتبة عليه
الظرف الاول:عبايات واحط فيه200 درهم
وكل ظرف حق شي وأوفر تقريباً 500 درهم لاني مشتركة في جمعية
ومن هالشهر إنشاءالله ببدأ أوفر 1000 درهم لاني خلصت من الجمعية
بس الحمدلله أحس إني مرتاحة وااااااااااااااااااااااااايد وأشتري اللي أبغيه

السلام عليكم

في البداية اني كنت مثلج اختي ما اعرف اسوي ميزانية فقمت طبعا بعد مشورة الوالدة الله يطول عمرها ويخليها لي ولا يحرمني منها قالت لي حطي ظروف وقيسي اول شي ميزانية اسبوع يعني اشوف خلال الاسبوع جم اصرف من اكل وخضروات وفاكهة وبترول ومصاريف جانبية ومصاريف حق بنتي الصغيرة وعقب ما تطلعين المجموع ونصيحه امشي على جدول الى الوجبات اللي بتسوينها طول الاسبوع عشان تعرفين شنو تحتاجين من اشياء تشترينها وبعدين امشي على هالمنوال كل اسبوع هذا من جانب الصرف والاحتياجات اليومية اما باقي المعاش خليه اذا مثلنا عليش قروض او ديون او فواتير والباقي حاولي تدخرينة ولا تستهين ين باي مبلغ حتى لو كان بسيط اجمعيه وان شاء بيجي يوم يصير مبلغ محترم تقدرين تخلينه حق سفر تغير اثاث اي شي يطرا عليش

تحياتي

[GRADE="00008B FF6347 008000 4B0082"]
اشكر جميع الاخواتي للي ردوا والله يعطيكم الصحه والعافيه
[/GRADE]

والله يالغاليات انا معاشي بروحي تقريبا 600 دينار كويتي ومالي شغل بالبيت ولا بالمصروف وصار لي سنتين موظفه ومع هذا ما وفرت ولا فلس ولا شريت شي يسوا ابي تساعدوني ولعلم بالكويت كل شي غالي يعني نصرف 100دينار كاننا صارفين دينار واحد بس ابي اوفر احتياط للزمن بس شللللللللللللللللللللللللللللون؟

أختي في البداية أنا بعد ماكنت أرتب أموري.. بس من ولدت ولدي وزادت المصاريف وطلبنا خدامة صار لازم نرتب أمورنا ونوفر.. فمن ينزل المعاش أوزع كل شي من جمعيات توفير. كفالة. مصاريف تلفون... وأخلي عند أمي مبلغ للتوفير لأن أعرف إن المبلغ عند أمي راح يتوفر وهالمبلغ أخليه حق سفر او مصاريف طائة تطلع لنا... أوفر مبلغ حق مدرسة ولدي.. ومن زوجي يسلمني مصروف الجمعية التعاونية أروح أشتري الأغراض او هو راح يشتريهم.. وأخلي المبلغ المتبقي بالبنك يكون مصروف لنا لآخر الشهر في حالة طلعنا ناكل برع او تسوقنا... والحين مفكرة حتى أحط مبلغ جانبي حق المستشفيات والخضار والبرادة اللي جنب البيت وماعتبرهم من مصروفنا الشخصي...

والله يا بنات الصراحة انا واااااااايد استفدت منكم و تسلم اللي سالت السؤال وكل من جاوب عليها

تصدقون هالموضوع عور راسي

في الخطوبة كنا نصررررررف ونفلس اخر الشهر تعودنا على جدي ويوم تزوجت وحملت صرت افكر في بعدين يعني بيصر عندنا ولد ومصاريفنا بتزيد والحين مو ملحقين على شي اشلون بعدين

عاد قمت احسب واعد وغيرره وغيرره وزوجي ما يشجع والحين صار لي متزوجة 5 سنوات وما خليت طريقة ما تبعتهاا وكلهم فشلو

والحين راتبنا ازيد من قبل لانة زوجي يشتغل شغلة غير ونحصل 50 مالت الغلاء وبعد مو ملحقين على شي كلشششششش

ما يجي بداية الشهر الا ورانااا الف شي يعني بس يمر اسبوعين الا احنا على وشك الافلاس ولدي عمره 4 سنوات وما عنده ولا فلسسس تخيلو

لو زوجي يشجع اشوووي بس انجان قدرت اخطط لكن جددي ما في امل يتعدل الحال

ترتيباتكم مفيده جداً
افكر اقوول حق خطيبي يسويها .. وفر بيزات .. لا انا و هو منولدين فخير و نعمه والله ،، بس ما ندري المستقبل شمخبي فلازم اقوله نوفر شوي .. لانه ابوي و ابوه مو دايميين لنا ..

حبيبتي بخصوص كرت البترول انا زوجي كان ياخذه بس مشاويرنا وااااااايد صراحه كان ياخذ بو 30 او ما يكفي الا اسبوعين يعني انا التزاماتي ضعف اللي عندج مع انه انا و زو جي بس :(

وينكم ليش صكيتوا الوضوع ردوا عشان الكل يستفيد

السلام عليكم
الموضوع مفييييييد جداً
بس انا زوجي عليه ديون ولسا ماخلصنا منها
استنى نخلص نبداص التوفير

اذا عندكم رأي ثاني فيدوني