سؤال عن قاعات الفنادق في البحرين ؟؟؟؟؟

حبيبتي اغلب الفنادق ما يعطونج حق هاي العدد
لانه العدد اقل شي 300:)
وفي موضوع اسمه صالات البحرين حق الاخت نار
دورية وبتلقين جميع الاجوبة حقج

هلا اختي قلبك اخر

انه جفت موضوع صالات البحرين قبل ما اكتب الموضوع و مالقيت اي تفاصيل عن الفنادق الي ذكرتهم يمكن بس الريجنسي الي قالوا عنه 200شخص 2000 دينار بس ابي اتأكد اكثر اما الباقي ولاشي ذكروا عنهم غير الصالات العاديه تكلموا عنها و اسعارها و الخدمات

هلا اختي..والله انا حبيت افيدج انا حفلة زواجي بعد جذي سويتها عائلية 200 شخص في فندق الخليج قاعة اوال وطبعا تعرفين سمعة فندق الخليج والله طلعت علينا حدود الالفين وزود ..بس فيها عيب الكهربا يعني مساكين الي يركبون المسرح والفرقة تأذو ليما شغلو لهم الكهربا فبس حبيت افيدج

عندج قاعة الرفاع في الريجنسي صغيرة و حلوة و تناسب عرس عائلي .. وعندهم اقل شي 200 شخص .. باقي القاعات كبيرة .. اما عن الاسعار مدري كم بصراحة ..ما حبيت ادخل و ما ارد ..

امممم انا اذكر كانت عندي لستة أسعار قاعة المؤتمرات في الكراون بلازا
وهي طبعا على سعر البوفيه
واقل شي اظن كان ب9 للشخص
يعني اذا حق 200 شخص بتطلع ب2000 مع الضريبه اللي هي 10%

بس اظن اقل عدد هو 300 شخص اذا كان في الويك اند، ماتذكر بالضبط

بس ماحبيت ادخل بدون ما اساعد

وفي بعد عندج قاعة فندق السفير ، اذكر رحت فيها كذا عرس من جم سنة
بس ماعندي فكره عن اسعارها
وفي بنات تكلموا عن فندق رامادا أظن

والسموحه

فندق الدبلومات
قاعة السفراء الكبرى والصغرى
وتقريبا تكلف 3000
وكل هذا يعتمد على الليلة وعلى البوفيه وهالسوالف
وبالتوفيق

انا الشوق و مشاعر مجهولة وهذيان عاشـقة

مشكورين فديتكم ماقصرتوا بردودكم الطيبه الله يجزيكم خير


عروس 7-8

الله يهنيج اختي و يسعدج ان شاءالله بحياتج و ماقصرتي بردج يالطيبه

هلا حبوبه

اذا تبين حفله عائليه وفى فندق احسن مكان عندج فندق اليت سويت عندهم قاعه وحده وتصلح لحفله عائليه يعنى لعدد 200

لانه الفنادق الثانيه مثل الريجنسي والدبلومات وركوان بلازا والخليج والريتز والشيراتون ما يصير لعدد اقل من 300

وبالتوفيق يالغلااااااااااااااا

والفال للجميع

تعرفون اسماء صالات في مستوى شهرزاد ؟
ويكون السعر في حدود الـ 400 دينار لـ 500 دينار ؟

حـــلم;7501022:
تعرفون اسماء صالات في مستوى شهرزاد ؟
ويكون السعر في حدود الـ 400 دينار لـ 500 دينار ؟

اختي العزيزه روحي مرمزير عندهم قاعات صغيرة وفي حدود هاي المبالغ ومعاهم الأكل وكلشي واسعارهم وايد زينه...

اختي حلم عندج قاعة الريان بعد اسعارها مثل الي تبين

مرحبا بنات

الي تعرف عروض صالة مرمريز بليز تخبرني جم تكلفتها

هلا بسومه صاله مرمريز 1 و2 الى اهما لكبار

اسعارهم تبدا من 1100 دينار حق 100 شخص
و1200 حق 200 شخص
و1300 حق 300 شخص
و1400 دينار حق 400 شخص
و1500 دينار الى 500 شخص وهذا فى الايام العاديه اما ليالى الويكند يزيد المبلغ 400 دينار

مثلا الى 1500 حق 500 شخص اذا كان يوم ويكند يصير سعرها 1900 دينار

وهذا اسعار اقل بوفيه لانه عندهم 3 انواع بوفيهات
وكل واحد يزيد عن الثانى 200 دينار

يعنى يعتمد سعر الصاله على نوع الاكل الى تختارينه وعدد المعازيم

السعر يتراوح بين 1100 دينار ويوصل لين 2500 دينار

بحرينية وكلي فخر تسلمين حبيبتي عالرد

اختي اعتقد انسب شي بالنسبه لج كحفله عائلية اهي قاعة الرفاع في فندق الريجنسي تنفع حق 200 شخص وسعرها بعد معقول مقارنة مع باقي الفنادق