قصة ولادتي زي ماوعدتكم
/
انا كان موعد ولادتي 10/10/2008 واكمل تسع شهور بالتمام
لكن اخر موعد لي مع الدكتورة كان الاربعاء 8/10/2008
ولما فحصتني قالت ماعندك اي بوادر ولادة الرحم عندك مسكر تماما
وقالت لي انتي جسمك صغير واحتمال نولدك قيصيري لو البيبي زاد حجمه عن 3 كيلو عشان الحوض عندك
المهم انا بعدها اقلمت نفسي على اني بولد قيصيري من كلامها ولاني بكرية متوقعة اتعدا موعد ولادتي بعشر ايام على الاقل
لكن
الحمدالله ولدت ولادة طبيعية بعد معاناة طلق استمر 9 ساعات في المستشفى
و الطلق الحقيقي بدا معاي يوم الجمعة 10/10/2008
الساعة 11:00
صحيت زوجي لصلاة الجمعة
وجهزت له ملابسه وطلع يصلي
ورحت ارتب البيت واغسل المواعين وانا اغسلهم حسيت بمغص شديد
باسفل البطن لدرجة اني الوي ظهري من الالم وجلست على الكرسي ماقدرت اكمل الشغل
خمس دقايق وراح الالم
كملت شغلي وخلصت بعد نص ساعة رجع لي
رجع زوجي من الصلاة بدل ملابسه وراح للدوام وانا اتصبر ماقلت له فيني طلق
عشان مايقلق علي
وصار كل نص ساعة يجيني ويروح اذا جت الطلقة اقعد اقرا واستغفر وادعي ربي يفرج لي
واذا راحت اقوم اشتغل او ارتب او اتفرج تلفزيون
المهم اتصلت في ماما قلت لها قالت هذا طلق اتصلي بزوجك خليه يجي يوديك للطواري لانه كان يوم جمعة
جيت مسكت التلفون بدق بس بعدين بطلت طالعت الساعة لقيتها اربع قلت باقي 2 ويجيني بتصبر اكثر
لانه مانزل معاي مويات ولا اي علامة ولادة
صرت امشي بالشقة واقرا ادعية الولادة وانفث على بطني تقريبا لمدة ساعة
/
الساعة 6:00 المغرب
جاء زوجي من الدوام ماقدرت اصبر اول مابدل ملابسه قلت له ترا فيني طلق واتوقع اولد اليوم او بكرة
استعد نفسيا
قال اوديك للطواري قلت لا ودي اتصبر لين بكرة عشان ابي دكتورتي تولدني لانه يوم الجمعة مافيه دوام رسمي
اخذت دش دافي شربت كمون مع قرفة وجلست اسولف مع زوجي
/
الساعة 8:30 مساءا
زاد معاي الالم شي فظييييع ماقدر اتحمله وكان كل عشر دقايق تجي طلقة وترووح
ماقدرت اتكلم كنت منسدحة
مسكت الجوال اتصلت على زوجي وهو كان جالس بالصالة
قلت له بسرررعة بروح المستشفى مقدر اتحمل اكثر مرررة تعبانة
قال يالله
بدلت ملابسي ولبست عباتي وطلعنا على الطوارئ
/
الساعة 10:00 مساءا
كان فيه دكتورة هندية هناك
حطوني على جهاز التخطيط وسمعو نبض الجنين ودرجة الطلق و
كشفت عليا قالت الرحم مفتوح 2 سم ونص بس انتي بكرية وماانفتحت الموية ولا نزل معاك السدادة
اذا بتنتظرين هنا براحتك اذا بتروحين البيت وترجعين اذا زاد اكثر او نزل معاك شي
فكرت وشاورت زوجي قلت اروح البيت ارتب اغراضي واشوف وش ناقصني من الصيدلية واتعشا والفجر زوجي يجيبني قبل لا يطلع للعمل
/
الساعة 11:30 مساءا
زاد الالم بشكل سريع وقوي وبدا معاي الطلق كل خمس دقايق تجيني طلقة وتروح وتنفضني نفض
وكنت بفراشي بنام عشان اقوم الفجر على الطوارئ ولكن ماقدرت
زوجي نايم جنبي وانا ابكي بسكات ما ابي اصحيه واتلوى من الالم واون
اذا جت الطلقة تجيني روجة اتعب منها واذا راحت اريح وادعي واسبح واذكر الله واستغفر
لين ماقدرت اقاوم اكثر وصحيته
وانا ابكي زي الاطفال ونطير على الطوارئ
/
الساعة 12:05
انا في المشستفى
قلت للدكتورة خلاص مقدر اتحمل حطوني عندكم وحطو علي التخطيط ولبسوني لبس المشتفى
وقالت لي امشي في العيادة عشان يزيد يفتح الرحم
وبديت امشي بالسيب واسولف مع الدكتورة والممرضات لكن اذا جت الانقباضات اوقف واتلوى وادعي دعاء الهم والفرج واستغفر وادعي دعاء الشفاء
وبعدين تروح وبعدين اكمل مشيي
مشيت يمكن عشرين دقيقة وخلاص ماقدرت امشي اكثر تعبت
اتسحطت على سرير الولادة وكانت الساعة 1:00 صباحا من يوم السبت وحطوني على جهاز التخطيط وركبو لي المغذي
/
طلبت ابرة الظهر وجاء زوجي وسوا اجراءات الابرة واختار لي غرفة خاصة ووقع عليهم
وقالت الدكتورة الابرة بنعطيك اياها اذا فتح عندك الرحم من 3-4 سم
وفعلا الساعة
3:00 صباحا
نقلوني على غرفة التخدير
وجا دكتور التخدير ولكنه تعب معاي في وضع الابرة اخذ نص ساعة يثبتها
