اذا تحبوني ساعدوني

السلام عليكم:
خواتي العزيزات شخباركم؟ ان شاء الله تمام و بخير . المهم انا عندي مشكله يمكن تحسون انها تااافه بس هذه المشكله انا احس فيها من يوم ما كنت صغييره و هي:
احيانا احس ان اهلي يعني امي و ابوي و خواتي هم مو اهلي لاني ما احس انهم يحبوني و الله ما احس باي حب اتجاهي من ناحيتهم ما عدا امي و الله امي هي الوحيده الي احس انها تحبني بس الباقي لا و خصوصا اخوي واايد يفرق بيني و بين خواتي لدرجة انه ما يخليني اجلس على النت مثلهم يعني هم يجلسون كثر ما يبوم انا لا ما يصير و احيانا يضربني بعد لكن انا مو صغيييره حتى بابا احس انه يفرق و لما خبرتهم و قلت لهم عن احساسي قالو لي لا احنا نحبج و لا نفرق بينج و بين خواتج !!!!! وش اسوي و الله تعبت من كل شي ومو بس جذي الا بعد احس انا ما في احد بالكون يحبني حتى صديقاتي احسهم ما يحبوني (( لانهم خانوني و راحوا قالو لاختي عن سر و اختي قالت لابوي و صارت عندي مشكله كبييره ما طلعت منها الا روحي قبلها طلعت )) انا وايد اتعذب و صدقون ما ارتاح الا معاكم
ساعدوني اذا تقدرون
و اسفه لاني طولت عليكم و غربلتكم معاي
اختكم الصغيره وردة الحب:confused: