اقووووووولكم
انا سويت اليوكو يوم الثلاثا الي طاف و الحمدلله شعري ماطاح
مع انه مصبوغ و فيه هاي لايت من شهرين و نص و كنت خايفه اسويه
بس الكوافيره مصريه قالت لي لا تخافين ماراح يضر و طمنتني لين رضيت
انا و رفيجتي سوينا عندها و النتيجه ولله حلوه و اطراف شعري ماصارت واقفه
اول شي بقولكم طبيعة شعري ويفي يعني الشعره ناعمه بس متموجه
و شعري صديقتي متموج وايد و خشن و اثنينا عجبتنا النتيجه الحمدلله
و قالت لنا لا تغسلون شعركم ولا تربطونه 3 ايام و بس امس حطيت فيه خلطة زيت و روب و مايونيز و صفار بيض و تالي غسلته و خليته يجف بدون استشوار
و باجر ناوين انا و صديقتي نروح الصالون حق نسوي حمام زيت بالبخار
ولله يابنات شعري صار تمام جنه طبيعي الشعره ماصارت سيده مثل الفلبينيات
بس صارت مفروده و فيها موجه بسييييييييطه كلش يعني عادي اطلع فيه مايفشل
و القذله صارت مفروده من الجذور ناعمه و بعدين حطيت فيه كريم براشوت الاخضر و صار يلمع و ناعم الحمدلله
و حتى لو اسويه استشوار مابياخذ وقت كلش
حتى خواتي استغربو انا كل مره اسوي ريلاكس في الريجنسي عند صالون ايلي و جان
بس النتيجه مو حلوه جذي و اهم شي مافي تساقط
بقولكم ان طول شعري متوسط خذت علي 60 دينار و شعر صديقتي قصير خذت عليها 50 دينار و قصت لنا اطراف شعرنا بلاش
اول شي استشورت شعورنا انا كان شعري اولريدي مستشور و لازم الشعر يكون نظيف
بعدين تحط لنا كريم و ترش عليه رش بخاخ و بعدين تخليه يمكن 20 دقيقه تالي تغسله و
ترجع تسوي لنا استشوار و ترد عليه بالمكواه السيراميك و ترجع تحط كريم ثاني و تخليه وقت
و تالي تغسله و ترد تستشوره و خلاااااااص
ادري سالفه طويله بس يستاهل و انا باجر ناويه اتصل حق الكوافيره و اشكرها على النتيجه الحلوه و كانت معاملتها معانا تهبل من اهتمام و شغل عدل و خفة دم
و على فكره ترا عندهم كيراتين و ريبوند بعد
و المائي ماتنصح فيه ابد تقول انه اسوأ انواع الريلاكس
و بعد راعية الصالون تمكيج مكياج ناعم و حلو و كله من ماركة فور ايفر
انا شفت كاتلوج مكياجها و عجبني
و اختي بتجرب مكياجها
تاريخ 1/11 و بخبركم عن النتيجه ان شاءالله
اي استفسار عندكم سألوني انا حاضره لكم