مدري المشكلة فيني والا في خبرة الدكتورة المهم تحملت الالم وانا ادعي بصوت عالي لا اله الا انت سبحانك اني كنت من الظالمين عشان الهي نفسي عن الدكتور والابرة
وخلصنا منها بعد نص ساعة تقريبا
تخدر جسمي من تحت ماصرت احس برجولي ولا بفخوذي ولا ببطني من تحت الصدر لين تحت
لدرجة اذا كشفت علي الدكتورة تروح وتخليني انادي الممرضة تسكر رجولي مقدر اجعهم واضمهم
لكن كنت احس بالطلقة على خفيف جدا واحس ان هذا وقتها
وركبو لي قسطرة البول
/
الساعة 4:15 صباحا
رجعت غرفة الولادة وكشفت علي وقالت فاتح 4 سم
وطول هالوقت وانا ادعي واسبح واقرا الورد والاذكار واقول حسبي الله لا اله الا هو عليه توكلت وهو رب العرش العظيم
وكان فيني رجفة فظيعة يداتي ترجف وسنوني تطقطق واقولهم بررررررررد ابي بطانية والا قصرو التكييف ذبحتهم
مدري الرجفة من الخوف والا من قوة الطلق
/
وتوالت الساعات وانا على هالحال
الساعة 7:00 صباحا
كشفت قالت مفتوح تسع ونص
قلت لها احس اني ابي ادفع اسوي بوووش
قالت لا مدام استنا شوي اذا فتح عشرة سم ادفعي
وانا اتصبر وادعي يارب تفرج لي
بعد نص ساعة كشفت قالت مفتوح 10 سم
خلاص الان نبي نشيل عنك التخدير التحتي عشان تحسين بالطلقة وتدفعين البيبي
انصدمت انا فكرت الابرة بتضل معاي لين يطلع البيبي
حاولت فيها رفضت بشدة قالت مايصير
المهم الساعة سبعة اتغير الشفت وجت دكتورة هندية ثانية غير دكتورتي وشرحو لهم وضعي عشان تتابع معاي
وانا اسمع الحريم الي تدخل ساعة والا ساعتين تصارخ وتولد وتطلع وانا لا لحياة لمن ينادي لي 8 ساعات في نفس الغرفة ولا ولدت تعبت نفسيا
جتني هسيتريا بديت افكك الاجهزة الي علي وارمهيم اولهم جهاز الضغط والاكسجين الي على خشمي
وحتى الطاقية الي حاطيننها على شعري فكيتها روميتها
انهبلت خخخ وصرت ابكي
قلت جيبو ززززززوجي
نادوه ودخلوه عندي
وانا تعبانة مووت مافيني حيل ادفع او اسوي اي شي جسمي مرهق لاخر درجة
وزوجي يهديني ويقرا علي ويقول حاولي بتقدرين مابقا الا شوي
وانا ابكي اقوله والله مقدر ابي قيصرية خخخخخخخخ
والدكتورة تضحك علي تقول اي قيصرية راس البيبي تحت واشوفه من تحت بس انتي هدي شوي وريلاكس واذا جت الطلقة سوي بوووش وراح تولدي
ماقدرت طلع زوجي لانه ممنوع يضل معاي وقت طويل
وانا ابكي وحسيت بكابة وحسيت اني بقعد على هالوضع وقت طووويل
كرهت كل شي صرت اقول للدكتورة وللمرضات اطلعو برا خلوني لحالي انا اسوي بووش وانا اساعد نفسي بس مابي اشوف احد خخخ
وضليت على هالحال لين جت الساعة
9:30 صباحا
وانا على نفس الحالة الرحم مفتوح كليا وانا تعبانة وراس بنتي واقف تحت في الحوض
قمت اصارخ اقول اتصلوا بدكتورتي ابي دكتورتي تجي تولدني خلاص مافيني اتحمل
وفعلا نادوها وجت قالت لي كلمتين ريحتني وقالت نبي نولدك حنا
قلت شلون
واشوف الممرضة جايبة جهاز وش كبره قالت هذا الجفت بنحسب البيبي يممممممممممه
قلت لالالالا مابيه خلاص انا اعرف اسوي بووش تكفين مابييه
قالت بنعطيك محاولة اخيرة قبل لانستخدمه لانه وضعك بدا يتعسر ولك ساعتين ونص والوضع ماتحسن وراس الجنين طالع من تحت بس يبي لك تساعدينا
قامت خدرتني من تحت بثلاث ابر وشقت العجان وانا ادفع وادفع باقوى ماعندي حسيت وجهي بيطلع من كثر ما اتعصررررررت
وتدخل الدكتورة يدها وتسحب الراااااااس
وطلللللللللللللللللللعت بنتي ياربيييييييييييييييييييييييييييييييييييييييييييه ماتصدقون شعوري وقتها انهبلت قمت اصارخ اقول الحمدالله الحمدالله الحمدالله وحطتها على صدري
قلت شيلوها مالي خلق تعبانة وودها لابوها وشافها
وجوالي بجنبي
امسكه واتصل على امي قلت لها يمه ولدت ولدت جبت بنوته قبل مايسكرون رجولي ويخطيوني من الفرحة
وبعدين ضغطت على بطني وطلعت المشيمة ونظفوني وخيطوني
واغمى علي انا ونمممممممممت لين الساعة 2 الظهر
والحمدالله عدت على خير
وجت احلا (رند) للدنيا الساعة 9:45 صباح يوم السبت الموافق 11/10/2008
الله يصلحها ويخليها لي ولابوها يارب
